ਤਿੰਨ ਦਿਨਾਂ " ਕ੍ਰਿਸ਼ੀ ਮਹਾਕੁੰਭ" ਮੱਧ ਪ੍ਰਦੇਸ਼ ਦੇ ਰਾਏਸੇਨ ਵਿੱਚ ਆਯੋਜਿਤ ਕੀਤਾ ਜਾਵੇਗਾ, ਜਿੱਥੇ ਫਸਲਾਂ ਦੇ ਨਾਲ-ਨਾਲ, ਡੇਅਰੀ, ਪੋਲਟਰੀ, ਮੱਛੀ ਪਾਲਣ, ਬੱਕਰੀ ਪਾਲਣ, ਐਫਪੀਓ-ਮਾਰਕੀਟਿੰਗ ਅਤੇ ਗ੍ਰਾਮੀਣ ਮਹਿਲਾਵਾਂ ਲਈ ਰੋਜ਼ੀ-ਰੋਟੀ ਦੇ ਮੌਕਿਆਂ 'ਤੇ ਵਿਸ਼ੇਸ਼ ਧਿਆਨ ਦਿੱਤਾ ਜਾਵੇਗਾ ਤਾਂ ਜੋ ਕਿਸਾਨਾਂ ਦੀ ਆਮਦਨ ਦੇ ਕਈ ਮਜ਼ਬੂਤ ​​ਥੰਮ੍ਹ ਬਣਾਏ ਜਾ ਸਕਣ। ਕੇਂਦਰੀ ਖੇਤੀਬਾੜੀ ਅਤੇ ਕਿਸਾਨ ਭਲਾਈ ਅਤੇ ਗ੍ਰਾਮੀਣ ਵਿਕਾਸ ਮੰਤਰੀ, ਸ਼੍ਰੀ ਸ਼ਿਵਰਾਜ ਸਿੰਘ ਚੌਹਾਨ ਨੇ ਕਿਹਾ ਕਿ ਇਸ ਰਾਸ਼ਟਰੀ ਪੱਧਰ ਦੇ ਸਮਾਗਮ ਵਿੱਚ, ਬੀਜ ਤੋਂ ਲੈ ਕੇ ਬਾਜ਼ਾਰ ਅਤੇ ਮੱਛੀ ਤੋਂ ਲੈ ਕੇ ਮੋਤੀ ਤੱਕ, ਸਮੁੱਚੀ ਗ੍ਰਾਮੀਣ ਅਰਥਵਿਵਸਥਾ ਦੀ ਵੈਲਿਊ-ਚੇਨ ਨੂੰ ਇੱਕ ਪਲੈਟਫਾਰਮ 'ਤੇ ਜੋੜਿਆ ਜਾਵੇਗਾ।

 “ਕ੍ਰਿਸ਼ੀ ਮਹਾਕੁੰਭ” : ਇੱਕ ਪਲੈਟਫਾਰਮ 'ਤੇ ਪੂਰੀ ਵੈਲਿਊ-ਚੇਨ

ਕੇਂਦਰੀ ਖੇਤੀਬਾੜੀ ਮੰਤਰੀ ਸ਼੍ਰੀ ਸ਼ਿਵਰਾਜ ਸਿੰਘ ਚੌਹਾਨ ਨੇ ਕਿਹਾ ਕਿ 11 ਤੋਂ 13 ਅਪ੍ਰੈਲ ਤੱਕ ਰਾਏਸੇਨ ਵਿੱਚ ਹੋਣ ਵਾਲਾ ਇਹ ਮੇਲਾ ਉਤਪਾਦਨ, ਪਸ਼ੂ ਪਾਲਣ, ਪ੍ਰੋਸੈਸਿੰਗ, ਮਾਰਕੀਟਿੰਗ ਅਤੇ ਉੱਦਮਤਾ ਦੀ ਪੂਰੀ ਵੈਲਿਊ-ਚੇਨ ਨੂੰ ਇਕੱਠਾ ਕਰੇਗਾ, ਤਾਂ ਜੋ ਕਿਸਾਨ ਖੇਤ ਤੋਂ ਬਾਜ਼ਾਰ ਅਤੇ ਨਿਰਯਾਤ ਤੱਕ ਦੀ ਪੂਰੀ ਯਾਤਰਾ ਨੂੰ ਇੱਕ ਜਗ੍ਹਾ 'ਤੇ ਸਮਝ ਸਕਣ। ਰਾਏਸੇਨ ਦਾ ਦੁਸਹਿਰਾ ਮੈਦਾਨ ਤਿੰਨ ਦਿਨਾਂ ਲਈ ਲਾਈਵ ਡੈਮੋ, ਤਕਨੀਕੀ ਸੈਸ਼ਨ, ਸਿਖਲਾਈ ਲੜੀ ਅਤੇ ਵਪਾਰਕ ਮੀਟਿੰਗਾਂ ਦਾ ਕੇਂਦਰ ਹੋਵੇਗਾ, ਜਿੱਥੇ ਵਿਗਿਆਨੀ, ਸਟਾਰਟ-ਅੱਪ, ਐਫਪੀਓ, ਸਵੈ-ਸਹਾਇਤਾ ਸਮੂਹ ਅਤੇ ਗ੍ਰਾਮੀਣ ਉੱਦਮੀ ਆਹਮੋ-ਸਾਹਮਣੇ ਸੰਵਾਦ ਕਰਨਗੇ।

ਉੱਨਤ ਪਸ਼ੂਧਨ ਪ੍ਰਦਰਸ਼ਨ ਅਤੇ ਵਿਗਿਆਨਿਕ ਪਸ਼ੂ ਪਾਲਣ ਮਾਡਲ

ਇਸ ਉੱਨਤ ਕ੍ਰਿਸ਼ੀ ਮਹੋਤਸਵ ਵਿੱਚ ਪਸ਼ੂ ਪਾਲਣ ਅਤੇ ਡੇਅਰੀ ਵਿਭਾਗ ਅਤੇ ਰਾਜ ਸਰਕਾਰ ਦੁਆਰਾ ਆਯੋਜਿਤ, ਪਸ਼ੂਧਨ ਪ੍ਰਦਰਸ਼ਨਾਂ ਵਿੱਚ ਗਿਰ, ਸਾਹੀਵਾਲ, ਥਾਰਪਾਰਕਰ ਅਤੇ ਮਾਲਵੀ ਵਰਗੀਆਂ ਉੱਨਤ ਗਾਵਾਂ ਦੀਆਂ ਨਸਲਾਂ ਦੇ ਨਾਲ-ਨਾਲ ਦੁੱਧ ਅਤੇ ਮਾਸ ਦੋਵਾਂ ਲਈ ਢੁਕਵੀਆਂ ਬੱਕਰੀਆਂ ਦੀਆਂ ਨਸਲਾਂ, ਜਿਵੇਂ ਕਿ ਜਮੁਨਾਪਾਰੀ, ਬਾਰਬਰੀ, ਸਿਰੋਹੀ, ਬੀਟਲ ਅਤੇ ਸੋਜਤ, ਪ੍ਰਦਰਸ਼ਿਤ ਕੀਤੀਆਂ ਜਾਣਗੀਆਂ। ਕੜਕਨਾਥ ਵਰਗੀਆਂ ਵਿਸ਼ੇਸ਼ ਪੋਲਟਰੀ ਨਸਲਾਂ ਕਿਸਾਨਾਂ ਨੂੰ ਉੱਚ-ਮੁੱਲ ਵਾਲੇ ਬਜ਼ਾਰਾਂ ਤੱਕ ਪਹੁੰਚ ਪ੍ਰਦਾਨ ਕਰਨਗੀਆਂ।

ਮੋਬਾਈਲ ਵੈਟਰਨਰੀ ਯੂਨਿਟ ਰਾਹੀਂ, ਪਸ਼ੂ ਸਿਹਤ ਕੈਂਪਾਂ, ਟੀਕਾਕਰਣ, ਪੋਸ਼ਣ ਪ੍ਰਬੰਧਨ, ਪ੍ਰਜਨਨ ਅਤੇ ਨਸਲ ਸੁਧਾਰ ਬਾਰੇ ਵਿਸ਼ੇਸ਼ ਜਾਣਕਾਰੀ ਪ੍ਰਦਾਨ ਕੀਤੀ ਜਾਵੇਗੀ, ਜਿਸ ਨਾਲ ਛੋਟੇ ਅਤੇ ਸੀਮਾਂਤ ਪਸ਼ੂ ਪਾਲਕਾਂ ਨੂੰ ਘੱਟ ਲਾਗਤ 'ਤੇ ਉਤਪਾਦਕਤਾ ਵਧਾਉਣ ਦੇ ਵਿਵਹਾਰਕ ਤਰੀਕੇ ਸਿੱਖਣ ਦੀ ਆਗਿਆ ਮਿਲੇਗੀ। ਡੇਅਰੀ ਸਹਿਕਾਰੀ ਸਭਾਵਾਂ, ਚਾਰਾ ਪ੍ਰਬੰਧਨ, ਗੋਬਰ-ਅਧਾਰਿਤ ਊਰਜਾ, ਅਤੇ ਜੈਵਿਕ ਇਨਪੁਟਸ ਵਰਗੇ ਵਿਸ਼ਿਆਂ 'ਤੇ ਵੀ ਮਾਰਗਦਰਸ਼ਨ ਪ੍ਰਦਾਨ ਕੀਤਾ ਜਾਵੇਗਾ, ਤਾਂ ਜੋ ਪਸ਼ੂਆਂ ਨੂੰ ਖੇਤੀਬਾੜੀ ਨਾਲ ਜੋੜ ਕੇ ਚੱਕਰੀ ਅਤੇ ਟਿਕਾਊ ਖੇਤੀਬਾੜੀ ਮਾਡਲ ਵਿਕਸਿਤ ਕੀਤੇ ਜਾ ਸਕਣ।

ਮੱਛੀ ਪਾਲਣ, ਐਕੁਆਕਲਚਰ, ਅਤੇ ਪਾਣੀ-ਅਧਾਰਿਤ ਉੱਦਮ

ਮੱਛੀ ਪਾਲਣ ਵਿਭਾਗ ਅਤੇ ਰਾਸ਼ਟਰੀ ਮੱਛੀ ਪਾਲਣ ਵਿਕਾਸ ਬੋਰਡ (NFDB) ਦੁਆਰਾ ਬਾਇਓਫਲੋਕ, ਰੀਸਰਕੁਲੇਟਰੀ ਐਕੁਆਕਲਚਰ ਸਿਸਟਮ (RAS), ਐਕੁਆਪੋਨਿਕਸ, ਸਜਾਵਟੀ ਮੱਛੀ ਪਾਲਣ (Ornamental Fish Culture), ਅਤੇ ਪਰਲ ਫਾਰਮਿੰਗ (Pearl Culture)  ਦੇ ਲਾਈਵ ਮਾਡਲ ਪ੍ਰਦਰਸ਼ਿਤ ਕੀਤੇ ਜਾਣਗੇ ਤਾਂ ਜੋ  ਕਿਸਾਨਾਂ ਅਤੇ ਨੌਜਵਾਨ ਸੀਮਤ ਪਾਣੀ ਅਤੇ ਜਗ੍ਹਾ ਦੇ ਬਾਵਜੂਦ ਉੱਚ ਆਮਦਨ ਪੈਦਾ ਕਰਨ ਵਾਲੇ ਆਧੁਨਿਕ ਮੱਛੀ ਪਾਲਣ ਮਾਡਲਾਂ ਨੂੰ ਨੇੜਿਓਂ ਸਮਝ ਸਕਣ । 

ਪ੍ਰਧਾਨ ਮੰਤਰੀ ਮਤਸਯ ਸੰਪਦਾ ਯੋਜਨਾ, ਰਾਸ਼ਟਰੀ ਮੱਛੀ ਪਾਲਣ ਵਿਕਾਸ ਪ੍ਰੋਗਰਾਮ (NFDP), ਮੱਛੀ ਪਾਲਣ ਬੁਨਿਆਦੀ ਢਾਂਚਾ ਵਿਕਾਸ ਫੰਡ (FIDF) ਅਤੇ ਹੋਰ ਯੋਜਨਾਵਾਂ ਬਾਰੇ ਵੀ ਜਾਣਕਾਰੀ ਪ੍ਰਦਾਨ ਕੀਤੀ ਜਾਵੇਗੀ, ਜਿਸ ਨਾਲ ਕਿਸਾਨ ਆਪਣੇ ਖੇਤਾਂ ਦੇ ਨਾਲ-ਨਾਲ ਤਲਾਬਾਂ, ਰੀਸਾਈਕਲਿੰਗ ਟੈਂਕਾਂ ਜਾਂ ਐਕੁਆਪੋਨਿਕਸ ਯੂਨਿਟਾਂ ਦੇ ਰੂਪ ਵਿੱਚ ਪਾਣੀ-ਅਧਾਰਿਤ ਉੱਦਮ ਸ਼ੁਰੂ ਕਰ ਸਕਣਗੇ ਅਤੇ ਸਾਲ ਭਰ ਆਮਦਨ ਦੇ ਨਵੇਂ ਸਰੋਤ ਪੈਦਾ ਕਰ ਸਕਣਗੇ।

50+ FPOs ਅਤੇ ਮਾਰਕੀਟਿੰਗ ਡਿਵੀਜ਼ਨ: ਬ੍ਰਾਂਡਿਡ ਗ੍ਰਾਮੀਣ ਉਤਪਾਦਾਂ ਲਈ ਰਾਸ਼ਟਰੀ ਪਲੈਟਫਾਰਮ 

ਮਾਰਕੀਟਿੰਗ ਡਿਵੀਜ਼ਨ ਦੇ ਅਧੀਨ 50 ਤੋਂ ਵੱਧ ਕਿਸਾਨ ਉਤਪਾਦਕ ਸੰਗਠਨ (FPOs) ਹਿੱਸਾ ਲੈਣਗੇ, GI-ਟੈਗ ਕੀਤੇ ਚਿਨੌਰ ਚੌਲ, ਸ਼ਰਬਤੀ ਕਣਕ, ਮਿਲੇਟ-ਅਧਾਰਿਤ ਉਤਪਾਦ (ਕੋਡੋ, ਕੁਟਕੀ), ਵੱਖ-ਵੱਖ ਦਾਲਾਂ, ਛੋਲੇ, ਸੋਇਆ ਉਤਪਾਦ, ਹਲਦੀ-ਲਸਣ-ਮਰਿੰਗਾ ਪਾਊਡਰ, ਸਰ੍ਹੋਂ-ਅਲਸੀ ਦਾ ਤੇਲ, ਸ਼ਹਿਦ, ਅਚਾਰ, ਗੁੜ, ਗੁੜ ਪਾਊਡਰ, ਗੁੜ ਕੈਂਡੀ, ਮੂੰਗਫਲੀ ਦੀ ਚਿੱਕੀ ਅਤੇ ਤਿਲ ਦੇ ਲੱਡੂ ਵਰਗੇ ਮੁੱਲ-ਵਰਧਿਤ ਉਤਪਾਦਾਂ ਨੂੰ ਪ੍ਰਦਰਸ਼ਨੀ ਅਤੇ ਵਿਕਰੀ ਕਰਨਗੇ, ਤਾਂ ਜੋ ਸਥਾਨਕ ਉਤਪਾਦਾਂ ਨੂੰ ਰਾਸ਼ਟਰੀ ਮਾਨਤਾ ਅਤੇ ਬਿਹਤਰ ਕੀਮਤਾਂ ਪ੍ਰਾਪਤ ਕਰਨ ਵਿੱਚ ਮਦਦ ਮਿਲ ਸਕੇ।

12 ਅਪ੍ਰੈਲ ਨੂੰ ਹੋਣ ਵਾਲੀ FPO ਕਾਨਫਰੰਸ ਵਿੱਚ ਸੰਗਠਨ ਪ੍ਰਬੰਧਨ, ਬ੍ਰਾਂਡਿੰਗ, ਪੈਕੇਜਿੰਗ, ਕੋਲਡ ਚੇਨ, ਲੌਜਿਸਟਿਕਸ ਅਤੇ ਈ-ਟ੍ਰੇਡ ਪਲੈਟਫਾਰਮਾਂ 'ਤੇ ਵਿਸਤ੍ਰਿਤ ਚਰਚਾ ਕੀਤੀ ਜਾਵੇਗੀ ਤਾਂ ਜੋ ਛੋਟੇ ਕਿਸਾਨ ਉਤਪਾਦਕ ਸੰਗਠਨਾਂ ਨੂੰ ਈ-ਕਾਮਰਸ ਅਤੇ ਆਧੁਨਿਕ ਰਿਟੇਲ ਚੈਨਲਾਂ ਰਾਹੀਂ 'ਲੋਕਲ ਟੂ ਨੈਸ਼ਨਲ' ਦੀ ਯਾਤਰਾ ਨੂੰ ਤੇਜ਼ੀ ਨਾਲ ਪੂਰਾ ਕਰਨ ਦੇ ਯੋਗ ਬਣਾਇਆ ਜਾ ਸਕੇ।

ਗ੍ਰਾਮੀਣ ਮਹਿਲਾਵਾਂ ਦੀ ਰੋਜ਼ੀ-ਰੋਟੀ ਅਤੇ ਸਵੈ-ਸਹਾਇਤਾ ਸਮੂਹਾਂ (SHGs) ਦੀ ਮਜ਼ਬੂਤ ​​ਭਾਗੀਦਾਰੀ

ਗ੍ਰਾਮੀਣ ਵਿਕਾਸ ਮੰਤਰਾਲਾ ਇਸ ਮੇਲੇ ਵਿੱਚ ਕ੍ਰਿਸ਼ੀ ਸਖੀਆਂ, ਆਜੀਵਿਕਾ ਦੀਦੀਆਂ, ਡ੍ਰੋਨ ਦੀਦੀਆਂ ਅਤੇ ਸਵੈ-ਸਹਾਇਤਾ ਸਮੂਹਾਂ (SHGs) ਦੀ ਵਿਸ਼ੇਸ਼ ਭਾਗੀਦਾਰੀ ਨਾਲ ਹਿੱਸਾ ਲਵੇਗਾ। ਉਹ ਗ੍ਰਾਮੀਣ ਮਹਿਲਾਵਾਂ ਦੀ ਅਗਵਾਈ ਵਾਲੇ ਸਫਲ ਉੱਦਮਾਂ ਦੀਆਂ ਪੇਸ਼ ਕਰਨਗੀਆਂ। ਉਨ੍ਹਾਂ ਦੇ ਸਟਾਲਾਂ ਵਿੱਚ ਜੈਵਿਕ/ਕੁਦਰਤੀ ਉਤਪਾਦ, ਪ੍ਰੋਸੈਸਡ ਭੋਜਨ, ਨਵੀਨਤਾਕਾਰੀ ਖੇਤੀਬਾੜੀ ਮਾਡਲ, ਬਹੁ-ਪੱਧਰੀ ਖੇਤੀ, ਡ੍ਰੋਨ ਸੇਵਾਵਾਂ, ਨਰਸਰੀਆਂ, ਖੇਤੀਬਾੜੀ ਉਪਕਰਣ ਬੈਂਕ ਅਤੇ ਗ੍ਰਾਮੀਣ ਸੇਵਾਵਾਂ ਪ੍ਰਦਰਸ਼ਿਤ ਕੀਤੀਆਂ ਜਾਣਗੀਆਂ ।

ਇਨ੍ਹਾਂ ਪਹਿਲਕਦਮੀਆਂ ਨਾਲ ਗ੍ਰਾਮੀਣ ਮਹਿਲਾਵਾਂ ਦੀ ਉੱਦਮਤਾ ਨੂੰ ਮਜ਼ਬੂਤ ​​ਕਰਨ, ਸਮੂਹਿਕ ਬ੍ਰਾਂਡਿੰਗ ਨੂੰ ਉਤਸ਼ਾਹਿਤ ਕਰਨ ਅਤੇ ਇੱਕ ਸਵੈ-ਨਿਰਭਰ ਗ੍ਰਾਮੀਣ ਅਰਥਵਿਵਸਥਾ ਨੂੰ ਹੁਲਾਰਾ ਮਿਲੇਗਾ।

ਸਿਖਲਾਈ, ਸਟਾਰਟ-ਅੱਪਸ, ਅਤੇ ਵਿਗਿਆਨਕ ਸੰਵਾਦ: ਨੌਜਵਾਨਾਂ ਲਈ ਨਵੇਂ ਦਿਸਹੱਦੇ

ਸ਼੍ਰੀ ਚੌਹਾਨ ਨੇ ਕਿਹਾ ਕਿ ਕਿਸਾਨਾਂ ਲਈ ਮੁਫ਼ਤ ਸਿਖਲਾਈ, ਸਰਕਾਰੀ ਯੋਜਨਾਵਾਂ ਬਾਰੇ ਲਾਈਵ ਜਾਣਕਾਰੀ, ਖੇਤੀਬਾੜੀ ਸਟਾਰਟ-ਅੱਪ ਪੇਸ਼ਕਾਰੀਆਂ, ਅਤੇ ਵਿਗਿਆਨੀਆਂ ਨਾਲ ਸਿੱਧਾ ਸੰਵਾਦ ਇਸ ਕ੍ਰਿਸ਼ੀ ਮਹਾਕੁੰਭ ​​ਦੇ ਤਿੰਨ ਮਜ਼ਬੂਤ ​​ਥੰਮ੍ਹ ਹਨ, ਜੋ ਨਾ ਸਿਰਫ਼ ਖੇਤੀਬਾੜੀ ਉਤਪਾਦਨ ਨੂੰ ਵਧਾਏਗਾ ਬਲਕਿ ਗ੍ਰਾਮੀਣ ਨੌਜਵਾਨਾਂ ਲਈ ਰੁਜ਼ਗਾਰ ਅਤੇ ਉੱਦਮਤਾ ਦੇ ਨਵੇਂ ਰਾਹ ਵੀ ਖੋਲ੍ਹੇਗਾ। ਥੀਮ-ਅਧਾਰਿਤ ਤਕਨੀਕੀ ਸੈਸ਼ਨ, ਡਰੋਨ, ਹਾਈਡ੍ਰੋਪੋਨਿਕਸ, ਆਰਏਐਸ, ਬਾਇਓਫਲੋਕ, ਵੇਸਟ-ਟੂ-ਵੈਲਥ, ਵਾਟਰ ਹਾਰਵੈਸਟਿੰਗ, ਕੁਦਰਤੀ ਖੇਤੀ, ਡਿਜੀਟਲ ਖੇਤੀ, ਅਤੇ ਐਗਰੀ-ਫਿਨਟੈੱਕ ਵਰਗੇ ਖੇਤਰਾਂ 'ਤੇ ਮਾਹਿਰਾਂ ਦੁਆਰਾ ਪੇਸ਼ਕਾਰੀਆਂ, ਅਤੇ ਸਵਾਲ-ਜਵਾਬ ਸੈਸ਼ਨ ਤਿੰਨੋਂ ਦਿਨਾਂ ਦੌਰਾਨ ਆਯੋਜਿਤ ਕੀਤੇ ਜਾਣਗੇ, ਜਿਸ ਨਾਲ ਭਾਗੀਦਾਰ ਆਪਣੇ ਪਿੰਡਾਂ ਵਿੱਚ ਵਾਪਸ ਆਉਣ 'ਤੇ ਤੁਰੰਤ ਨਵੇਂ ਮਾਡਲਾਂ ਨੂੰ ਲਾਗੂ ਕਰ ਸਕਣ।

*****

ਆਰਸੀ/ਐਮਐਸ/ਡੀਕੇ/ਐਮਕੇ/ਬਲਜੀਤ ਸਿੰਘ