জন বিশ্বাস (এমেন্দমেন্ত ওফ প্রোভিজনস) বিল, ২০২৬ অসি পার্লিয়ামেন্তকী হাউস অনিমক্না পাস তৌখ্রে। মসি লৈবাক অসিদা ইজ ওফ দুইং বিজিনেস অমসুং ইজ ওফ লিভিং হেন্না হেনগৎহন্নবা মরুওইবা খোংথাং অমনি। বিল অসিনা গবর্নমেন্তকী থাজবদা য়ুম্ফম ওইবা গবর্নান্স ফ্রেমৱার্ক অমা শেমগৎনবা অমসুং মীওইশিং অমসুং ব্যুজিনেসশিংদা কমপ্লাইএন্সকী পোৎলুম হন্থহন্দুনা হেন্না ফরবা রেগুলেসন অমা লৈহন্নবা অচেৎপা ৱাফম অদু উৎলি।

বিল অসিগী প্রোভিজনশিংগী মতুং ইন্না মন্ত্রালয় ২৩না চলাইরিবা সেন্ত্রেল এক্ত ৭৯গী প্রোভিজন ৭৮৪ শেমদোকখ্রে। মসিগী মনুংদা, ইজ ওফ দুইং বিজিনেস প্রমোৎ তৌনবা প্রোভিজন ৭১৭ দিক্রাইমিনেলাইজ তৌখ্রে, অদুগা ইজ ওফ লিভিংদা মতেং পাংনবা প্রোভিজন ৬৭ এমেন্দ তৌখ্রে। অপুনবা ওইনা, বিল অসিনা অপীকপা ওফেন্সশিং লৌথোক্তুনা ওফেন্স ১,০০০ হেন্না রেসনেলাইজ তৌনবা হোৎনরি। মসিনা রেগ্যুলেতরী এনভাইরনমেন্ত ফগৎহল্লগনি অমসুং বিজিনেস অমসুং নাগরিকশিংগীদমক্তা হেন্না কান্নবা ইকোসিস্তেম অমা ওইহল্লগনি।

হেল্থ সেক্তরগী মনুংদা, অহোংবশিং অসি দ্রগ এন্দ কোসমেতিক্স এক্ত, ১৯৪০; ফার্মেসী এক্ত, ১৯৪৮; ফুদ সেফতী এন্দ স্তেন্দর্দ এক্ত; ক্লিনিকেল ইস্তাব্লিশমেন্ত (রেজিস্ত্রেসন অমসুং রেগুলেসন) এক্ত, ২০১০; অমসুং নেস্নেল কম্মিসন ফোর এলাইদ অমসুং হেল্থকেয়র প্রোফেসনস এক্ত, ২০২১ য়াওনা মরুওইবা আইনশিংদা য়াওরি। অসিগুম্বা রিফোর্মশিং অসি মীয়ামগী হকশেলগীদমক্তা মপাঙ্গল কনবা ঙাক-শেনবশিং ঙাক্তুনা থম্বগা লোয়ননা কমপ্লাইএন্স অসি লাইথোকহন্নবগী পাক চাউবা পান্দমগা চুনৈ।

রিফোর্মশিং অসিগী মরুওইবা মগুন অমা হায়রগদি ক্রাইমিনেল পেনাল্তিশিং, মরুওইনা মাইনর প্রোসিদ্যুর ভাইওলেসনশিংগীদমক্তা জেলদা থম্ববু গ্রেদেদ ওইবা শেলগী পেনাল্টিশিংনা মহুৎ শিনবা হায়বসিনি। মসিনা পব্লিক হেল্থ অমসুং সেফতীদা শোকহল্লিবা শাথীবা লানফমশিংগীদমক্তা অকনবা থবক লৌখৎপা ঙম্নবা হোৎনবদা হেন্না লায়থোকহল্লিবা রেগুলেতরী ফ্রেমৱার্ক অমগী মায়কৈদা অহোংবা লাকপদা খুদম ওইরি।

দ্রগস এন্দ কোসমেতিক্স এক্ত, 1940দা, ফাইনান্সিএল পেনাল্তীগা লোয়ননা জেলদা থম্বগী মহুৎ শিনবা অমসুং স্ত্রকচর তৌরবা এজুদিসন মেকানিজম অমা হৌদোক্নবা প্রোভিজন কয়া অমা শেমদোকখ্রে। মরুওইনা, সেক্সন 27A ((ii) অমসুং সেক্সন 28Aগী মখাদা লানহৌবশিংগীদমক্তা এদিসিএসন মেকানিজম অমা হৌদোক্লে। মসিনা কসমেতিক্কী (স্প্যুরিয়স নৎত্রগা এদলতরেৎ তৌরবা নত্তবা) হীরমদা কোর্তকী ইন্তর্ভেন্সন মথৌ তাদে অমসুং মসিগী মহুত্তা সিভিল পেনাল্তি ফ্রেমৱার্ক অমগী খুত্থাংদা থেংনবা য়াগনি হায়বা থাজবা পীরি।

মসিগী মথক্তা, দোক্যুমেন্তশিং থাদোক্তবা নৎত্রগা ই-পাউ পীশিন্দবা অসিনচিংবা, হান্নদি কোর্তনা ফাইন নত্ত্রগা জেলদা থম্বগী চৈরাক পীখিবা মফমশিং অসি হৌজিক্তি সিভিল পেনাল্তি মেকানিজম অসিগী খুত্থাংদা য়েংশিনবা য়াই। অহানবা ওইনা, এক্ত অসিনা সেন্ত্রেল গবর্নমেন্ত অমসুং স্তেত গবর্নমেন্তশিংনা এদ্জুদাইজিং ওথোরিতীশিং নিংথৌকাবা, শোই কজ নোতিসশিং ইসু তৌবা, পর্সোনেল হিয়রিংগী প্রোভিজন, অমসুং আপিলেত মেকানিজম য়াওবা মশক খঙদোক্লবা প্রোসেস অমা পীরি।

রিফোর্ম অসিনা কোর্তশিংদা চৈথেং য়াম্না হন্থহল্লগনি, লিটিগেসনগী লেয়রশিং হন্থহল্লগনি অমসুং মাইনর কমপ্লাইএন্স ইসুশিং অথুবা মতমদা লোইশিন্নবা ঙম্লগনি। মসিদা স্তেত্যুতরী রেকোর্দশিং নৎত্রগা দোকুমেন্তশিং শেন্নদবা অসিনচিংবা প্রোসিদ্যুরেল লেপশিং য়াওনা, হৌজিক মতম শাংনা চত্থগদবা লিতিগেসনদগী লাপথোক্তুনা, মওং চুম্বা অমসুং মাংজৌননা উবা ঙম্বা মওংদা লাইয়েংনবা য়াহন্দুনা, কোসমেতিক ইন্দস্ত্রীদা অখন্ননা কান্নবা ফংহল্লগনি।

মতৌ অসুম্না, ফার্মেসী এক্ত, ১৯৪৮দা শেমদোক-শাদোকপা অসিনা পেনাল্তী প্রোভিজনশিং মোদর্নাইজ তৌনবা অমসুং মদুগী মতুং ইন্না চৎনদ্রবদি শেলগী পেনাল্তী হেনগৎহন্দুনা একাউন্তেবিলিতী হেনগৎহন্নবা পান্দম থম্লি। রিফোর্মশিংনা অপদেৎ তৌরবা লিগেল ফ্রেমৱার্কশিংগা লোয়ন-লোয়নবগী থবকসু পাংথোক্লি।

ফুদ সেফতী এন্দ স্তেন্দর্দ এক্ত, ২০০৬কী মখাদা প্রোভিজনশিং অসি ওফেন্স অদুগী মওং মতৌগা চান্নবা পেনাল্তীশিং লৈহন্দুনা এনফোর্সমেন্ত মপাঙ্গল কনখৎহন্নবা স্ত্রাইমলাইন তৌখ্রে। মসিনা রেগ্যুলেতরী সুপরভিজন অমসুং কমপ্লাইএন্স লায়থোকহনবগী মরক্তা চুনবা পথাপ অমা শৌগৎলি।

ক্লিনিকেল ইষ্টাব্লিসমেন্ত (রেজিস্ত্রেসন অমসুং রিগুলেসন) এক্ত, ২০১০ অসি অকক্নবা শেনফমগী পেনাল্তীশিং পীবা ঙম্নবা, মরুওইনা অশোয়বা অদুনা পেসেন্তকী সেফতীদা খুদোংথীবা লৈহন্দবা কেসশিংদা অকক্নবা শেনফমগী পেনাল্তীশিং পীবা ঙম্নবগীদমক অপদেত তৌখ্রে। মসিনা ক্রিমিনেল প্রোসিদ্যুসন শিজিন্নদনা কোরেক্টিব এক্সন লৌনবা পুক্নিং থৌগৎলি।

মখা তানা, প্রোফেস্নেল স্তেন্দর্দশিং অমসুং রেগুলেতরীগী মথৌ তাবশিং ঙাক্না চৎননবা নেস্নেল কম্মিসন ফোর এলাইদ অমসুং হেল্থকেয়র প্রোফেসনস এক্ত, ২০২১বু মপাঙ্গল কনখৎহনখ্রে। প্রোপর্তোসনেলিতী ঙাক্তুনা থম্বগা লোইননা লান্থোকপশিং থিংনবা পেনাল্তীশিং শেমখ্রে।

হকশেলগা মরী লৈনবা তোঙান-তোঙানবা লেজিস্লেসনশিংদা রিফোর্মশিং অসি মান্নহনবা অসিনা রেগ্যুলেতরী ফ্রেমৱার্কশিং চান্নহন্নবা পান্দম থম্লিবা কোহেরেন্ত পোলিসী এপ্রোচ অমা উৎলি। ক্রিমিনেল পেনাল্তিশিংদগী সিভিল পেনাল্তিশিংদা ওন্থোকপা অমসুং এদিসিএসন মেকানিজমশিং পুথোক্তুনা, এমেন্দমেন্তশিং অসিনা এনফোর্সমেন্ততা কোন্সতিবিতী, প্রিদিক্তেবিলিতী অমসুং প্রোপর্তিওনেলিতি লৈহল্লগনি। অসিগুম্বা মওং অসিনা রিগুলেতরী ফ্রেগমেন্তেশন হন্থহল্লি, কমপ্লাইএন্সকী মথৌ তাবশিং লায়থোকহল্লি অমসুং হেল্থ সেক্তরগী তোঙান-তোঙানবা সেগমেন্তশিংদা থবক তৌরিবা স্তেকহোল্দরশিংদা ক্লিয়রিতী ফংহল্লি।

রিফোর্মশিং অসি ইমপ্লিমেন্ত তৌবদা মিনিস্ত্রী ২৩ শরুক য়াবা অসিনা রেগ্যুলেতরী ইকোসিস্তেম ফগৎহন্নবগীদমক্তা লৈঙাক পুম্নমক্কী থৌওং অমা উৎলি। অসিগুম্বা পাক-শন্না শরুক য়ারিবা অসিনা সেক্তরশিংগী মরক্তা ইজ ওফ দুইং বিজিনেস অমসুং ইজ ওফ লিভিংবু হেন্না খুমাং চাউশিলহন্নবা সরকারগী অচেৎপা ৱারেপ অদু উৎলি। মসিনা রিফোর্মশিং অসি মপুং ফানা, কোওর্দিনেৎ তৌদুনা অমসুং মওং চুম্না পাংথোকহনগনি।

রিফোর্মশিং অসি ইমপ্লিমেন্ত তৌবদা মিনিস্ত্রী ২৩ শরুক য়াবা অসিনা রেগুলেতরী ইকোসিস্তেম ফগৎহন্নবগীদমক্তা লৈঙাক পুম্নমক্কী থৌওং অমা উৎলি। অসিগুম্বা পাক-শন্না শরুক য়ারিবা অসিনা সেক্তর খুদিংমক্তা ইজ ওফ দুইং বিজিনেস অমসুং ইজ ওফ লিভিংবু হেন্না খুমাং চাউশিলহন্নবা সরকারগী অচেৎপা ৱারেপ অদু উৎলি। মসিনা রিফোর্মশিং অসি মপুং ফানা, কোওর্দিনেৎ তৌদুনা অমসুং ইম্পেক্ত লৈহনগনি।

অপুনবা ওইনা, হায়রিবা থৌরাংশিং অসিনা কমপ্লাইএন্স ফগৎহনগনি, লিতিগেসন হন্থহনগনি অমসুং স্তেকহোল্দরশিং অমসুং রেগুলেতরী ওথোরিতীশিংগী মরক্তা হেন্না থাজবা লৈহনগনি হায়না পানরি। মসিগা লোয়ননা মীয়ামগী হকশেল অমসুং মীয়ামগী কান্নবা ঙাক্না চৎকনি।

 ***