দিজিতেল রেদিও অমসুং দাইরেক্ত-তু-মোবাইল (দি২এম) তেক্নোলোজীশিংনা স্পেক্ত্রমবু ওপ্তিমাইজ তৌদুনা সিঙ্গল ফ্রিক্বেন্সী অমদা চেনেল কয়া অমা পীনবগীদমক্তা মাস কম্ম্যুনিকেসনদা অহোংবা পুরক্লি। দিজিতেল রেদিওনা শেল চংদবা, ফ্রী-তু-এয়র ইকোসিস্তেম অমা পীরি। দি২এমনা সিম কার্দশিং নৎত্রগা মোবাইল দেতাদগী মনিং তম্না তেরেস্ত্রিএল ইনফ্রাস্ত্রকচর শীজিন্নদুনা মোবাইল হেন্দসেৎশিংদা হকথেংননা ভিদিও, ওদিও অমসুং দেতা ব্রোদকাস্ত তৌদুনা মসি পাকথোক চাউথোকহল্লি। মসিনা শেল চংদবা এন্তরতেনমেন্ত, এজুকেসন, অমসুং য়াম্না মরু ওইবা ইমর্জেন্সী নত্ত্রগা দিজাস্তর মেনেজমেন্ত এলর্তশিং শন্দোক্নবা মপাঙ্গল লৈরবা "দেতা পাইপ" অমা শেম্মি।

অনসোলিসিতেদ কম্মর্সিএল কম্ম্যুনিকেসন (য়ু.সি.সি.) নৎত্রগা স্পাম কোলশিং অসি তেলিকোম কম্মর্সিএল কম্ম্যুনিকেসন কস্তমর প্রিফরেন্স রেগুলেসন (তি.সি.সি.সি.পি.আর.) গী মখাদা তেলিকোম রেগুলেতরী ওথোরিতি ওফ ইন্দিয়া (ত্রাই) না রিগুলেৎ তৌই। য়ু.সি.সি. লাকশিন্নবা, ত্রাইনা দিস্ত্রিব্যুতেদ লেদজর তেক্নোলোজী (দি.এল.তি.) প্লেৎফোর্ম (ব্লোকচেন তেক্নোলোজী) অমা ইমপ্লিমেন্ত তৌখ্রে। মসিদা কঞ্জ্যুমরশিংনা প্রমোস্নেল কম্ম্যুনিকেসন ফংনবা মখোয়গী অপাম্বশিং রেজিস্তর তৌবা য়াগনি। মরুওইবা এন্তিতীশিং (বেঙ্কশিং, ইন্সুরেন্স কম্পনীশিং, এয়রলাইনশিং অসিনচিংবা) অমসুং তেলিমার্কেতরশিংসু দি.এল.তি. প্লেৎফোর্মদা রেজিস্তর তৌখি। মসিগী মথক্তা, দি.এল.তি. প্লেৎফোর্মদা রেজিস্তর তৌরবা অমসুং রেজিস্তর তৌদবা তেলিমার্কেতর অনিমক্তগী লাকপা কমপ্লেন্তশিং রেজিস্তর তৌনবগীদমক কমপ্লেন্ত মেকানিজম অমা ইমপ্লিমেন্ত তৌখ্রে। মসিনা থবক লৌখৎনবা তোঙান তোঙানবা এক্সেস সর্ভিস প্রোভাইদরশিংগী মরক্তা কমপ্লেন্তশিংগী ফ্লো অসি লায়থোকহল্লি।

ইনফোর্মেসন অমসুং ব্রোদকাস্তিং মন্ত্রালয়না মতম মতমগী মতুং ইন্না মতিক চাবা পোলিসী দিরেক্সনশিং থোক্তুনা ব্রোদকাস্তিং সেক্তরদা অনৌবা তেক্নোলোজীশিং শীজিন্নবা শৌগৎলি। ব্রোদকাস্তিং ইনফ্রাস্ত্রকচর অমসুং নেৎৱার্ক দিবেলপমেন্ত (বি.আই.এন.দি.) স্কিম অসি সেন্ত্রেল সেক্তর স্কিম অমনি, মসিনা দুরদর্শন অমসুং আকাশবানিগী ব্রোদকাস্তিং ইনফ্রাস্ত্রকচর দিবেলপমেন্ত, মোদর্নাইজেসন অমসুং অপগ্রেদেসন তৌগনি। স্কিম অসিগী মখাদা, প্রসার ভারতীনা ব্রোদকাস্তিং সেক্তরদা অনৌবা তেক্নোলোজী শীজিন্নদুনা আকাশবানী অমসুং দুরদর্শন নেৎৱার্কশিং লেপ্পা লৈতনা অপগ্রেদ তৌরি। মসিদা নেৎৱার্ক দিজিতেলাইজেসন তৌবা অমসুং অনৌবা তেক্নোলোজীগী মতুং ইন্না খ্বাইদগী নৌবা ইক্বিপমেন্তশিংদা অপগ্রেদেসন তৌবা য়াওরি।

ইনফোর্মেসন অমসুং ব্রোদকাস্তিংগী রাজ্য মন্ত্রী দা. এল. মুরুগননা শ্রী রাও রাজেন্দ্র সিংহনা হংলকপা ৱাহংশিংগী পাউখুম ওইনা ই-পাউ অসি ঙসি লোক সভাদা অইবা পাউখুম ওইনা পীখি।

****