ಲೋಕಸಭಾ ಸಚಿವಾಲಯ
ಲೋಕಸಭಾ ಅಧ್ಯಕ್ಷರು ರಾಷ್ಟ್ರೀಯ ಜನಗಣತಿ 2027ರಲ್ಲಿ ಭಾಗವಹಿಸಿದರು; ಡಿಜಿಟಲ್ ಸ್ವಯಂ ಗಣತಿ ಪ್ರಕ್ರಿಯೆಯನ್ನು ಪೂರ್ಣಗೊಳಿಸಿದರು
ಪ್ರಕಟಣಾ ದಿನಾಂಕ:
03 APR 2026 4:50PM by PIB Bengaluru
ಲೋಕಸಭಾ ಅಧ್ಯಕ್ಷರಾದ ಶ್ರೀ ಓಂ ಬಿರ್ಲಾ ಅವರು ಇಂದು ನವದೆಹಲಿಯಲ್ಲಿರುವ ತಮ್ಮ ಅಧಿಕೃತ ನಿವಾಸದಲ್ಲಿ ಸ್ವಯಂ ಗಣತಿಯನ್ನು ಪೂರ್ಣಗೊಳಿಸುವ ಮೂಲಕ 2027 ರ ರಾಷ್ಟ್ರೀಯ ಜನಗಣತಿಯ ಮೊದಲ ಹಂತದಲ್ಲಿ ಭಾಗವಹಿಸಿದರು.
ಈ ಕಾರ್ಯದ ಮಹತ್ವವನ್ನು ಉಲ್ಲೇಖಿಸುತ್ತಾ, ರಾಷ್ಟ್ರೀಯ ಜನಗಣತಿಯು ಆಡಳಿತದಲ್ಲಿ ಹೊಸ ಯುಗದ ಉದಯವನ್ನು ಸೂಚಿಸುತ್ತದೆ ಎಂದು ಶ್ರೀ ಬಿರ್ಲಾ ಅವರು ತಿಸಿದರು. ಭಾರತದ ಇತಿಹಾಸದಲ್ಲಿ ಮೊದಲ ಬಾರಿಗೆ, ಸಂಪೂರ್ಣ ಜನಗಣತಿ ಪ್ರಕ್ರಿಯೆಯನ್ನು ಡಿಜಿಟಲ್ ವೇದಿಕೆಗಳ ಮೂಲಕ ನಡೆಸಲಾಗುತ್ತಿದೆ ಎಂದು ಅವರು ಹೇಳಿದರು. ಈ ಬದಲಾವಣೆಯು, ಪ್ರತಿಯೊಬ್ಬ ನಾಗರಿಕರಿಗೂ "ಅತ್ಯಂತ ಸುರಕ್ಷಿತ, ನಿಖರ ಮತ್ತು ಬಳಕೆದಾರ ಸ್ನೇಹಿ" ಪ್ರಕ್ರಿಯೆಯ ಮೂಲಕ ತಮ್ಮ ಮನೆಯ ವಿವರಗಳನ್ನು ವೈಯಕ್ತಿಕವಾಗಿ ದಾಖಲಿಸುವ ಹಕ್ಕು ಮತ್ತು ಅನುಕೂಲತೆಯನ್ನು ನೀಡುತ್ತದೆ ಎಂದು ಅವರು ಹೇಳಿದರು.
ಡಿಜಿಟಲ್ ಎಣಿಕೆಯ ಪರಿವರ್ತನೆಯು ಭಾರತದ ತಾಂತ್ರಿಕ ಪ್ರಗತಿಗೆ ಸಾಕ್ಷಿಯಾಗಿದೆ, ರಾಷ್ಟ್ರೀಯ ದತ್ತಾಂಶವು ಹೆಚ್ಚು ನಿಖರವಾಗಿದೆ ಮತ್ತು ಮೂಲಭೂತ ವಾಸ್ತವವನ್ನು ಪ್ರತಿಬಿಂಬಿಸುತ್ತದೆ ಎಂದು ಖಚಿತಪಡಿಸುತ್ತದೆ ಎಂದು ಶ್ರೀ ಬಿರ್ಲಾ ಅವರು ಹೇಳಿದರು.
'ಜನ ಗಣನಾ ಸೆ ಜನ ಕಲ್ಯಾಣ' (ಜನಗಣತಿಯಿಂದ ಸಾರ್ವಜನಿಕ ಕಲ್ಯಾಣ) ಎಂಬ ಪರಿಕಲ್ಪನೆಯ ದೃಷ್ಟಿಕೋನವನ್ನು ಪುನರುಚ್ಚರಿಸುತ್ತಾ, ಲೋಕಸಭಾ ಅಧ್ಯಕ್ಷರು ಎಲ್ಲಾ ನಾಗರಿಕರು ಈ ಮಹತ್ವದ ರಾಷ್ಟ್ರೀಯ ಪ್ರಕ್ರಿಯೆಯಲ್ಲಿ ಸಕ್ರಿಯವಾಗಿ ಭಾಗವಹಿಸುವಂತೆ ಮನವಿ ಮಾಡಿದರು. ಅವರು ತಮ್ಮ ವಿವರಗಳನ್ನು ದಾಖಲಿಸಲು ಮತ್ತು ಇತರರನ್ನು ಇದನ್ನು ಅನುಸರಿಸಲು ಪ್ರೇರೇಪಿಸಲು ಒತ್ತಾಯಿಸಿದರು, ಇದರಿಂದಾಗಿ 'ಸಶಕ್ತ ಮತ್ತು ಸಮೃದ್ಧ ಭಾರತ' (ಬಲವಾದ ಮತ್ತು ಸಮೃದ್ಧ ಭಾರತ) ದ ಅಡಿಪಾಯಕ್ಕೆ ಕೊಡುಗೆ ನೀಡಬಹುದು ಎಂದು ಅವರು ಹೇಳಿದರು.
ಸ್ವಯಂ ಗಣತಿ ಪ್ರಕ್ರಿಯೆಯ ಸಂದರ್ಭದಲ್ಲಿ, ನೋಂದಣಿ ಪ್ರಕ್ರಿಯೆಯನ್ನು ಸುಗಮಗೊಳಿಸಲು ಭಾರತದ ರಿಜಿಸ್ಟ್ರಾರ್ ಜನರಲ್ ಮತ್ತು ಜನಗಣತಿ ಆಯುಕ್ತರಾದ ಶ್ರೀ ಮೃತ್ಯುಂಜಯ್ ಕುಮಾರ್ ನಾರಾಯಣ್ ಅವರು ಉಪಸ್ಥಿತರಿದ್ದರು.
*****
(ಪ್ರಕಟಣೆ ಐ.ಡಿ.: 2248870)
ವಿಸಿಟರ್ ಕೌಂಟರ್ : 21