ਭਾਰਤ ਸਰਕਾਰ ਦੇ ਫਰਵਰੀ 2026 ਤੱਕ ਦੇ ਮਾਸਿਕ ਖਾਤਿਆਂ ਦਾ ਸੰਕਲਨ ਕਰਕੇ ਰਿਪੋਰਟ ਪ੍ਰਕਾਸ਼ਿਤ ਕਰ ਦਿੱਤੀ ਗਈ ਹੈ। ਮੁੱਖ ਬਿੰਦੂ ਹੇਠ ਲਿਖੇ ਅਨੁਸਾਰ ਹਨ:

ਭਾਰਤ ਸਰਕਾਰ ਨੂੰ ਫਰਵਰੀ 2026 ਤੱਕ 27,91,943 ਕਰੋੜ ਰੁਪਏ (ਪੂਰੇ ਵਰ੍ਹੇ 2025-26 ਦੀਆਂ ਕੁੱਲ ਪ੍ਰਾਪਤੀਆਂ ਦਾ 82.0%) ਪ੍ਰਾਪਤ ਹੋਏ, ਜਿਸ ਵਿੱਚ  21,45,223  ਕਰੋੜ ਰੁਪਏ ਟੈਕਸ ਮਾਲੀਆ (ਕੇਂਦਰ ਨੂੰ ਪ੍ਰਾਪਤ ਸ਼ੁੱਧ ਰਾਸ਼ੀ),  5,81,173  ਕਰੋੜ ਰੁਪਏ ਗੈਰ-ਟੈਕਸ ਮਾਲੀਆ ਅਤੇ  65,547  ਕਰੋੜ ਰੁਪਏ ਦੀਆਂ ਗੈਰ-ਕਰਜ਼ਾ ਪੂੰਜੀਗਤ ਪ੍ਰਾਪਤੀਆਂ ਸ਼ਾਮਲ ਹਨ। ਇਸ ਮਿਆਦ ਦੌਰਾਨ ਭਾਰਤ ਸਰਕਾਰ ਵੱਲੋਂ ਰਾਜ ਸਰਕਾਰਾਂ ਨੂੰ ਟੈਕਸਾਂ ਦੇ ਹਿੱਸੇ ਦੇ ਤਬਾਦਲੇ ਵਜੋਂ 12,66,369  ਕਰੋੜ ਰੁਪਏ ਦਾ ਭੁਗਤਾਨ ਕੀਤਾ ਗਿਆ, ਜੋ ਪਿਛਲੇ ਵਰ੍ਹੇ ਦੇ ਮੁਕਾਬਲੇ  85,837  ਕਰੋੜ ਰੁਪਏ ਵੱਧ ਹੈ।

ਭਾਰਤ ਸਰਕਾਰ ਵੱਲੋਂ ਕੀਤਾ ਗਿਆ ਕੁੱਲ ਖਰਚਾ  40,44,592 ਕਰੋੜ ਰੁਪਏ (ਪੂਰੇ ਵਿੱਤੀ ਵਰ੍ਹੇ 2025-26 ਦਾ 81.5%) ਹੈ, ਜਿਸ ਵਿੱਚੋਂ  31,15,270  ਕਰੋੜ ਰੁਪਏ ਮਾਲੀਆ ਮਦ 'ਤੇ ਅਤੇ 9,29,322 ਕਰੋੜ ਰੁਪਏ ਕੈਪੀਟਲ ਅਕਾਉਂਟ 'ਤੇ ਹੈ। ਕੁੱਲ ਮਾਲੀਆ ਖਰਚੇ ਵਿੱਚੋਂ  10,65,305  ਕਰੋੜ ਰੁਪਏ ਵਿਆਜ ਦੇ ਭੁਗਤਾਨ ਦੀ ਮਦ 'ਤੇ ਅਤੇ 3,89,610  ਕਰੋੜ ਰੁਪਏ ਮੁੱਖ ਸਬਸਿਡੀਆਂ ਦੀ ਮਦ 'ਤੇ ਹੈ।

**************

ਐੱਨਬੀ/ਐੱਸਆਰਆਈ/ਏਕੇ