ಕೇಂದ್ರ ಬಜೆಟ್ 2026-27 ರ ಘೋಷಣೆಯನ್ವಯ, ಪರೋಕ್ಷ ತೆರಿಗೆಗಳು ಮತ್ತು ಕಸ್ಟಮ್ಸ್ ಕೇಂದ್ರೀಯ ಮಂಡಳಿಯು (ಸಿಬಿಐಸಿ), ಇ-ಕಾಮರ್ಸ್ ರಫ್ತುಗಳನ್ನು ಬಲಪಡಿಸಲು ಮತ್ತು ಸುವ್ಯವಸ್ಥಿತಗೊಳಿಸಲು ಹಾಗೂ ವ್ಯಾಪಕವಾದ ಕೊರಿಯರ್ ಆಧಾರಿತ ಆಮದು ಮತ್ತು ರಫ್ತುಗಳಿಗಾಗಿ ಸಮಗ್ರ ಸುಧಾರಣೆಗಳ ಸರಣಿಯನ್ನು ಏಪ್ರಿಲ್ 1, 2026 ರಿಂದ ಜಾರಿಗೆ ಬರುವಂತೆ ಕಾರ್ಯಗತಗೊಳಿಸಿದೆ.

ಈ ಸುಧಾರಣೆಗಳು ಕೊರಿಯರ್ ರಫ್ತುಗಳ ಮೇಲೆ ಪ್ರತಿ ರವಾನೆಗೆ ಇದ್ದ ₹10 ಲಕ್ಷ ಮೌಲ್ಯದ ಮಿತಿಯನ್ನು ಸಂಪೂರ್ಣವಾಗಿ ತೆಗೆದುಹಾಕುವುದು, ಹಿಂತಿರುಗಿದ ಮತ್ತು ತಿರಸ್ಕರಿಸಲ್ಪಟ್ಟ ಪಾರ್ಸೆಲ್‌ ಗಳನ್ನು ನಿರ್ವಹಿಸಲು ಸುವ್ಯವಸ್ಥಿತ ಚೌಕಟ್ಟನ್ನು ಪರಿಚಯಿಸುವುದು ಮತ್ತು ವಿಲೇವಾರಿಯಾಗದ ರವಾನೆಗಳಿಗಾಗಿ ಕಾನೂನುಬದ್ಧ ಬೆಂಬಲವಿರುವ ರಿಟರ್ನ್ ಟು ಒರಿಜಿನ್ (ಆರ್‌ ಟಿ ಒ) ಕಾರ್ಯವಿಧಾನವನ್ನು ಒಳಗೊಂಡಿವೆ. ಇವು ವ್ಯವಹಾರ ಸುಲಭತೆಯನ್ನು ಹೆಚ್ಚಿಸುವ, ಲಾಜಿಸ್ಟಿಕ್ಸ್ ಅಸಮರ್ಥತೆಗಳನ್ನು ಕಡಿಮೆ ಮಾಡುವ ಮತ್ತು ವಿಶೇಷವಾಗಿ ಎಂ ಎಸ್‌ ಎಂ  ಇ ಗಳು, ಕುಶಲಕರ್ಮಿಗಳು ಮತ್ತು ನವೋದ್ಯಮಗಳಿಗಾಗಿ ಭಾರತದ ಜಾಗತಿಕ ರಫ್ತು ಸ್ಪರ್ಧಾತ್ಮಕತೆಯನ್ನು ಬಲಪಡಿಸುವ ಗುರಿಯನ್ನು ಹೊಂದಿವೆ.

ಈ ಸುಧಾರಣೆಗಳ ಭಾಗವಾಗಿ, ಕೊರಿಯರ್ ಮೂಲಕ ವಾಣಿಜ್ಯ ರಫ್ತು ರವಾನೆಗಳಿಗೆ ಇದ್ದ ₹10 ಲಕ್ಷದ ಅಸ್ತಿತ್ವದಲ್ಲಿರುವ ಮೌಲ್ಯದ ಮಿತಿಯನ್ನು ತೆಗೆದುಹಾಕಲಾಗಿದೆ. ಈ ಕ್ರಮವು ರವಾನೆಯ ಮೌಲ್ಯದಲ್ಲಿ ಹೆಚ್ಚಿನ ನಮ್ಯತೆಯನ್ನು ನೀಡುವ ಮೂಲಕ ಮತ್ತು ಕೊರಿಯರ್ ಮೂಲಕ ತಡೆರಹಿತ ರಫ್ತುಗಳನ್ನು ಸಕ್ರಿಯಗೊಳಿಸುವ ಮೂಲಕ ರಫ್ತುಗಳನ್ನು ಗಮನಾರ್ಹವಾಗಿ ಹೆಚ್ಚಿಸುವ ನಿರೀಕ್ಷೆಯಿದೆ; ಇದು ಕೇವಲ ಮೌಲ್ಯದ ನಿರ್ಬಂಧಗಳಿಂದಾಗಿ ಅಂತಹ ರವಾನೆಗಳನ್ನು ಸಾಂಪ್ರದಾಯಿಕ ವಿಮಾನ ಅಥವಾ ಸಮುದ್ರ ಸರಕು ಸಾಗಣೆಗೆ ಬದಲಾಯಿಸುವ ಅಗತ್ಯವನ್ನು ನಿವಾರಿಸುತ್ತದೆ.

ಅಂತರರಾಷ್ಟ್ರೀಯ ಕೊರಿಯರ್ ಟರ್ಮಿನಲ್‌ ಗಳಲ್ಲಿ ವಿಲೇವಾರಿಯಾಗದ ಅಥವಾ ಕ್ಲೈಮು ಮಾಡದ ಆಮದು ಸರಕುಗಳ ವಿಲೇವಾರಿಯಲ್ಲಿನ ದಟ್ಟಣೆ ಮತ್ತು ವಿಳಂಬವನ್ನು ಪರಿಹರಿಸಲು, ಸಿಬಿಐಸಿ 'ರಿಟರ್ನ್ ಟು ಒರಿಜಿನ್' (ಆರ್‌ ಟಿ ಒ) ಸೌಲಭ್ಯವನ್ನು ಪರಿಚಯಿಸಿದೆ. ಈ ಸೌಲಭ್ಯದ ಅಡಿಯಲ್ಲಿ, 15 ದಿನಗಳಿಗಿಂತ ಹೆಚ್ಚು ಕಾಲ ವಿಲೇವಾರಿಯಾಗದ ಅಥವಾ ಕ್ಲೈಮು ಮಾಡದ ಮತ್ತು ನಿಷೇಧಿತ, ನಿರ್ಬಂಧಿತ ಅಥವಾ ಜಾರಿ ತಡೆಗೆ ಒಳಪಡದ ಸರಕುಗಳನ್ನು ಸರಳೀಕೃತ  ಪ್ರಕ್ರಿಯೆಯನ್ನು ಅನುಸರಿಸಿ ಮೂಲ ಸ್ಥಳಕ್ಕೆ ಹಿಂತಿರುಗಿಸಬಹುದು. ಇದು ಕೊರಿಯರ್ ಟರ್ಮಿನಲ್‌ ಗಳಲ್ಲಿನ ದಟ್ಟಣೆಯನ್ನು ಕಡಿಮೆ ಮಾಡುವ ಮತ್ತು ಲಾಜಿಸ್ಟಿಕ್ಸ್ ದಕ್ಷತೆಯನ್ನು ಸುಧಾರಿಸುವ ನಿರೀಕ್ಷೆ ಇದೆ.

ಇ-ಕಾಮರ್ಸ್ ರಫ್ತುಗಳಿಗೆ ಸಂಬಂಧಿಸಿದವುಗಳನ್ನು ಒಳಗೊಂಡಂತೆ, ಹಿಂತಿರುಗಿದ ಅಥವಾ ತಿರಸ್ಕರಿಸಲ್ಪಟ್ಟ ಸರಕುಗಳ ಮರು-ಆಮದು ಪ್ರಕ್ರಿಯೆಯನ್ನು ಸಿಬಿಐಸಿ ಸರಳಗೊಳಿಸಿದೆ. ಪ್ರತಿ ರವಾನೆಯ ಪರಿಶೀಲನೆಯ ಬದಲಾಗಿ ಅಪಾಯ-ಆಧಾರಿತ ವಿಧಾನವನ್ನು ಅಳವಡಿಸಿಕೊಳ್ಳಲಾಗಿದೆ ಮತ್ತು ಸಂಬಂಧಿತ ಅಧಿಸೂಚನೆಯಲ್ಲಿ ಅಗತ್ಯ ತಿದ್ದುಪಡಿಗಳನ್ನು ಮಾಡಲಾಗಿದೆ. ಹೆಚ್ಚುವರಿಯಾಗಿ, ಅಂತಹ ರಿಟರ್ನ್‌ ಗಳ ಸುಗಮ ಪ್ರಕ್ರಿಯೆಗೆ ಅನುಕೂಲವಾಗುವಂತೆ ಎಕ್ಸ್‌ ಪ್ರೆಸ್ ಕಾರ್ಗೋ ಕ್ಲಿಯರೆನ್ಸ್ ಸಿಸ್ಟಮ್‌ ನಲ್ಲಿ ಮೀಸಲಾದ ರಿಟರ್ನ್ ಮಾಡ್ಯೂಲ್ ಅನ್ನು ಅಭಿವೃದ್ಧಿಪಡಿಸಲಾಗಿದೆ.

ಈ ಸುಧಾರಣೆಗಳು ಸಿಸ್ಟಮ್-ಆಧಾರಿತ ವರ್ಧನೆಗಳು ಮತ್ತು ಪ್ರಕ್ರಿಯೆ ಸರಳೀಕರಣಗಳ ಬೆಂಬಲವನ್ನು ಹೊಂದಿದ್ದು, ಕೊರಿಯರ್-ಆಧಾರಿತ ವ್ಯಾಪಾರದ ಒಟ್ಟಾರೆ ದಕ್ಷತೆಯನ್ನು ಸುಧಾರಿಸುವ ಗುರಿಯನ್ನು ಹೊಂದಿವೆ. ಈ ಕ್ರಮಗಳು ವಿಳಂಬ ಅವಧಿಯನ್ನು ಕಡಿಮೆ ಮಾಡಲು, ವಹಿವಾಟು ವೆಚ್ಚಗಳನ್ನು ತಗ್ಗಿಸಲು ಮತ್ತು ಅಂತರರಾಷ್ಟ್ರೀಯ ಕೊರಿಯರ್ ವ್ಯಾಪಾರದಲ್ಲಿ ತೊಡಗಿರುವ ರಫ್ತುದಾರರು, ಲಾಜಿಸ್ಟಿಕ್ಸ್ ಆಪರೇಟರ್‌ ಗಳು ಮತ್ತು ಇತರ ಪಾಲುದಾರರಿಗೆ, ವಿಶೇಷವಾಗಿ ಇ-ಕಾಮರ್ಸ್‌ ಗೆ ಗಮನಾರ್ಹ ಪರಿಹಾರವನ್ನು ನೀಡುವ ನಿರೀಕ್ಷೆಯಿದೆ.

ಈ ಕ್ರಮಗಳ ಪರಿಚಯವು ವ್ಯವಹಾರದ ಸುಲಭತೆಯನ್ನು ಉತ್ತೇಜಿಸುವ, ಭಾರತದ ಇ-ಕಾಮರ್ಸ್ ರಫ್ತು ಪರಿಸರ ವ್ಯವಸ್ಥೆಯನ್ನು ಬಲಪಡಿಸುವ ಮತ್ತು ಜಾಗತಿಕ ವ್ಯಾಪಾರದಲ್ಲಿ ದೇಶದ ಸ್ಪರ್ಧಾತ್ಮಕತೆಯನ್ನು ಹೆಚ್ಚಿಸುವ ಸರ್ಕಾರದ ಪ್ರಯತ್ನಗಳಲ್ಲಿ ಮತ್ತೊಂದು ಪ್ರಮುಖ ಮೈಲಿಗಲ್ಲನ್ನು ಗುರುತಿಸುತ್ತದೆ.

ಸಿಬಿಐಸಿ, ಅಧಿಸೂಚನೆ 33/2026-Customs (N.T.) ಮೂಲಕ 'ಕೊರಿಯರ್ ಆಮದು ಮತ್ತು ರಫ್ತು (ಎಲೆಕ್ಟ್ರಾನಿಕ್ ಡಿಕ್ಲರೇಶನ್ ಮತ್ತು ಪ್ರೊಸೆಸಿಂಗ್) ನಿಯಮಗಳು 2010' ರಲ್ಲಿ ಮತ್ತು ಅಧಿಸೂಚನೆ 34/2026-Customs (N.T.) ಮೂಲಕ 'ಕೊರಿಯರ್ ಆಮದು ಮತ್ತು ರಫ್ತು (ಕ್ಲಿಯರೆನ್ಸ್) ನಿಯಮಗಳು, 1998' ರಲ್ಲಿ ತಿದ್ದುಪಡಿಗಳನ್ನು ಮಾಡಿದೆ. ಇದಲ್ಲದೆ, ತಿದ್ದುಪಡಿಗಳನ್ನು ವಿವರಿಸುವ ಮತ್ತು ಕಾರ್ಯಾಚರಣೆಯ ವಿಧಾನಗಳನ್ನು ವಿವರಿಸುವ ಸುತ್ತೋಲೆ ಸಂಖ್ಯೆ 17/2026-Customs ಅನ್ನು ಸಹ ಇಂದು ಹೊರಡಿಸಲಾಗಿದೆ.

COURIER IMPORTS AND EXPORTS (ELECTRONIC DECLARATION AND PROCESSING) REGULATIONS 2010 VIDE NOTIFICATION 33/2026-CUSTOMS (N.T.) NOTIFICATION

COURIER IMPORTS AND EXPORTS (CLEARANCE) REGULATIONS, 1998 VIDE NOTIFICATION 34/2026-CUSTOMS (N.T.) NOTIFICATION

CIRCULAR NO. 17/2026-CUSTOMS

*****