پنچایتی راج کی وزارت نے ملک بھر میں ڈیجیٹل اور جامع دیہی حکومت کو آگے بڑھانے میں دو اہم سنگ میل حاصل کیے ہیں۔ ہندوستان کی گرام پنچایتیں ڈیجیٹل حکمرانی میں ایک بڑی ترقی ملاحظہ کر رہی ہیں، جس میں گرام سواراج پلیٹ فارم کے ذریعے 3 لاکھ کروڑ روپے (مجموعی) کی  ادائیگیاں کی گئی ہیں، جبکہ اے آئی کے تابع سبھا سار ٹول اب 23 ہندوستانی زبانوں میں دستیاب ہے، جو مالیاتی شفافیت اور نچلی سطح پر شمولیت دونوں کو مضبوط کرتا ہے۔

تکنالوجی پر مبنی حکمرانی کی جانب ایک بڑے قدم کے تحت، ای گرام سواراج کے ذریعہ ادائیگیاں راست طور پر فروخت کنندگان  اور خدمات فراہم کاروں کو آن لائن طریقے سے کی گئی ہیں، اور اس طرح مکمل دیجیٹل شفافیت کو یقینی بنایا گیا ہے۔ ای-پنچایت مشن موڈ پروجیکٹ کے تحت تیارکردہ عوامی مالی انتظام کاری نظام (پی ایف ایم ایس) سے مربوط، اس پلیٹ فارم نے پنچایتی سطح پر منصوبہ بندی، جوابدہی اور صرفے کو سہل بنایا ہے، اور نقد پر مبنی اور کاغذی کارروائیوں  کو تیز رفتار، جوابدہ اور جعل سے محفوظ نظام سے تبدیل کیاہے ۔ مالی برس 2025-26 میں پنچایتی راج اداروں نے ای گرام سواراج- پی ایف ایم ایس انٹرفیس کے ذریعہ 53342 کروڑ روپے منتقل کیے، جبکہ 255254 گرام پنچایتوں نے پلیٹ فارم پر اپنے ترقیاتی منصوبے اپلوڈ کیے۔ مجموعی طور پر 259798 پنچایتی راج اداروں کو شامل کیا گیا ہے، اور 250807 پنچایتی راج اداروں نے مالی برس 2025 -26 میں ای گرام سواراج کے ذریعہ آن لائن ادائیگیاں کیں۔ پلیٹ فارم نے 16079737 وینڈرس کو درج رجسٹر کیا ہے، جس سے اس کی وسعت اور بڑے پیمانے پر اسے اپنانے کا پتہ چلتا ہے۔

اس تبدیلی کی تکمیل کرتے ہوئے، سبھا سار - وزارت کا اے آئی سے چلنے والا وائس ٹو ٹیکسٹ میٹنگ سمرائزیشن ٹول 14 اگست 2025 کو شروع کیا گیا جس کی توسیع 13 سے 23 ہندوستانی زبانوں تک ہو گئی ہے۔ نئی شامل کی جانے والی زبانوں میں آسامی، بوڈو، ڈوگری، کشمیری، کونکنی، میتھلی، منی پوری، نیپالی، سنتھالی اور سندھی شامل ہیں، جو گرام سبھا کی کارروائیوں کو مقامی زبانوں میں ریکارڈ اور دستاویز کرنے کے قابل بناتے ہیں۔ سبھا سار منٹس، حاضری، قراردادوں اور ایکشن پوائنٹس کی خودکار ریکارڈنگ کی سہولت فراہم کرتا ہے، جو گرام سبھا کے عمل کو زیادہ قابل رسائی اور شراکت دار بناتا ہے۔ یہ پلیٹ فارم، جو پہلے ہندی، بنگالی، انگریزی، گجراتی، کنڑ، مراٹھی، ملیالم، اُڑیہ، پنجابی، سنسکرت، تامل، تیلگو اور اردو میں دستیاب تھا، اب ہندوستان بھر کے پنچایتی راج اداروں کے لسانی تنوع کا احاطہ کرتا ہے۔ 29 جنوری 2026 تک، 1,11,486 گرام پنچایتیں اجلاس کے خلاصے کے لیے پلیٹ فارم کا استعمال کر چکی ہیں۔ پلیٹ فارم کو قومی شناخت بھی ملی ہے، جسے دی انڈین ایکسپریس گروپ کے ذریعہ ٹیکنالوجی سبھا ایکسی لینس ایوارڈز 2026 میں مصنوعی ذہانت کے زمرے میں فاتح قرار دیا گیا ہے اور اکنامک ٹائمز گورنمنٹ ٹیک ایوارڈز 2026 میں اے آئی برائے سماجی اثرات کے زمرے میں سلور ایوارڈ دیا گیا ہے۔

یہ پیشرفت ڈیجیٹل طور پر بااختیار، شفاف اور مبنی بر شمولیت پنچایتوں  کے لیے پنچایتی راج کی پیہم کوششوں کو اجاگر کرتی ہیں، جن کا مقصد زمینی سطح پر مالیاتی حکمرانی اور جمہوری شرکت دونوں کو مضبوطی فراہم کرنا ہے۔

**********

(ش ح –ا ب ن)

U.No:5165