కొచ్చిలోని దక్షిణ నౌకాదళ కమాండ్‌కు చెందిన మారిటైమ్ వార్‌ఫేర్ సెంటర్‌లో ఐఓఎన్‌ఎస్‌ సముద్ర విన్యాసాలు టీటీఎక్స్‌ను 2026ను భారత నౌకాదళం నిర్వహించింది. మార్చి 27, 2026న జరిగిన ఈ ఉన్నత స్థాయి సమావేశంలో హిందూ మహాసముద్ర నౌకాదళ సదస్సు (ఐఎఎన్‌ఎస్‌) సభ్య దేశాల నౌకా దళాల ప్రతినిధులు, ఐఓఎస్ సాగర్‌కు చెందిన అంతర్జాతీయ అధికారులు, భారత నౌకాదళ అధికారులు పాల్గొన్నారు. వీరందరూ హిందూ మహాసముద్ర ప్రాంతంలో రూపుదాల్చుతున్న సంప్రదాయేతర సముద్ర భద్రతా సవాళ్లపై చర్చించారు.

ఈ విన్యాసంలో బంగ్లాదేశ్, ఫ్రాన్స్, ఇండోనేషియా, కెన్యా, మాల్దీవులు, మారిషస్, మయన్మార్, సీషెల్స్, సింగపూర్, శ్రీలంక, టాంజానియా, తైమూర్-లెస్టె దేశాలు పాల్గొన్నాయి. ఈ విభిన్న అంతర్జాతీయ భాగస్వామ్యం.. పరస్పర విశ్వాసాన్ని పెంపొందించడానికి, ప్రాంతీయ సహకార సముద్ర భద్రతను బలోపేతం చేయాలనేకి ఉమ్మడి నిబద్ధతను చాటిచెబుతోంది. పదహారు ఏళ్ల విరామం తర్వాత 2026-2028 కాలానికి గానూ భారత్ ఐఓఎన్‌ఎస్‌ అధ్యక్ష బాధ్యతలు చేపడుతున్న తరుణంలో ప్రాంతీయ సముద్ర నాయకత్వాన్ని బలోపేతం చేయడంలో ఐఎమ్‌ఈఎక్స్‌ టీటీఎక్స్‌ 2026 కీలక ప్రస్థానంగా నిలిచింది.

నౌకాదళాల మధ్య కార్యకలాపాల విధానాలు, పరిమితులపై ఉమ్మడి అవగాహనను పెంపొందించడం. సమాచార మార్పిడి, నిర్ణయాధికార ప్రక్రియల వంటి సమన్వయ యంత్రాంగాలను పరిశీలించడం.. ఆచరణాత్మక అన్వయం ద్వారా సముద్ర భద్రతా మార్గదర్శకాలను ధ్రువీకరించడంతో పాటు ఐఓఎన్‌ఎస్‌ విధానాలను నిరంతరం మెరుగుపరచడానికి మద్దతివ్వడం ఈ కార్యక్రమ ముఖ్య లక్ష్యాలు.

ప్రత్యక్ష బలగాల మోహరింపు వంటి పరిమితులు లేకుండా కృత్రిమంగా సృష్టించిన వివిధ రకాల ఆకస్మిక పరిస్థితుల పరిస్థితుల ద్వారా నిర్వహించిన ఈ విన్యాసం.. పాల్గొన్న దేశాల ప్రతినిధులు వృత్తిపరమైన భాగస్వామ్యం కోసం కొత్త మార్గాలను అన్వేషించడానికి, పరస్పర విశ్వాసాన్ని మరింత పెంపొందించుకోవడానికి వీలు కల్పించింది. నిర్మాణాత్మక సంభాషణలు, సమష్టి బాధ్యత, సముద్ర సవాళ్లకు ప్రాంతీయ పరిష్కారాల ద్వారా సహకారం అందించే కీలక వేదికగా ఐఎఎన్‌ఎస్‌ పాత్రను ఐఎంఈఎక్స్‌ 26 మరోసారి నిర్ధారించింది.

ఈ విన్యాసం నుంచి పొందిన అనుభవాలు హిందూ మహాసముద్ర నౌకాదళ సదస్సు వ్యవస్థను మరింత బలోపేతం చేసి.. హిందూ మహాసముద్ర ప్రాంతంలో సమన్వయంతో కూడిన, వేగంగా స్పందించే, స్థిరమైన సముద్ర రంగాన్ని నిర్ధారిస్తాయని భావిస్తున్నారు.

***