ભારતીય નૌકાદળે 27 માર્ચ 2026 ના રોજ કોચીના સધર્ન નેવલ કમાન્ડના મેરીટાઇમ વોરફેર સેન્ટર ખાતે IONS મેરીટાઇમ એક્સરસાઇઝ (IMEX) TTX 2026નું આયોજન કર્યું હતું. આ ઉચ્ચ સ્તરીય સભામાં ઇન્ડિયન ઓશન નેવલ સિમ્પોઝિયમ (IONS) સભ્ય નૌકાદળના પ્રતિષ્ઠિત પ્રતિનિધિઓ, IOS SAGARના આંતરરાષ્ટ્રીય અધિકારીઓ અને ભારતીય નૌકાદળના અધિકારીઓએ હિંદ મહાસાગર ક્ષેત્ર (IOR)માં બિન-પરંપરાગત દરિયાઈ સુરક્ષા પડકારો વિકસાવવા પર ચર્ચા કરવા માટે એકત્ર થયા હતા.

આ કવાયતમાં બાંગ્લાદેશ, ફ્રાન્સ, ઇન્ડોનેશિયા, કેન્યા, માલદીવ, મોરેશિયસ, મ્યાનમાર, સેશેલ્સ, સિંગાપોર, શ્રીલંકા, તાંઝાનિયા અને તિમોર-લેસ્ટેએ ભાગ લીધો હતો. આ વૈવિધ્યસભર બહુરાષ્ટ્રીય પ્રતિનિધિત્વ સમગ્ર પ્રદેશમાં પરસ્પર વિશ્વાસને પ્રોત્સાહન આપવા અને સહકારી દરિયાઈ સુરક્ષા વધારવા માટેની સહિયારી પ્રતિબદ્ધતા પર ભાર મૂકે છે. સોળ વર્ષના અંતરાલ પછી ભારત 2026-2028 ચક્ર માટે IONS નું અધ્યક્ષપદ સંભાળી રહ્યું છે, IMEX TTX 2026 પ્રાદેશિક દરિયાઈ નેતૃત્વને મજબૂત બનાવવા માટે એક મહત્વપૂર્ણ સીમાચિહ્નરૂપ છે.

અત્યાધુનિક સિમ્યુલેટેડ વાતાવરણમાં આયોજિત આ કવાયત IOR (હિંદ મહાસાગર ક્ષેત્ર)માં જટિલ દરિયાઈ સુરક્ષા પડકારોને સંબોધિત કરે છે, જે વૈશ્વિક વેપાર, ઊર્જા પ્રવાહ અને કનેક્ટિવિટી માટે મહત્વપૂર્ણ ક્ષેત્ર છે. મુખ્ય ઉદ્દેશ્યોમાં સામેલ છે: ભાગ લેનારા નૌકાદળો વચ્ચે ઓપરેશનલ અભિગમો અને મર્યાદાઓની પરસ્પર સમજણ વધારવી; માહિતી શેરિંગ અને નિર્ણય લેવાની પ્રક્રિયાઓ જેવી સંકલન પદ્ધતિઓની સમીક્ષા કરવી; અને IONS ફ્રેમવર્કના સતત સુધારાને સમર્થન આપવું - જેમાં વ્યવહારિક એપ્લિકેશન દ્વારા દરિયાઈ સુરક્ષા માર્ગદર્શિકાઓની માન્યતાનો સમાવેશ થાય છે.

લાઇવ ડિપ્લોયમેન્ટની મર્યાદાઓ વગર વિવિધ સંભવિત પરિસ્થિતિઓનું અનુસરણ કરીને, આ અભ્યાસ દ્વારા ભાગ લેનારોએ વ્યાવસાયિક આદાન-પ્રદાન માટે નવા માર્ગોની શોધ કરી અને પરસ્પર વિશ્વાસને વધુ મજબૂત બનાવ્યો. IMEX TTX 26 એ ફરી એકવાર સાબિત કર્યું કે IONS સમુદ્રી પડકારોને પહોંચી વળવા માટે રચનાત્મક સંવાદ, સામૂહિક જવાબદારી અને પ્રાદેશિક સ્તરે ચાલતા ઉકેલો દ્વારા સહકાર માટેનું મહત્વપૂર્ણ મંચ છે.

આ કવાયતમાંથી શીખવાથી IONS માળખાને વધુ મજબૂત બનાવવાની અપેક્ષા છે, જે હિંદ મહાસાગર ક્ષેત્રમાં સુસંગત, જવાબદાર અને સ્થિર દરિયાઈ ક્ષેત્ર સુનિશ્ચિત કરશે.

SM/BS/GP/JT

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad  pibahmedabad1964[at]gmail[dot]com