ভারত লৈঙাক্কী মিনিস্ত্রী ওফ য়ুথ এফিয়র্স এন্দ স্পোর্তসকী মখাদা লৈবা দিপার্তমেন্ত ওফ য়ুথ এফিয়র্সনা ২০২৬কী মার্চ ২৫দা অহানবা ব্রিক্স (BRICS) য়ুথ কোওর্দিনেশন মীফম ভর্চুএল ওইনা শীন-লাঙদুনা পাঙথোকখ্রে। মীফম অসি নুংথিলগী পুং ৪:৩০দগী ৬:০০ (IST) ফাওবা পাঙথোকখি অমসুং ব্রিক্সকী মেম্বর লৈবাক পুম্নমক্কী মীহুৎশিংনা শরুক য়াখি।

ভারতনা ২০২৬কী ব্রিক্স চেয়রশিপ লৌখিবগা লোয়ননা, “বিল্দিং ফোর রেজিলিএন্স, ইন্নোভেসন, কোওপরেসন এন্দ সস্তেনেবিলিতী” হায়বা থীম অসিগী মখাদা মীফম অসিনা চহি অসিগী ওইনা নহাশিং খুৎশম্নবগী লম্বী অমা য়াৎলে।

মীফম অদুগী মনুংদা, ভারতনা ব্রিক্স য়ুথ ত্রেক ২০২৬কী অপুনবা মশক অমা উৎখি, মসিদা ৱার্কিং গ্রুপ মীফমশিং, থিমেতিক এঙ্গেজমেন্তশিং, সর্ব ব্রিক্স ভোলুন্তীয়রিং এক্তিবিতীশিং, য়ুথ দিভেলপমেন্ত ফোরম, য়ুথ কাউন্সিল মীফম, য়ুথ সম্মিৎ অমসুং য়ুথ মিনিস্তরিএল মীফমগুম্বা মরুওইবা থৌরাংশিংগী মতাংদা পনখি।

খন্ন-নৈনবা অদুদা মেম্বর লৈবাকশিংগী মরক্তা মতেং পীনবা য়াবা মরুওইবা শরুকশিং হায়বদি এজুকেশন অমসুং স্কিলস, য়ুথ ওন্ত্রপ্রিন্যুর্শিপ, সাইন্স এন্দ ইন্নোভেসন, সোসিএল পার্তিসিপেসন, ইনক্লুজন, হেল্থ এন্দ স্পোর্তস, এনভাইরনমেন্ত এন্দ সস্তেনেবিলিতী, ইন্তরফেথ দাইলোগ অমসুং য়ুথ এক্সচেঞ্জকী মতাঙদা খন্নখি।

মীফম অসিনা মেম্বর লৈবাকশিংবু থীমগা মরী লৈনবা তোঙান-তোঙানবা লমশিংদা অমত্তা ওইনা পুন্সিনবদা অমসুং ব্রিক্স য়ুথ ত্রেক ২০২৬কী মখাদা খুৎশম্নবাবগী মপাঙ্গল কনখৎহন্নবা ফম্পাক অমা পীরি, মসিনা ভারতকী চেয়রশিপকী মখাদা পাঙথোক্কদবা থৌরমশিংগী য়ুম্ফম ওইখি।

.***