U Myntri Rangbahduh, Narendra Modi, u la ioh pdiang ia ka jingphone na u President jong ka United States of America, Donald J. Trump.

Kine ki ar ngut ki nongialam ki la iakren shaphang ka jingkylla jong ka jinglong jingman ha ka thain sepngi jong ka Asia. U Myntri Rangbahduh u la ban biang ba ka India ka kyrshan ia ka jingiasuk kaba kloi.

U Myntri Rangbahduh u la ban jur ia ka jingkongsan jong ka jingpynthikna ba ka Strait of Hormuz ka long kaba plié, kaba shngain bad kaba ioh ban pyndonkam, da kaba kdew sha ka jingkongsan jong kane na ka bynta ka shongsuk shongsain, ka jinglong ryntih bad ka jingbha ka ioh ka kot jong ka pyrthei.

Baroh ar ngut ki nongialam ki la iamynjur ban bteng ia ka jingiakren shaphang ki sienjam kiba thmu ban kyntiew ia ka shongsuk shongsain bad ka jinglong kaba ryntih ha ka thain.

Ha ka post ha ka X, u Modi u la ong;

“La ioh pdiang ia ka jingphone na u President Trump bad ngi la iakren shaphang ka jinglong jingman ha ka thain sepngi jong ka Asia. Ka India ka kyrshan ia ka jingiasuk kaba kloi. Ka jingpynthikna ba ka Strait of Hormuz ka long kaba plié, kaba shngain bad kaba ioh ban pyndonkam ka long kaba kongsan na ka bynta baroh kawei ka pyrthei. Ngi la iamynjur ban bteng ia ka jingiakren shaphang ki sienjam na ka bynta ka shongsuk shongsain bad ka jingiaid ryntih ki kam.

@realDonaldTrump

@POTUS”

*****