سائنس اور ٹیکنالوجی اور ارضیاتی سائنس کے مرکزی وزیر مملکت (آزادانہ چارج) اور وزیر اعظم کے دفتر ، عملہ ، عوامی شکایات اور پنشن ، جوہری توانائی اور خلا کے وزیر مملکت ڈاکٹر جتیندر سنگھ نے پیر کو لوک سبھا میں ایک تحریری جواب میں کہا کہ  اگر کسی درخواست گزار کو مقررہ وقت کے اندر آر ٹی آئی درخواست کا جواب موصول نہیں ہوتا ہے یا وہ پبلک انفارمیشن آفیسر (پی آئی او) کے فیصلے سے مطمئن نہیں ہے تو درخواست گزار فرسٹ  اپیلٹ اتھارٹی کے سامنے  جب کہ  دوسری اپیل سینٹرل انفارمیشن کمیشن (سی آئی سی) کے سامنے کرسکتا ہے۔  مزید برآں ، ایسی صورت میں جہاں کوئی درخواست گزار ، جس کا خیال ہے کہ پی آئی او کی طرف سے نامکمل ، گمراہ کن یا غلط معلومات فراہم کی گئی ہیں ، براہ راست سینٹرل انفارمیشن کمیشن (سی آئی سی)/اسٹیٹ انفارمیشن کمیشن (ایس آئی سی) کے پاس شکایت کر سکتا ہے ۔

مرکزی حکومت میں سرکاری حکام کے حوالے سے موصولہ ، جواب دی گئی اور مسترد کی گئی آر ٹی آئی درخواستوں کے اعداد و شمار ، مسترد ہونے کی وجوہات کے ساتھ ، متعلقہ سالوں کے لیے سی آئی سی کی سالانہ رپورٹ میں دستیاب ہیں ، جن تک https://cic.gov.in/circular-reports-conventions پر رسائی حاصل کی جا سکتی ہے ۔  آر ٹی آئی درخواستوں کے مسترد ہونے کی شرح ، فیصد میں ، سال 14-2013 میں 7.21 فیصد سے کم ہو کر سال25-2024 میں 3.26 فیصد رہ گئی ہے ۔

آر ٹی آئی ایکٹ فریم ورک کی مؤثریت  کا جائزہ لینے کے لیے جانچ پڑتال  اور جائزہ ایک جاری عمل ہے ۔  متعلقہ سرکاری حکام کی طرف سے کیے گئے فعال/از خود انکشافات کا تھرڈ پارٹی ٹرانسپیرنسی آڈٹ کرنے کے لیے حکومت کی طرف سے رہنما خطوط جاری کیے گئے ہیں ۔  سی آئی سی شفافیت کے آڈٹ کی پیش رفت کی نگرانی کرتا ہے اور آڈٹ کرنے کے لیے تمام سرکاری حکام کے ساتھ تعاون  کرتا ہے ۔

********

ش ح۔ ش ب۔ج ا

U. No.4686

(ریلیز آئی ڈی: 2243917) وزیٹر کاؤنٹر : 13