بھارتی بحریہ کا جہاز تریکنڈ جو بھارتی بحریہ کا ایک اسٹیلتھ فریگیٹ ہے، 20 مارچ 2026 کو ایک کامیاب دورۂ بندرگاہ مکمل کرنے کے بعد پورٹ وکٹوریہ، سیشلز سے روانہ ہو گیا۔

جہاز کے کمانڈنگ آفیسر کیپٹن سچن کلکرنی نے سیشلز کی حکومت کے اعلیٰ عہدیداران اور سیشلز میں بھارت کے ہائی کمشنر سے ملاقات کی۔ جہاز نے سیشلز کی حکومت کو اہم اسپیئر پارٹس اور ضروری سامان بھی فراہم کیا۔

آئی این ایس تریکند نے مشق ’’لامیتیے 2026‘‘ کے پہلے سہ سروس ایڈیشن میں حصہ لیا، جس میں بھارتی فوج، بھارتی فضائیہ اور سیشلز ڈیفنس فورسز (ایس ڈی ایف) کے اہلکار بھی شامل تھے۔ یہ مشق لامیتیے میں بھارتی بحریہ کی پہلی شرکت تھی۔

بندرگاہ مرحلے کے دوران جہاز پر وزٹ، بورڈ، سرچ اور سیزر (وی بی ایس ایس) کی تربیت دی گئی، جس میں مشترکہ بورڈنگ مشقیں بھی شامل تھیں۔ اس کے بعد سمندری مرحلہ ہوا، جس کے دوران جہاز نے ایس سی جی ایس لی ویجیلنٹ کے ساتھ مشق کی اور سمندر میں مشترکہ بورڈنگ آپریشن انجام دیے، جن میں بھارتی بحریہ کے میرین کمانڈوز اور سیشلز ڈیفنس فورسز کے اسپیشل فورسز کے اہلکار شامل تھے۔ اس کے بعد بھارتی فوج اور سیشلز ڈیفنس فورسز کے دستوں نے پراسلین جزیرے پر لینڈنگ کی۔

میجر جنرل مائیکل روزیٹ، چیف آف ڈیفنس فورسز (ایس ڈی ایف)، بریگیڈیئر جین اتالا، ڈپٹی چیف آف ڈیفنس فورسز (ایس ڈی ایف) اور دیگر اعلیٰ افسران سمندری مرحلے کے دوران آئی این ایس تریکند پر سوار ہوئے تاکہ مشق کا مشاہدہ کر سکیں۔

اس مشق نے بھارت اور سیشلز کے درمیان باہمی ہم آہنگی کو بہتر بنانے اور بحری تعاون کو مضبوط کرنے کا موقع فراہم کیا۔ ’’لامیتیے‘‘، جس کا مطلب کریول زبان میں ’’دوستی‘‘ ہے، دونوں ممالک کے تاریخی تعلقات کی عکاسی کرتا ہے۔

یہ دورۂ بندرگاہ بھارت کے ویژن ’’مہاساگر‘‘   یعنی خطے میں سلامتی اور ترقی کے لیے باہمی اور ہمہ جہتی پیش رفت  کی عکاسی کرتا ہے، اور بحرِ ہند کے خطے میں بھارتی بحریہ کے ’’ترجیحی سلامتی شراکت دار‘‘ اور ’’پہلا مددگار‘‘ بنے رہنے کے عزم کو مزید مضبوط کرتا ہے۔

******

ش ح۔ ش ا ر۔ ول

Uno-4625

(ریلیز آئی ڈی: 2243537) وزیٹر کاؤنٹر : 19