ভারত ইলেক্ত্রিসিতী সম্মিৎ ২০২৬কী অনিশুবা নুমিত্তা (২০.৩.২০২৬) নেস্নেল পৱার মিনিস্ত্রিএল মীফম অমা কেন্দ্রগী পৱার মন্ত্রী, শ্রী মনোহর লালনা ময়াই তাংবল লৌদুনা পাংথোকখি।

মীফম অদু পাৱর অমসুং ন্যু অমসুং রিন্যুএবল ইনর্জীগী রাজ্য মন্ত্রী শ্রী শ্রীপাদ নায়কনা কো-চেয়র তৌখি। চান্দিগর অমসুং পঞ্জাবকী এদমিনিস্ত্রেতর শ্রী গুলাব চন্দ কতারিয়া, পাৱর সেক্রেতরী, শ্রী পঙ্কজ আগরৱাল, সেক্রেতরী (এম.এন.আর.ই.) শ্রী সন্তোশ কুমার সরঙ্গি, অমসুং তোঙান তোঙানবা রাজ্যশিং/য়ু.তি.শিংদগী ইনর্জী মন্ত্রীশিং অমসুং সেনিয়র ওফিসিএলশিং শরুক য়াখি।

মীয়াম তিনখিবা অদুদা ৱা ঙাংলদুনা শ্রী মনোহর লালনা হায়খি মদুদি বি.ই.এস. ২০২৬না ২০৪৭দা বিক্সিৎ ভারতকী মঙলান ফংবদা মরুওইবা থৌদাং অমা লৌগনি। ইকোনোমিক গ্রোথ অমসুং ইনফ্রাস্ত্রকচরগীদমক পাৱর অসি মরুওই হায়না পল্লদুনা মহাক্না ভারতকী ইনস্তোল তৌরবা কেপাসিতী গিগাৱাৎ ৫২০ হেনবগী মাইপাকপশিং, দিস্কোম পর্ফোমেন্স ফগৎলকপা, পাক-শন্না স্মার্ত মীতরশিং শীজিন্নবা অমসুং পাৱরগী অৱাৎপা হন্থরকপগী মতাংদা হায়খি।

শেল চংদবা অমসুং মগুন লৈবা মৈ পুথোকপা, ত্রান্সমিসন অমসুং দিস্ত্রিব্যুসনগীদমক কেন্দ্র অমসুং রাজ্যশিংগী মরক্তা পুন্না হোৎনমিন্ননবা মহাক্না হায়খি। মালেমগী ওইনা তংদু লৈতাদবা ফীভমশিংগী মরক্তা ইনর্জী সেক্যুরিতীগী মরুওইবা অদু পল্লদুনা মহাক্না পর কেপিতী ইনর্জী কঞ্জুম্পসন হেনগৎহনবা অমসুং রিন্যুএবল ইনর্জীগী মায়কৈদা অহোংবা পুরকপগী তঙাই ফদবা অদু পনখি। ক্লিন ইনর্জীগী সোর্স অমা ওইনা ন্যুক্লিয়র ইনর্জীগী পোতেন্সিএল অদুসু মহাক্না পনখি অমসুং শান্তি এক্ত অসি মরুওইবা খোঙথাং অমনি হায়না ফোঙদোকখি।

শ্রী মনোহর লালনা রাজ্যশিংদা লিগেল অমসুং এদমিনিস্ত্রেতিব মেজরশিং য়াওনা মথৌ তাবা রিফোর্মশিং পাইখৎপদা কেন্দ্রগী মপুং ফানা মতেং পাংগনি হায়না থাজবা পীখি।

শ্রী শ্রীপদ নায়েকনা পাৱর সেক্তরদা অহোংবা পুরকপদা তেক্নোলোজী অমসুং আর্তিফিসিএল ইন্তেলিজেন্সকী থৌদাং অদু পনখি। মহাক্না মরুওইবা খুদম অমা ওইনা স্মার্ত মিতরিং পনখি। ভারতকী ইনস্তোল তৌরবা কেপাসিতীগী তংখাইদি ফোসিল ফ্যুএল নত্তবা সোর্সশিংনি হায়না মহাক্না ফোংদোকখি। মহাক্না ২০৪৭ ফাওবদা বিক্সিৎ ভারতকী মঙলান ফংনবগীদমক লালোংশিং য়াৎলিবা অনৌবা দ্রাফ্ত নেস্নেল ইলেক্ত্রিসিতী পোলিসীগী মরুওইবা অদু পনখি।

মীফম অদুদা ইনর্জী সেক্যুরিতী ফংহন্নবা অমসুং মরুওইনা ফোসিল ইনর্জী সোর্সশিংগী খুত্থাংদা মৈ পুথোকপা হেনগৎহন্নবা মীৎয়েং থমখি। লৈবাক অসিগী হেনগৎলক্লিবা ইনর্জীগী মথৌ তাবশিং ফংহন্নবা পুন্না থবক তৌমিন্নবা অমসুং তেংবাং পীনবগী তঙাইফদবা অদুসু পাৱর অমসুং এম.এন.আর.ই.গী সেক্রেতরীশিংনা ফোংদোকখি।

ফোঙখিবা মরু ওইবা রিপোর্তশিং

মীফম অদুদা পৱার মন্ত্রালয়না শেনবা চহি ২০২৪-২৫গীদমক রিপোর্ত অনি ফোঙখি - দিস্কোমসকী কঞ্জ্যুমর সর্ভিস রেতিংশিং (সি.এস.আর.দি.) অমসুং শেনবা চহি ২০২৪-২৫গীদমক দিস্ত্রিব্যুতিং য়ুতিলিতীজ রেতিং (দি.য়ু.আর.)।

কঞ্জ্যুমর সর্ভিস রেতিংস ওফ দিস্কোমস (সি.এস.আর.দি.) রিপোর্ত

সি.এস.আর.দি.না দিস্কোমসকী কঞ্জ্যুমর সর্ভিসতা বেসলাইন স্তেন্দর্দশিং অমসুং এক্সপেক্তেসনশিং, মসিদা অথুবা অমসুং চুম্বা মেতরিং অমসুং বিলিং, মতম চানা অমসুং ইফেক্তিভ ওইবা গ্রিভান্স রিদ্রেসমেন্ত অমসুং অচুম্বা, ত্রান্সপরেন্ত ওইবা তেরিফ সেতিং য়াওরি। সি.এস.আর.দি. রিপোর্ত অসিনা কঞ্জ্যুমরশিংগী অপেনবা হেনগৎহন্নবা অমসুং ক্রোস-দিসিপ্লিনরী লর্নিং পুক্নিং থৌগৎনবগীদমক মপুংফাবা থৌরাং অমা শেমগৎনবা পান্দম থম্লি। মসিনা মরুওইবা লমশিংদা দিস্কোমশিং য়েংশিন্নবা ইলেক্ত্রিসিতি রুল্স সর্ভিস স্তেন্দর্দশিং শীজিন্নদুনা কঞ্জ্যুমর সেন্ত্রিক সর্ভিসশিংগী রেঞ্জ অমা য়েংশিল্লি, অমসুং মসিনা হায়রিবা রুলশিং অসি ঙাক্না চৎপা অমসুং ইমপ্লিমেন্ত তৌবা অদু মোনিতর অমসুং ইভাল্যুএৎ তৌই।

পীশিল্লকপা দেতা অমসুং মদুদগী ফংলকপা স্কোর অদুদা য়ুম্ফম ওইদুনা, দিস্কোমশিংনা গ্রেদ তরেৎকী মনুংদা অমা ফংই: এ+, এ, বি+, বি, সি+, সি, নত্রগা দি। তায়র গ্রেদিং অসিনা অফবা কম্পিতিসন পুক্নিং থৌগৎনবা অমসুং সর্ভিসকী ক্বালিতীদা লেপ্পা লৈতনা ফগৎনবা পুক্নিং থৌগৎনবা পান্দম থম্লি। য়েংশিনখিবা দিস্কোম ৬৬গী মনুংদা - দিস্কোম ৬না এ+ রেতিং ফংখি, ২১না এ রেতিং ফংখি অমসুং ২৭না বি+ রেতিং ফংখি।

দিস্কোমগী পর্ফোমেন্স অসি মপাঙ্গল কনখৎলক্লি, মসিনা মকোক থোংবা গ্রেদ ফংলবা প্রোপোর্সন হেনগৎলকপা অমসুং হেন্না ফবা সর্ভিসশিংদগী কান্নবা ফংলবা কঞ্জ্যুমরশিং হেনগৎলকপা অসিনা নেসনেল ত্রেজেক্তরীদা পোজিতিব ওইবগী খুদম উৎলি। মতম অমত্তদা, দিস্কোম অমসুং কঞ্জ্যুমর মশিং খরা খজিক্না অতাবা বেন্দশিংদা (সি অমসুং দি) চল্লি, মসিনা স্কেল অসিগী মখা থংবা শরুক্তা খুমাং চাউশিল্লকপগী খুদম ওইরি।

দিস্ত্রিব্যুতিং য়ুতিলিতিজ রেঙ্কিং (দি.য়ু.আর.)

দি.য়ু.আর. অসিনা লৈবাক শিনবা থুংনা পাৱর দিস্ত্রিব্যুসন য়ুতিলিতীশিংগী পর্ফোমেন্সকী মপুং ফাবা অমসুং ওবজেক্তিব ওইবা এসেসমেন্ত অমা পীরি। মমাংগী ইদিসনশিংদগী ফংলকপা মনুং হুৎপা লৌশিংদা য়ুম্ফম ওইদুনা, রিপোর্ত অসিনা ইন্সতিত্যুস্নেল কেপাসিতী, ফাইনান্সিএল সস্তেনেবিলিতী, ওপরেস্নেল ইফিসিএন্সী, অমসুং সর্ভিস দেলিভরীগী আউতলেৎশিং য়াওবা মল্তি-দাইমেন্সনেল ইভালুএসন ফ্রেমৱার্ক অমা এদোপ্ত তৌনবা ত্রেদিস্নেল পর্ফোর্মেন্স ইন্দিকেতরশিংগী ৱাংমদা চৎলি। দি.য়ু.আর.গী পান্দমদি ভারতকী অশাংবা মতমগী ইনর্জী ত্রান্সিসন অমসুং দিবেলপমেন্তগী পান্দমশিং শৌগৎতুনা, শেল থুমগী ওইবা মওংদা তুং কোইনা চৎকদবা, ওপরেস্নেল ইফিসিএন্ত ওইবা অমসুং কঞ্জুমর-সেন্ত্রিক ওইবা পাৱর দিস্ত্রিব্যুসন ইকোসিস্তেম অমা শেমগৎপদা মতেং পাংনবা পান্দম থম্লি। চহি অসিদা য়ুতিলিতী ৬৬না দি.য়ু.আর. এসেসমেন্ত এক্সর্সাইজতা শরুক য়াখ্রে।

দি.য়ু.আর. রিপোর্ত

সি.এস.আর.দি. রিপোর্ত

***