প্রধানমন্ত্রীগী লোইশঙ
প্রধান মন্ত্রীনা কুৱেতকী ক্রাউন প্রিন্সকা ৱারী শানখ্রে
পি.এম.না ঈতকী য়াইফ-পাউজেল পীখি লোইননা নোংচুপ এসিয়াগী ফিভমগী মতাংদা খন্নখ্রে
থাগৎখিবা:
18 MAR 2026 6:18PM by PIB Imphal
প্রধান মন্ত্রীনা কুৱেতকী ক্রাউন প্রিন্স, হিস হাইনেস শৈখ সাবাহ অল-খালেদ অল-হামাদ অল-মুবারক অল-সবাহগা য়াইফ-পাউজেল পীনবা অমসুং লমদম অসিগী সেক্যুরিতীগী ফিভমশিং য়েংশিন্নবা ৱারী শানখ্রে।
প্রধান মন্ত্রীনা কুয়েৱেতকী ক্রাউন প্রিন্স, হিস হাইনেস শেখ সাবাহ অল-খালেদ অল-হামাদ অল-মোবারক অল-সবাহগা ৱারী শানখি অমসুং লাক্কদৌরিবা ঈদকী কুমহৈদা য়াইফ-পাউজেল পীখি। ৱারী শানবগী মনুংদা, শ্রী মোদী অমসুং ক্রাউন প্রিন্সনা নোংচুপ এসিয়াদা ওইরক্লিবা ফীভমগী মতাংদা মখোয়গী ৱাখল্লোনশিং ফোঙদোক্নখি অমসুং হন্দক থোক্লিবা থৌদোকশিং অসিগী মতাংদা খন্ন-নৈনখি। কুৱেতকী সোভরেনিতী অমসুং তেরিতোরিয়েল ইন্তিগ্রিতীদা লান্দারক্লিবশিং অদু প্রধান মন্ত্রীনা অমুক্কা হন্না য়ানিংদবা ফোঙদোকখি। মহাক্না হায়খি মদুদি হোর্মুজ স্ত্রেত ফাওদুনা সেফ অমসুং ফ্রী নেভিগেসন তৌবা য়াহনবা হায়বসি খ্বাইদগী মরুওইবনি। লমদম অসিগী শান্তি অমসুং তংদু-লৈতাবা লৈহন্নবগীদমক্তা দিপ্লোমেতিক এনগেজমেন্তকী থৌদাং লেপ্তনা লৌখৎপা অসি য়াম্না মরু ওই হায়না লুচিংবা অনিমক্না য়ানখি। কুৱেত্তা লৈরিবা ভারত মচাশিংগী সেফতী অমসুং য়াইফ-থৌরাংগীদমক লেপ্পা লৈতনা মতেং পাংলিবা অসিগীদমক প্রধান মন্ত্রীনা ক্রাউন প্রিন্সতা থাগৎপা ফোংদোকখি।
প্রধান মন্ত্রীনা Xতা অসুম্না ইখি;
“কুৱেতকী ক্রাউন প্রিন্স, হিস হাইনেস শেখ সাবাহ অল-খালেদ অল-হামাদ অল-মোবারক অল-সবাহগা ৱারী শানখি অমসুং লাক্কদৌরিবা ঈদকী কুমহৈদা য়াইফ-পাউজেল পীখি।
ঐখোয়না নোংচুপ এসিয়াদা ওইরক্লিবা ফীভমগী মতাংদা ঐখোয়গী ৱাখল্লোনশিং ফোংদোক্নখি অমসুং হৌখিবা মতম অসিদা ওইরক্লিবা ফীভমগী মতাংদা খন্ন-নৈনখি। কুযৱেতকী লৈঙাক সোভরেনিতী অমসুং তেরিতোরিয়েল ইন্তিগ্রিতীদা লান্দরকপা অদুবু ভারতনা অমুক হন্না য়ানীংদবা ফোঙদোকখ্রে। হোর্মুজ স্ত্রেত ফাওদুনা সেফ অমসুং ফ্রী নেভিগেসন লৈহনবা হায়বা অসি ঐখোয়গী খ্বাইদগী মরুওইবা পান্দম ওইরি।
লমদমসিগী শান্তি অমসুং তংদু-লৈতাবা পুরক্নবগীদমক্তা তুংকোইনা দিপ্লোমেতিক এনগেজমেন্ত তৌবা অসি তঙাইফদবা ওই হায়না ঐখোয়না য়ানখি।
কুৱেত্তা লৈরিবা ভারত মচাশিংগী সেক্যুরিতী অমসুং য়াইফ-থৌরাংগীদমক লেপ্পা লৈতনা মতেং পাংবীবগীদমক ঐহাক্না মহাকপু থাগৎপা ফোংদোকখি।”
***
(রিলিজ আই.দি.: 2242510)
ভিজিতর কাউন্তর : 4