ಪ್ರಯಾಣಿಕರು ಕಾಯ್ದಿರಿಸಿದ ಮತ್ತು ಕಾಯ್ದಿರಿಸದ ಟಿಕೆಟ್‌ಗಳನ್ನು ಬುಕ್ ಮಾಡುವಲ್ಲಿ ಸುಗಮಗೊಳಿಸುವ ಉದ್ದೇಶದಿಂದ, ಭಾರತೀಯ ರೈಲ್ವೆ ರೈಲ್‌ಒನ್ ಅಪ್ಲಿಕೇಶನ್ ನಂತಹ ವಿವಿಧ ತಾಂತ್ರಿಕ ಪರಿಹಾರಗಳನ್ನು ಪರಿಚಯಿಸಿದೆ, ಇದು ಭಾರತೀಯ ರೈಲ್ವೆಯ ಕೌಂಟರ್ಗಳ ಮೂಲಕ ಬುಕಿಂಗ್ ಮಾಡುವ ಸಾಂಪ್ರದಾಯಿಕ ವಿಧಾನಗಳ ಜೊತೆಗೆ. ಈ ಅಪ್ಲಿಕೇಶನ್ ಮೂಲಕ, ಪ್ರಯಾಣಿಕರು ಮೊಬೈಲ್ ಫೋನ್‌ನಲ್ಲಿ ಕಾಯ್ದಿರಿಸಿದ ಮತ್ತು ಕಾಯ್ದಿರಿಸದ ಟಿಕೆಟ್‌ಗಳನ್ನು ಬುಕ್ ಮಾಡಬಹುದು. ಇದು ವಾಸ್ತವವಾಗಿ, ಪ್ರಯಾಣಿಕರ ಮೀಸಲಾತಿ ವ್ಯವಸ್ಥೆ (ಪಿ.ಆರ್.ಎಸ್) ಸೌಲಭ್ಯ ಹಾಗೂ ಕಾಯ್ದಿರಿಸದ ಟಿಕೆಟ್ ವ್ಯವಸ್ಥೆ (ಯುಟಿಎಸ್) ಗಳನ್ನು ಪ್ರಯಾಣಿಕರ ಅಂಗೈ‌ ಹಿಡಿತಕ್ಕೆ ತರುತ್ತದೆ. ರೈಲ್‌ಒನ್ ಅಪ್ಲಿಕೇಶನ್ ಸುಧಾರಿತ ಭದ್ರತೆ ಮತ್ತು ಗೌಪ್ಯತಾ ಕ್ರಮಗಳನ್ನು ಹೊಂದಿದೆ.

ರೈಲ್ ಒನ್ ಅಪ್ಲಿಕೇಶನ್ ನ ಒಟ್ಟು ಡೌನ್‌ಲೋಡ್ ಗಳ ಸಂಖ್ಯೆ ಮತ್ತು ಅದರ ಮೂಲಕ (15-03-2026 ರವರೆಗೆ) ಬುಕ್ ಮಾಡಲಾದ ದೈನಂದಿನ ಸರಾಸರಿ ಟಿಕೆಟ್ಗಳ ಸಂಖ್ಯೆಯನ್ನು (ಕಾಯ್ದಿರಿಸಿದ ಮತ್ತು ಕಾಯ್ದಿರಿಸದ ಎರಡೂ ವರ್ಗದ ಟಿಕೆಟುಗಳು) ಕೆಳಗೆ ಪಟ್ಟಿ ಮಾಡಲಾಗಿದೆ:

ಒಟ್ಟು ಡೌನ್ ಲೋಡ್ ಗಳ ಸಂಖ್ಯೆ	2.57 ಕೋಟಿ
ದಿನದಲ್ಲಿ ಸರಾಸರಿ ಟಿಕೆಟ್ ಗಳ ಒಟ್ಟು ಮಾರಾಟ ಸಂಖ್ಯೆ	7.64 ಲಕ್ಷ

ಈ ಅಪ್ಲಿಕೇಶನ್ ಭಾರತೀಯ ರೈಲ್ವೆಯ ಎಲ್ಲಾ ಸಾರ್ವಜನಿಕ ಸೇವೆಗಳಾದ ಕಾಯ್ದಿರಿಸಿದ ಟಿಕೆಟ್‌ಗಳು, ಕಾಯ್ದಿರಿಸದ ಟಿಕೆಟ್‌ಗಳು ಮತ್ತು ಪ್ಲಾಟ್‌ಫಾರ್ಮ್ ಟಿಕೆಟಿಂಗ್, ರೈಲು ವಿಚಾರಣೆ, ಪಿ.ಎನ್.ಆರ್. ವಿಚಾರಣೆ, ರೈಲ್ ಮದದ್ ಇತ್ಯಾದಿಗಳನ್ನು ಒಂದೇ ವೇದಿಕೆಯಲ್ಲಿ ಸಂಯೋಜಿಸುತ್ತದೆ. ಬಳಕೆದಾರರು ಒಂದೇ ಲಾಗಿನ್ ಮೂಲಕ ಈ ಎಲ್ಲಾ ಸೇವೆಗಳನ್ನು ಸಂಯೋಜಿತ ರೀತಿಯಲ್ಲಿ ಪಡೆಯಬಹುದು. ರೈಲ್ ಒನ್ ಮೊಬೈಲ್ ಅಪ್ಲಿಕೇಶನ್ ಅನ್ನು ಆಂಡ್ರಾಯ್ಡ್ ಪ್ಲೇ ಸ್ಟೋರ್ ಮತ್ತು ಆಪಲ್ ಆಪ್ ಸ್ಟೋರ್ ನಿಂದ ಡೌನ್‌ಲೋಡ್ ಮಾಡಬಹುದು ಮತ್ತು ನೋಂದಣಿ ಬಳಕೆದಾರ ಸ್ನೇಹಿಯಾಗಿದೆ. ಇದಲ್ಲದೆ, ಪ್ರಯಾಣಿಕರು ಭಾರತೀಯ ರೈಲ್ವೆ ಅಡುಗೆ ಮತ್ತು ಪ್ರವಾಸೋದ್ಯಮ ನಿಗಮದ ಅಪ್ಲಿಕೇಶನ್/ ವೆಬ್‌ಸೈಟ್ ಮೂಲಕ ಕಾಯ್ದಿರಿಸಿದ ಟಿಕೆಟ್‌ಗಳನ್ನು ಬುಕ್ ಮಾಡುವ ಸೌಲಭ್ಯವನ್ನು ಸಹ ಹೊಂದಿದ್ದಾರೆ. ಪ್ರಸ್ತುತ ಸುಮಾರು 88% ಕಾಯ್ದಿರಿಸಿದ ಟಿಕೆಟ್ ಗಳನ್ನು ಆನ್‌ಲೈನ್ ನಲ್ಲಿ ಬುಕ್ ಮಾಡಲಾಗುತ್ತಿದೆ.

ಇದಲ್ಲದೆ, ಭಾರತೀಯ ರೈಲ್ವೆಯು ಈ ಕೆಳಗಿನ ರೀತಿಯ ಏಜೆಂಟ್‌ಗಳನ್ನು ಸಹ ತೊಡಗಿಸಿಕೊಂಡಿದೆ:

ಕಾಯ್ದಿರಿಸದ ಟಿಕೆಟ್‌ಗಳು

i. ಹಾಲ್ಟ್ ಏಜೆಂಟ್ ಗಳು
ii. ಜನ್ ಸಾಧಾರಣ ಟಿಕೆಟ್ ಬುಕಿಂಗ್ ಸೇವಕ್ ಗಳು (ಜೆ.ಟಿ.ಬಿ.ಎಸ್.)
iii. ನಿಲ್ದಾಣ ಟಿಕೆಟ್ ಬುಕಿಂಗ್ ಏಜೆಂಟ್ ಗಳು (ಎಸ್.ಟಿ.ಬಿ.ಎ.)
iv. ಎಂ-ಯುಟಿಎಸ್ ಸಹಾಯಕ್‌ ಗಳು

ಕಾಯ್ದಿರಿಸಿದ ಮತ್ತು ಕಾಯ್ದಿರಿಸದ ಟಿಕೆಟ್‌ಗಳು

i. ಯಾತ್ರಿ ಟಿಕೆಟ್‌ಗಳು ಸುವಿಧಾ ಕೇಂದ್ರ ಪರವಾನಗಿದಾರರು (ವೈ.ಟಿ.ಎಸ್.ಕೆ.ಎಲ್)

ಇದಲ್ಲದೆ, ಭಾರತೀಯ ರೈಲ್ವೆ ಅಡುಗೆ ಮತ್ತು ಪ್ರವಾಸೋದ್ಯಮ ನಿಗಮ (ಐ.ಆರ್.ಸಿ.ಟಿ.ಸಿ.) ಕಾಯ್ದಿರಿಸಿದ ಇ-ಟಿಕೆಟ್‌ಗಳನ್ನು ನೀಡಲು ಇ-ಟಿಕೆಟ್ ಏಜೆಂಟ್ ಗಳನ್ನು ತೊಡಗಿಸಿಕೊಂಡಿದೆ.

ಹಾಲ್ಟ್ ಏಜೆಂಟ್, ಜೆಟಿಬಿಎಸ್, ಎಸ್.ಟಿ.ಬಿ.ಎ ಮತ್ತು ಎಂ-ಯುಟಿಎಸ್ ಸಹಾಯಕ್ ಆಗಿ ತೊಡಗಿಸಿಕೊಳ್ಳಲು ರೈಲ್ವೆ ಟಿಕೆಟ್ ಗಳನ್ನು ನೀಡುವಲ್ಲಿ ಅನುಭವ ಹೊಂದಿರುವುದಕ್ಕೆ ಯಾವುದೇ ಷರತ್ತುಗಳಿಲ್ಲ. ಅಂತೆಯೇ, ಈ ಯೋಜನೆಗಳು ವಿದ್ಯಾವಂತ ನಿರುದ್ಯೋಗಿ ಯುವಕರು ಸೇರಿದಂತೆ ಅರ್ಹ ವ್ಯಕ್ತಿಗಳಿಗೆ ಮುಕ್ತವಾಗಿವೆ ಮತ್ತು ಆದ್ದರಿಂದ ಸ್ವಯಂ ಉದ್ಯೋಗವನ್ನು ಉತ್ತೇಜಿಸುತ್ತವೆ ಮತ್ತು ವಿಶೇಷವಾಗಿ ಗ್ರಾಮೀಣ ಮತ್ತು ಅರೆ ನಗರ ಪ್ರದೇಶಗಳಲ್ಲಿ ರೈಲ್ವೆ ಟಿಕೆಟಿಂಗ್ ಸೌಲಭ್ಯಗಳಿಗೆ ಪ್ರವೇಶವನ್ನು ಸುಧಾರಿಸುತ್ತವೆ. ಕಾಯ್ದಿರಿಸದ ಟಿಕೆಟ್ ಗಳ ಜೊತೆಗೆ, ವೈ.ಟಿ.ಎಸ್.ಕೆ.ಎಲ್.ಗಳು ರೈಲ್ವೆ ಟಿಕೆಟಿಂಗ್ನ ಮೂಲಭೂತ ತಿಳುವಳಿಕೆಯ ಅಗತ್ಯವಿರುವ ಕಾಯ್ದಿರಿಸಿದ ಟಿಕೆಟ್‌ಗಳನ್ನು ಸಹ ನೀಡುವುದರಿಂದ, ವೈ.ಟಿ.ಎಸ್.ಕೆ.ಎಲ್. ಗಳಿಗೆ, ರೈಲ್ವೆ ಟಿಕೆಟಿಂಗ್‌ನಲ್ಲಿ ಕನಿಷ್ಠ 02 ವರ್ಷಗಳ ಅನುಭವದ ಅಗತ್ಯವಿದೆ.

ಯೋಜನೆಯ ನಿಯಮಗಳು ಮತ್ತು ಷರತ್ತುಗಳಿಗೆ ಅನುಗುಣವಾಗಿ ಏಜೆಂಟ್‌ಗಳನ್ನು ನಿಗದಿತ ಅವಧಿಗೆ ನೇಮಿಸಲಾಗುತ್ತದೆ ಮತ್ತು ಆ ನಿಯಮಗಳ ಯಾವುದೇ ಉಲ್ಲಂಘನೆಗಾಗಿ ಅವರನ್ನು ವಜಾಗೊಳಿಸಬಹುದು. ನೇಮಕಾತಿಗಳ ನವೀಕರಣ ಮತ್ತು ಅವಧಿ ಮುಗಿದ ನಂತರ ಹೊಸ ಅರ್ಜಿಗಳನ್ನು ಆಹ್ವಾನಿಸುವುದು ನಿರಂತರ ಮತ್ತು ನಡೆಯುತ್ತಿರುವ ಪ್ರಕ್ರಿಯೆಯಾಗಿದೆ.

ಈ ಮಾಹಿತಿಯನ್ನು ಕೇಂದ್ರ ರೈಲ್ವೆ, ವಾರ್ತಾ ಮತ್ತು ಪ್ರಸಾರ ಮತ್ತು ಎಲೆಕ್ಟ್ರಾನಿಕ್ಸ್ ಮತ್ತು ಮಾಹಿತಿ ತಂತ್ರಜ್ಞಾನ ಸಚಿವರಾದ ಶ್ರೀ ಅಶ್ವಿನಿ ವೈಷ್ಣವ್ ಅವರು ಇಂದು ಲೋಕಸಭೆಯಲ್ಲಿ ಪ್ರಶ್ನೆಗಳಿಗೆ ಉತ್ತರಿಸುತ್ತಾ ನೀಡಿದರು.

 

*****

(ಪ್ರಕಟಣೆ ಐ.ಡಿ.: 2241898) ವಿಸಿಟರ್ ಕೌಂಟರ್ : 11