ਸੜਕੀ ਆਵਾਜਾਈ ਅਤੇ ਰਾਜਮਾਰਗ ਮੰਤਰਾਲਾ
ਐੱਨਐੱਚਏਆਈ ਵਿੱਤ ਵਰ੍ਹੇ 2026-27 ਲਈ 1 ਅਪ੍ਰੈਲ, 2026 ਤੋਂ ਫਾਸਟੈਗ ਸਲਾਨਾ ਪਾਸ ਫ਼ੀਸ ਵਿੱਚ ਸੋਧ ਕਰੇਗੀ
Posted On:
15 MAR 2026 12:20PM by PIB Chandigarh
ਭਾਰਤੀ ਰਾਸ਼ਟਰੀ ਰਾਜਮਾਰਗ ਅਥਾਰਟੀ ਨੇ ਵਿੱਤ ਵਰ੍ਹੇ 2026-27 ਲਈ ਫਾਸਟੈਗ ਸਲਾਨਾ ਪਾਸ ਦੀ ਲਾਗੂ ਫ਼ੀਸ ਨੂੰ ਮੌਜੂਦਾ ₹3,000 ਤੋਂ ਵਧਾ ਕੇ ₹3,075 ਕਰਨ ਦਾ ਐਲਾਨ ਕੀਤਾ ਹੈ। ਵਧੀ ਹੋਈ ਫ਼ੀਸ 1 ਅਪ੍ਰੈਲ 2026 ਤੋਂ ਲਾਗੂ ਹੋਵੇਗੀ। ਫ਼ੀਸ ਵਿੱਚ ਇਹ ਸੋਧ ਰਾਸ਼ਟਰੀ ਰਾਜਮਾਰਗ ਫ਼ੀਸ (ਦਰ ਨਿਰਧਾਰਨ ਅਤੇ ਸੰਗ੍ਰਹਿ) ਨਿਯਮਾਂ, 2008 ਦੇ ਪ੍ਰਾਵਧਾਨਾਂ ਦੇ ਅਨੁਸਾਰ ਕੀਤੀ ਗਈ ਹੈ। 56 ਲੱਖ ਤੋਂ ਵੱਧ ਉਪਭੋਗਤਾਵਾਂ ਦੇ ਨਾਲ, ਨਿੱਜੀ ਵਾਹਨ ਮਾਲਕਾਂ ਵਿਚਕਾਰ ਫਾਸਟੈਗ ਸਲਾਨਾ ਪਾਸ ਦੀ ਵਰਤੋਂ ਤੇਜ਼ੀ ਨਾਲ ਵਧ ਰਹੀ ਹੈ।
ਸੋਧੀ ਹੋਈ ਦਰ ਵੈਧ ਫਾਸਟੈਗ ਵਾਲੇ ਯੋਗ ਗੈਰ-ਵਪਾਰਕ ਵਾਹਨਾਂ 'ਤੇ ਲਾਗੂ ਹੋਵੇਗੀ, ਜੋ ਰਾਸ਼ਟਰੀ ਰਾਜਮਾਰਗਾਂ ਅਤੇ ਰਾਸ਼ਟਰੀ ਐਕਸਪ੍ਰੈਸਵੇਅ 'ਤੇ ਲਗਭਗ 1,150 ਟੋਲ ਪਲਾਜ਼ਿਆਂ 'ਤੇ ਸਲਾਨਾ ਪਾਸ ਸਹੂਲਤ ਦਾ ਲਾਭ ਲੈਣਾ ਚਾਹੁੰਦੇ ਹਨ। ਫਾਸਟੈਗ ਸਲਾਨਾ ਪਾਸ ਨਾਲ ਫਾਸਟੈਗ ਨੂੰ ਵਾਰ-ਵਾਰ ਰੀਚਾਰਜ ਕਰਨ ਦੀ ਲੋੜ ਖ਼ਤਮ ਹੋ ਜਾਂਦੀ ਹੈ। ਇੱਕ ਵਾਰ ਦੀ ਫ਼ੀਸ ਦਾ ਭੁਗਤਾਨ ਇੱਕ ਸਾਲ ਲਈ ਜਾਂ 200 ਟੋਲ ਪਲਾਜ਼ਿਆਂ ਨੂੰ ਪਾਰ ਕਰਨ ਲਈ ਵੈਧ ਹੁੰਦਾ ਹੈ। ਇਹ ਪਾਸ ਵੈਧ ਫਾਸਟੈਗ ਵਾਲੇ ਸਾਰੇ ਗੈਰ-ਵਪਾਰਕ ਵਾਹਨਾਂ 'ਤੇ ਲਾਗੂ ਹੈ।
ਰਾਜਮਾਰਗ ਯਾਤਰਾ ਐਪ ਜਾਂ ਨੈਸ਼ਨਲ ਹਾਈਵੇਅ ਅਥਾਰਟੀ ਆਫ਼ ਇੰਡੀਆ ਦੀ ਵੈੱਬਸਾਈਟ ਜ਼ਰੀਏ ਇੱਕ ਵਾਰ ਫ਼ੀਸ ਅਦਾ ਕਰਨ ਤੋਂ ਬਾਅਦ ਵਾਹਨ ਨਾਲ ਜੁੜੇ ਮੌਜੂਦਾ ਫਾਸਟੈਗ 'ਤੇ ਸਲਾਨਾ ਪਾਸ ਦੋ ਘੰਟਿਆਂ ਦੇ ਅੰਦਰ ਕਿਰਿਆਸ਼ੀਲ ਹੋ ਜਾਂਦਾ ਹੈ।
15 ਅਗਸਤ, 2025 ਨੂੰ ਲਾਂਚ ਕੀਤੇ ਗਏ ਫਾਸਟੈਗ ਸਲਾਨਾ ਪਾਸ ਨੂੰ ਮਿਲਿਆ ਭਾਰੀ ਹੁੰਗਾਰਾ ਇਸ ਗੱਲ ਨੂੰ ਉਜਾਗਰ ਕਰਦਾ ਹੈ ਕਿ ਇਹ ਦੇਸ਼ ਭਰ ਦੇ ਰਾਸ਼ਟਰੀ ਹਾਈਵੇ ਉਪਭੋਗਤਾਵਾਂ ਨੂੰ ਵਧੇਰੇ ਸਹੂਲਤ ਅਤੇ ਲਾਗਤ-ਪ੍ਰਭਾਵਸ਼ਾਲੀ ਯਾਤਰਾ ਵਿਕਲਪ ਪ੍ਰਦਾਨ ਕਰਦਾ ਹੈ।
*****
ਜੀਡੀਐੱਚ/ ਐੱਚਜੇ
(Release ID: 2240643)
ਵਿਜ਼ੀਟਰ ਕਾਊਂਟਰ : 10
Read this release in:
Kannada
,
Assamese
,
Marathi
,
English
,
Gujarati
,
Urdu
,
हिन्दी
,
Bengali
,
Tamil
,
Telugu
,
Malayalam