پینے کے پانی کے محفوظ فراہمی کو یقینی بنانے کے لیے پائپ لائنوں، پمپوں اور ذخیرہ کرنے کے ڈھانچوں جیسی بنیادی سہولیات درکار ہوتی ہیں۔ لیکن ان اسٹیل اور کنکریٹ کے  ڈھانچوں کے پیچھے، پانی کے نظام ان لوگوں کی محنت سے چلتے ہیں جو انہیں روزانہ آپریٹ کرتے ہیں۔ جل جیون مشن کے تحت، منتخب نمائندے، فرنٹ لائن کارکن،  اپنی مدد آپ گروپ کے اراکین، تربیت یافتہ رضاکار اور تکنیکی عملہ دیہی سطح پر مل کر مقامی پانی کی سپلائی کے نظام کو چلانے،  نگرانی اور دیکھ بھال کرتے ہیں، تاکہ دیہی گھروں تک محفوظ پینے کا پانی پہنچایا جا سکے۔

اگست 2019 میں شروع کیے جانے والے جل جیون مشن کا مقصد ہر دیہی گھرانے کو ایک فعال گھر تک نل کا کنکشن(ایف ایچ ٹی سی) کے ذریعے محفوظ اور مناسب پینے کے پانی کی فراہمی ہے۔ پروگرام کے آغاز میں صرف 3.23 کروڑ دیہی کنبوں میں  نل سے پانی کے کنکشن موجود تھے۔ 3 مارچ 2026 تک، ملک بھر میں 15.82 کروڑ سے زیادہ دیہی کنبوں  میں گھر میں نل سے پانی کی فراہمی کی  جانکاری ہے، جو ہندوستان کی دیہی پینے کے پانی کی فراہمی میں یونیورسل کوریج کے لیے مستقل عزم کی عکاسی کرتی ہے۔  مرکزی بجٹ27 -2026میں مشن کے لیے67,670 کروڑ  روپےکی تجویز ہے اور اس پروگرام کو 2028 تک  توسیع دے دی گئی ہے۔ ملک بھر میں دیہی پینے کے پانی کے بنیادی ڈھانچے کی اس تیز رفتار توسیع میں ہزاروں افراد کی محنت شامل ہے جو زمینی سطح  پرکام کر رہے ہیں۔

گاؤں میں یہ کوششیں ان لوگوں کی لگن میں نظر آتی ہیں جو پانی کے نظام کی نگرانی کرتے ہیں، آپریشن کی  نگرانی کرتے ہیں، اور اپنی کمیونٹی کے لیے پانی کے معیار کو محفوظ بناتے ہیں۔ ایسے لوگوں کی خدمات کا اعتراف  کرنےاور ان کی حوصلہ افزائی کے لیے صدر جمہوریہ نے جل مہوتسو 2026 کے دوران دیہی پینے کے پانی کے نظام کو مضبوط کرنے میں نمایاں خدمات انجام دینے والے افراد کو اعزاز دیا۔ یہ قومی سطح کی مہم 8 مارچ سے 22 مارچ تک منعقد کی جا رہی ہے، جس میں جل جیون مشن کے تحت  جن بھاگیداری کو فروغ دیا جا رہا ہے۔ مندرجہ ذیل کہانیاں کچھ ایسے افراد کے سفر اور ان کے کردار کی جھلک پیش کرتی ہیں جو اپنی کمیونٹی میں دیہی پینے کے پانی کی خدمات کو برقرار رکھنے میں مددگار ثابت ہو رہے ہیں۔

دیہی پانی کے نظام کو مقامی شراکت داری کے ذریعے برقرار رکھنا

اتر پردیش کے ضلع چترکوٹ کے مانکو وار گرام پنچایت میں دیہی پینے کے پانی کے نظام کی کارکردگی اس بات کی عکاسی کرتی ہے کہ دیہی بنیادی ڈھانچے کو برقرار رکھنے میں مقامی شراکت داری کس قدر مؤثر ثابت ہو سکتی ہے۔

گرام پردھان رچنا دیوی کی قیادت میں، مؤ دیہی پینے کے پانی کی فراہمی کے منصوبے نے گاؤں کے تمام 340 کنبوں کے لیے  گھر سے نل کے فعال کنکشن کو یقینی بنایا، جس سے تقریباً 1,971 رہائشیوں کی خدمت ممکن ہوئی۔ بنیادی ڈھانچے کے قیام کے ساتھ ساتھ یہ بھی یقینی بنانے کی کوشش کی گئی کہ یہ نظام طویل مدت تک مؤثر طریقے سے کام کرتا رہے۔

دیہی پانی کی سپلائی کے نظام کو چلانے اور دیکھ بھال کے لیے، ہر کنبہ ماہانہ50  روپےکے صارف چارج میں  تعاون دیتا ہے۔ گاؤں فی الحال ہر ماہ تقریباً  5,275 روپےجمع کرتا ہے، جو معمول کے آپریشنل اخراجات کو پورا کرنے کے لیے استعمال ہوتا ہے۔

 ولیج واٹر اینڈ سینیٹیشن کمیٹی کے باقاعدہ اجلاس بل، محصول کی وصولی اور  خدمات کی فراہمی کا جائزہ لیتے ہیں۔ یہ اجلاس پانی کی سپلائی کے نظام کے انتظام میں شفافیت اور اجتماعی نگرانی کو یقینی بنانے میں مدد دیتے ہیں۔ رچنا دیوی نے کمیٹی میں خواتین اور  درج ذیل فہرست ذات  برادریوں کے اراکین کی شرکت کو بھی فروغ دیا، جس سے گاؤں کی سطح پر جامع پانی کے نظام کو مضبوطی ملی ۔

ہمالیہ کی بلندیوں میں پانی کا بہاؤ برقرار رکھنا

لداخ کے ضلع لیہ کے ماتھو گاؤں کی بلند پہاڑی زمین میں، قابل اعتماد پینے کے پانی کے نظام کو برقرار رکھنے کے لیے مقامی اداروں اور فیلڈ عملے کے درمیان مسلسل تکنیکی محنت اور ہم آہنگی درکار ہوتی ہے۔

پبلک ہیلتھ انجینئرنگ کے لائن مین، سیرنگ دورجے نے گاؤں کے پینے کے پانی کے بنیادی ڈھانچے کی تنصیب اور دیکھ بھال میں اہم کردار ادا کیا ہے۔  دشوار گزار پہاڑی علاقوں اور سخت موسمی حالات میں کام کرتے ہوئے، انہوں نے یقینی بنایا کہ ماتھو گاؤں کے گھروں کو جل جیون مشن کے تحت قابل اعتماد  نل سے پانی کے کنکشن فراہم کیے جائیں۔ نیز، کمیونٹی کے اراکین کی اجتماعی کوششوں کے ساتھ، گاؤں میں پینے کے پانی کی خدمات کی توسیع اور کارکردگی کی بھی  حمایت کی گئی ، جو یہ ظاہر کرتی ہے کہ انتظامی اور تکنیکی عملہ دیہی پانی کے پروگراموں کے نفاذ میں کس طرح اپنا کردار ادا کرتا ہے۔

گجرات میں خواتین پانی کے معیار کی حفاظت کر رہی ہیں

گجرات کے ضلع نوساری کے گن دیوی تعلقہ کے مانیکپور گاؤں میں، پانی کے معیار کی نگرانی گاؤں کی واٹر کوالٹی ٹیم کی فعال شمولیت کے ذریعے کی جاتی ہے۔ گاؤں کی واٹر کوالٹی ٹیم کی رکن  پھالگو نی بین سنجے بھائی رٹھوڑ باقاعدگی سے فیلڈ ٹیسٹ کٹ کے ذریعے پینے کے پانی کے ٹیسٹ کرتی ہیں تاکہ گاؤں کے گھروں کو جل جیون مشن کے تحت محفوظ پانی فراہم کیا جا سکے۔

گزشتہ تین ماہ کے دوران، انہوں نے کنبوں کی سطح پر 19 پانی کے نمونے ٹیسٹ کیے، اس بات کو یقینی بنایا کہ گاؤں کے تمام بستیوں سے نمونے جمع کیے جائیں۔ ٹیسٹنگ کے ساتھ ساتھ، کمیونٹی میں پانی کے معیار اور صاف پانی کے طریقوں جیسے گھریلو کلورینیشن کے بارے میں آگاہی بڑھانے کی سرگرمیاں بھی فروغ دی جاتی ہیں تاکہ محفوظ پینے کے پانی کو برقرار رکھا جا سکے۔

وہ یہ بھی یقینی بناتی ہیں کہ پانی کے معیار کے ٹیسٹ کے نتائج  لوگوں کے ساتھ مشترک کیے جائیں۔ پانی کے معیار کے حوالے سے اگر کوئی تشویش ہو، تو نمونوں کی جانچ لیبارٹری میں قائم شدہ پروٹوکول کے مطابق کی جاتی ہے۔  پھالگونی بین ایک منتخب رکن گرام پنچایت بھی ہیں، اپنی مدد آپ گروپ بھولکو مہیلا بچت منڈل سے وابستہ ہیں اور گاؤں میں آشا کے طور پر کام کرتی ہیں، جس سے عوامی صحت کی آگاہی اور کمیونٹی کی متحرک شمولیت میں اہم کردار ادا ہوتا ہے۔

اپنی پانی کے معیار کی نگرانی اور کمیونٹی کی شمولیت کے ذریعے، وہ گاؤں میں محفوظ پینے کے پانی کے انتظام و انصرام کو مضبوط بنانے میں مدد کرتی ہیں۔

س سکم میں سماجی قیادت کے ذریعے خود انحصار پانی کا انتظام

سکم میں دو خواتین سرپنچوں نے گاؤں کو خود انحصار پانی کے انتظام کی طرف بڑھنے میں مدد کی ہے۔ جب حکومت کی دیہی نل کے پانی کی مہم ان کے گاؤں تک پہنچی، شیلا سبّا اور پُسپا سنٹوری نے ابتدائی طور پر اس کوشش میں حصہ لیا اور رہائشیوں کے ساتھ قریبی کام شروع کیا۔

انہوں نے گاؤں کے تمام گھروں اور وارڈز کا دورہ کیا، پینے کے قابل اعتماد پانی کی اہمیت اور کمیونٹی کی شمولیت کی ضرورت کے بارے میں سمجھایا۔ جیسے ہی گاؤں والے مباحثوں اور منصوبہ بندی میں شامل ہوئے، انہوں نے نظام کو برقرار رکھنے کے بارے میں مشترکہ سمجھ بوجھ پیدا کی۔ اس سے گھروں کے لیے صارف فیس میں حصہ ڈالنا آسان ہوا، جس سے گاؤں اپنی پانی کی فراہمی کے نظام کو خود قائم رکھ سکے۔

رُمبک جی پی یو، درمدن بلاک میں، سرپنچ شیلا سبّا نے گاؤں کے پانی کی فراہمی کے نظام کے انتظام میں عوامی شمولیت کی بھرپور حوصلہ افزائی کی ہے۔ باقاعدہ اجلاسوں اور آگاہی پروگراموں کے ذریعے، گاؤں والے منصوبہ بندی اور دیکھ بھال کی سرگرمیوں میں حصہ لیتے ہیں۔ آج، تمام  کنبوں کے ساتھ ساتھ اسکولوں اور آنگن واڑی مراکز میں بھی نل کے پانی کے کنکشن موجود ہیں۔ کمیونٹی کی شمولیت اس بات کو یقینی بنانے میں بھی مدد دیتی ہے کہ نظام ہموار طریقے سے چلتا رہے اور کسی بھی رکاوٹ کی فوری طور پر درستگی ہو سکے۔

اپر تھمبونگ جی پی یو میں، سرپنچ پُسپا سنٹوری نے گاؤں کے پانی کے نظام کی مالی پائیداری کو مضبوط کرنے پر توجہ مرکوز کی ہے۔ تمام کنبے باقاعدگی سے صارف فیس ادا کرتے ہیں، اور جمع شدہ رقم شفاف طریقے سے دیکھ بھال اور مرمت کے لیے استعمال کی جاتی ہے۔ منظم مالی انتظام، دستیاب وسائل کا مؤثر استعمال اور فعال کمیونٹی کی شمولیت کے ساتھ، گاؤں نے ایک قابل اعتماد پینے کے پانی کا نظام قائم رکھنے میں کامیابی حاصل کی ہے۔

گاؤں میں نل کے پانی تک رسائی کی توسیع

جھارکھنڈ کے کنچن پور گرام پنچایت میں دیہی پینے کے پانی تک رسائی بڑھانے کی کوششیں کئی گاؤں تک پہنچ چکی ہیں، جن کی قیادت مکھیا پِنکی رانا کر رہی ہیں۔

اپنی مدتِ ملازمت کے دوران، پنچایت نے متعدد بستیوں میں 100 فیصد فعال گھریلو نل کے پانی کے کنکشن  کا احاطہ کیا۔ اس  کی توسیع کے تحت کنچن پور گاؤں میں 670  کنبوں، ہیتھلاگ میں 384 کنبوں اور گووندو پور میں 357  کنبوں تک رسائی حاصل ہوئی۔

اس کامیابی کے ساتھ، پنچایت کو ہر گھر جل پنچایت کے طور پر تسلیم کیا گیا، جو ان گاؤں میں پائپ سےپینے کے پانی کی خدمات کی کامیاب توسیع کی عکاسی کرتا ہے۔ گھروں کو باقاعدگی سے صارف فیس دینے کی ترغیب دینے کی بھی کوششیں کی گئی ہیں۔ یہ تعاون پانی کی فراہمی کے نظام کو چلانے اور دیکھ بھال کو وقت کے ساتھ برقرار رکھنے میں مدد دیتا ہے۔

 سماج کی شمولیت کے ذریعے دیہی پانی کے نظام کو برقرار رکھنا

لداخ، گجرات، جھارکھنڈ، کرناٹک، اتر پردیش اور سکم کی مثالیں ظاہر کرتی ہیں کہ دیہی پینے کے پانی کے نظام کی کارکردگی بنیادی ڈھانچے اور مقامی شمولیت کی مشترکہ طاقت پر منحصر ہے۔ جل جیون مشن کے تحت تیار شدہ بنیادی ڈھانچے کے ساتھ ساتھ، گرام پنچایتوں، فرنٹ لائن کارکنوں، خواتین گروپوں، تربیت یافتہ رضاکاروں اور تکنیکی عملے کی شمولیت گاؤں کی سطح پر ان نظاموں کے روزانہ کے کام میں معاونت کرتی ہے۔ اس طرح کی شمولیت کے ذریعے،  سماج دیہی پانی کی فراہمی کے بنیادی ڈھانچے کی دیکھ بھال، نگرانی اور  نظام کو سپورٹ کرتی ہیں، جس سے ملک بھر میں گھروں تک پینے کے پانی کی خدمات کی مستقل فراہمی یقینی بنتی ہے۔

حوالہ جات

وزارتِ جل شَکتی

· https://www.pib.gov.in/PressReleasePage.aspx?PRID=2236518®=3&lang=2

· https://www.pib.gov.in/PressReleasePage.aspx?PRID=2236669®=3&lang=2

· https://www.pib.gov.in/PressReleasePage.aspx?PRID=2237015®=3&lang=1

پی ڈی ایف کے لیے کلک کریں

******

ش ح۔  م ش۔  ش ب ن

U-NO. 3977