વસ્તી ગણતરી 2027 બે તબક્કામાં હાથ ધરવામાં આવશે. પ્રથમ તબક્કાના એટલે કે, હાઉસલિસ્ટિંગ અને હાઉસિંગ સેન્સસના પ્રશ્નો જાહેર કરવામાં આવ્યા છે. આ તબક્કામાં રહેઠાણની સ્થિતિ, ઘરગથ્થુ વિગતો જેમાં ઘરના વડાનું નામ અને જાતિ, ઉપલબ્ધ સુવિધાઓ અને ઘર દ્વારા ધરાવતા અસ્કયામતો વિશેની માહિતી એકત્રિત કરવામાં આવશે. ઘરના વડાની જાતિની ત્રણ શ્રેણીઓ એટલે કે પુરુષ/સ્ત્રી/ટ્રાન્સજેન્ડર એકત્રિત કરવામાં આવશે. બીજા તબક્કા માટેના પ્રશ્નો, એટલે કે, પોપ્યુલેશન એન્યુમરેશન, જેમાં દરેક વ્યક્તિની માહિતી એકત્રિત કરવામાં આવશે, તે યોગ્ય સમયે જાહેર કરવામાં આવશે.

વસ્તી ગણતરીના ડેટાના સંગ્રહ માટે કોઈપણ આધારે કોઈપણ બાકાત ન રહી જાય તે માટે એન્યુમરેટર્સ સમગ્ર ગણતરી વિસ્તારમાં ઘરે-ઘરે જઈને ફિલ્ડ વિઝિટ કરશે. સેલ્ફ-એન્યુમરેશન (સ્વ-ગણતરી) ની જોગવાઈ એ ઉત્તરદાતાઓ માટે ડેટા સબમિટ કરવાની વધારાની સુવિધા છે. એન્યુમરેટર્સ અંતિમ સબમિશન પહેલાં સેલ્ફ-એન્યુમરેશન ડેટાની પુષ્ટિ કરશે. વધુમાં, ડેટાની સચોટતા સુનિશ્ચિત કરવા માટે સેલ્ફ-એન્યુમરેશન પોર્ટલ પર જ FAQs, જરૂરી 'ટૂલ ટિપ્સ' અને પ્રશ્નો માટે વેલિડેશન ચેક આપવામાં આવ્યા છે.

વસ્તી ગણતરીના કામ માટે નિયુક્ત કરાયેલા તમામ ફિલ્ડ ફંક્શનરીઓને જેમાં એન્યુમરેટર્સ અને સુપરવાઈઝર્સનો સમાવેશ થાય છે, તેમને પૂરતી તાલીમ આપવામાં આવી રહી છે. ડેટાની સુસંગતતા અને સચોટતા સુનિશ્ચિત કરવા માટે મોબાઇલ એપમાં જ વેલિડેશનના નિયમો સામેલ કરવામાં આવ્યા છે. વધુમાં, એન્યુમરેટર્સ દ્વારા એકત્રિત કરવામાં આવેલા ડેટાનું સુપરવાઈઝર્સ દ્વારા નિરીક્ષણ અને તપાસ પણ કરવામાં આવશે.

મોબાઈલ પર ડેટા એકત્રિત કરતી વખતે, ડેટા ટ્રાન્સમિશન દરમિયાન અને સર્વર સ્તરે ડેટા સુરક્ષા માટે તમામ યોગ્ય પગલાં લેવામાં આવ્યા છે.

આ માહિતી રાજ્યસભામાં એક પ્રશ્નના લેખિત જવાબમાં ગૃહ મંત્રાલયમાં રાજ્ય મંત્રી શ્રી નિત્યાનંદ રાય દ્વારા આપવામાં આવી હતી.

SM/JY/JD

(રીલીઝ આઈડી: 2238366) મુલાકાતી સંખ્યા : 20