2025 నవంబర్‌లో ఆహారం, పానీయాల రంగంలో పన్ను ఎగవేతలపై ఆదాయ పన్ను విభాగం దర్యాప్తు ప్రారంభించింది. అనేక రెస్టారెంట్లు వాస్తవ అమ్మకాలను తక్కువగా చూపించేందుకు పెద్ద మొత్తంలో బిల్లులను తొలగించినట్లు, ఇతర మార్పులను చేసినట్లు ఈ దర్యాప్తులో గుర్తించారు.

ఏఐ ఆధారిత విశ్లేషణ సాధనాలను ఉపయోగించి ఆహార, పానీయాల రంగంలో ఉన్న 1.77 లక్షల రెస్టారెంట్ల లావాదేవీల సమాచారాన్ని అధునాతన పద్ధతిలో విశ్లేషించారు. ఆదాయ పన్ను రిటర్నుల్లో ప్రకటించిన టర్నోవరుతో ఈ సమాచారాన్ని పోల్చి చూశారు. పెద్ద మొత్తంలో ఆదాయ సమాచారాన్ని తక్కువ చేసి చూపినట్లు ఈ విశ్లేషణలో తేలింది. కొన్ని సందర్భాల్లో, ఆర్థికపరమైన ఖాతాలు లేదా సమర్పించిన పన్ను లెక్కల్లో వాస్తవ అమ్మకాలు పూర్తిగా ప్రతిఫలించలేదని, నివేదించిన అమ్మకాలను కొన్ని లావాదేవీల నుంచి మినహాయించినట్లు గుర్తించారు.

ఫలితంగా, 22 రాష్ట్రాల్లోని 46 నగరాల్లో ఉన్న 62 రెస్టారెంట్లలో 2026 మార్చి 8న సర్వే నిర్వహించారు. సుమారుగా రూ.408 కోట్ల అమ్మకాలను దాచిపెట్టినట్లు ఈ సర్వేలో ప్రాథమికంగా తేలింది. ఈ అంశంలో దర్యాప్తు కొనసాగుతోంది.

స్వచ్ఛంద అంగీకారానికి, విశ్వసనీయత ఆధారిత విధానానికి ఈ విభాగం ప్రాధాన్యమిస్తుంది. పన్ను చెల్లింపుదారులకు వారి పొరపాట్లను సరిచేసుకొనేలా మార్గనిర్దేశం చేయడానికి, సూచనలిచ్చేందుకు సాక్షం నజ్ ప్రచారాన్ని ప్రారంభించింది. ఆదాయ పన్ను చట్టంలోని 139(8ఏ) సెక్షన్ ప్రకారం అప్డేట్ చేసిన రిటర్నులను దాఖలు చేయాలని పన్ను చెల్లింపుదారులను ప్రోత్సహిస్తోంది. మొదటి దశలో, గుర్తించిన 63,000 రెస్టారెంట్లకు ఈ-మెయిళ్లు, సంక్షిప్త సందేశాల ద్వారా 2026 మార్చి 31 లోపు తమ రిటర్నులను అప్డేట్ చేయాలని కోరుతోంది.

***