പ്രധാനമന്ത്രി ശ്രീ നരേന്ദ്ര മോദി മാർച്ച് 8 ന് ഉച്ചയ്ക്ക് 12 മണിക്ക് ഡൽഹിയിൽ ₹33,500 കോടിയോളം രൂപയുടെ വിവിധ വികസന പദ്ധതികളുടെ ഉദ്ഘാടനവും തറക്കല്ലിടലും നിർവഹിക്കും. ചടങ്ങിൽ അദ്ദേഹം സദസ്സിനെ അഭിസംബോധന ചെയ്യും. പരിപാടിക്ക് മുമ്പ്, പ്രധാനമന്ത്രി സരോജിനി നഗറിലെ ജിപിആർഎ ടൈപ്പ്-5 ക്വാർട്ടേഴ്സുകൾ സന്ദർശിക്കുകയും, ക്വാർട്ടേഴ്സ് അനുവദിക്കപ്പെട്ട വനിതാ ​ഗുണഭോക്താക്കൾക്ക് താക്കോൽ കൈമാറുകയും ചെയ്യും.

ഏകദേശം ₹18,300 കോടി വിലമതിക്കുന്ന ഡൽഹി മെട്രോ പദ്ധതികളുടെ ഉദ്ഘാടനവും തറക്കല്ലിടലും പ്രധാനമന്ത്രി നിർവഹിക്കും. ഡൽഹി മെട്രോയുടെ രണ്ട് പുതിയ ഇടനാഴികൾ പ്രധാനമന്ത്രി ഉദ്ഘാടനം ചെയ്യും. ഇതിൽ ഏകദേശം 12.3 കിലോമീറ്റർ ദൈർഘ്യമുള്ള മജ്‌ലിസ് പാർക്ക്-മൗജ്പൂർ ബാബർപൂർ (പിങ്ക് ലൈൻ) ഇടനാഴിയും ഏകദേശം 9.9 കിലോമീറ്റർ ദൈർഘ്യമുള്ള ദീപാലി ചൗക്ക്-മജ്‌ലിസ് പാർക്ക് (മജന്ത ലൈൻ) ഇടനാഴിയും ഉൾപ്പെടുന്നു. ബുരാരി, ജഗത്പൂർ-വസീറാബാദ്, ഖജൂരി ഖാസ്, ഭജൻപുര, യമുന വിഹാർ, മധുബൻ ചൗക്ക്, ഹൈദർപൂർ ബദ്‌ലി മോർ, ഭലസ്വ, മജ്‌ലിസ് പാർക്ക് തുടങ്ങി ഡൽഹിയിലെ നിരവധി പ്രദേശങ്ങൾക്ക് പുതിയ കണക്റ്റിവിറ്റി പ്രയോജനപ്പെടും.

ഡൽഹി മെട്രോയുടെ ഘട്ടം V-A യിൽ 16.10 കിലോമീറ്റർ ദൈർഘ്യമുള്ള മൂന്ന് പുതിയ ഇടനാഴികൾക്കും പ്രധാനമന്ത്രി തറക്കല്ലിടും. ആർ.കെ. ആശ്രം മാർഗ് മുതൽ ഇന്ദ്രപ്രസ്ഥ വരെയും, എയ്‌റോസിറ്റി മുതൽ ഇന്ദിരാഗാന്ധി എയർപോർട്ട് ടെർമിനൽ -1 വരെയും, തുഗ്ലക്കാബാദ് മുതൽ കാളിന്ദി കുഞ്ച് വരെയുമാണ് ഇടനാഴികൾ. ഈ ഇടനാഴികൾ ദേശീയ തലസ്ഥാനത്തെ നിരവധി പ്രധാന സ്ഥലങ്ങളിലേക്ക് നേരിട്ട് കണക്റ്റിവിറ്റി നൽകുകയും നോയിഡ, സൗത്ത് ഡൽഹി, വിമാനത്താവളം എന്നിവയ്ക്കിടയിൽ യാത്ര ചെയ്യുന്ന താമസക്കാർക്ക് കണക്റ്റിവിറ്റി മെച്ചപ്പെടുത്തുകയും ചെയ്യും.

ജനറൽ പൂൾ റെസിഡൻഷ്യൽ അക്കോമഡേഷൻ (ജിപിആർഎ) പുനർവികസന പദ്ധതി പ്രകാരം ₹15,200 കോടി വിലമതിക്കുന്ന വിവിധ പദ്ധതികളുടെ ഉദ്ഘാടനവും തറക്കല്ലിടലും പ്രധാനമന്ത്രി നിർവഹിക്കും. സരോജിനി നഗർ, നേതാജി നഗർ, കസ്തൂർബ നഗർ, ശ്രീനിവാസ്പുരി തുടങ്ങിയ പ്രധാന സ്ഥലങ്ങളിലായി വ്യാപിച്ചുകിടക്കുന്ന ഈ പദ്ധതികൾ ജിപിആർഎ കോളനികൾ നവീകരിക്കുന്നതിനും ​ഗവൺമെന്റ് ജീവനക്കാർക്കും അഡ്മിനിസ്ട്രേറ്റീവ് ഓഫീസുകൾക്കും ലോകോത്തര അടിസ്ഥാന സൗകര്യങ്ങൾ സൃഷ്ടിക്കുന്നതിനുമുള്ള ​ഗവൺമെന്റിന്റെ അഭിലാഷ പരിപാടിയുടെ ഭാഗമാണ്. 

പൊതു ഖജനാവിന് ഭാരം വരുത്താതെ പുനർവികസനം നടപ്പിലാക്കുന്നുവെന്ന് ഉറപ്പാക്കുന്ന ഒരു നൂതന സ്വയം-സുസ്ഥിര സാമ്പത്തിക മാതൃകയിലൂടെയാണ് പദ്ധതികൾ പുനർവികസനം ചെയ്തിരിക്കുന്നത്. ഈ മാതൃകയിൽ, മുഴുവൻ പദ്ധതിക്കും ധനസഹായം നൽകുന്നതിനായി വാണിജ്യ, പാർപ്പിട സ്ഥലങ്ങൾക്കായി പദ്ധതി പ്രദേശത്തിന്റെ ഒരു പരിമിതമായ ഭാഗം ​ഗവൺമെന്റ് വികസിപ്പിക്കുകയും ധനസമ്പാദനം നടത്തുകയും ചെയ്യുന്നു. ഇതിൽ നിന്ന് ലഭിക്കുന്ന വരുമാനം ആധുനിക ​ഗവൺമെന്റ് ഭവനങ്ങളുടെ പുനർവികസനത്തിനും അടിസ്ഥാന സൗകര്യങ്ങൾക്കും പൊതു സൗകര്യങ്ങൾക്കും പിന്തുണ നൽകുന്നതിനുമായി ഉപയോഗിക്കുന്നു.

പുനർവികസന പദ്ധതി ​ഗവൺമെന്റ്

***

SK