প্রধানমন্ত্রীগী লোইশঙ
প্রধান মন্ত্রীনা মার্চ ৮ দা দিল্লিদা লুপা করোর ৩৩,৫০০ রোমগী তোঙান তোঙানবা চাউখৎ-থৌরাংগী প্রোজেকশিং শঙ্গাগনি অমসুং উরেপ-উয়ুং তমগনি
প্রধান মন্ত্রীনা দিল্লি মেত্রোগী মাজলিস পার্ক-মৌজপুর বাবরপুর (পিঙ্ক লাইন) অমসুং দিপালি চোক-মাজলিস পার্ক (মেজন্তা লাইন) কোরিদোরশিং শঙ্গগনি
প্রধান মন্ত্রীনা দিল্লি মেত্রোগী ফেজ-৫-এগী মখাদা অনৌবা কোরিদোর অহুমগী উরেপ-উয়ুং তমগনি
প্রধান মন্ত্রীনা জেনেরেল পুল রেসিদেন্সিএল একোমোদেসন (পি পি আর এ) রিদিবলপমেন্ত প্লানগী মখাদা তোঙান তোঙানবা প্রোজেকশিং শঙ্গাগনি অমসুং উরেপ-উয়ুং তমগনি
সরকারদা শেনগী পোৎলুম পুহন্দনা অনৌবা মশা-মরোমদোম শেন পুথোকচবা নমুনা অমগী মখাদা প্রোজেকশিং অমুক হন্না শেমগৎপনি
থাগৎখিবা:
06 MAR 2026 5:23PM by PIB Imphal
প্রধান মন্ত্রী শ্রী নরেন্দ্র মোদীনা মার্চ ৮ গী নুমিৎয়ুংবা পুং ১২ রোম তাবদা দিল্লিদা লুপা করোর ৩৩,৫০০ রোমগী তোঙান তোঙানবা চাউখৎ-থৌরাংগী প্রোজেকশিং শঙ্গাগনি অমসুং উরেপ-উয়ুং তমগনি। থৌরম অদুদা মহাক্না মীয়ামদা ৱা ঙাংগনি। থৌরম অদুগী মমাঙদা, প্রধান মন্ত্রীনা সারোজিনি নাগরদা লৈবা জি.পি.আর.এ তাইপ-৫ ক্বাতরশিংদা চৎকনি অঙমসুং য়ুম ফংলবা নুপীশিংদা শো খুৎশীন্নগনি।
প্রধান মন্ত্রীনা লুপা করোর ১৮,৩০০ রোমগী দিল্লি মেত্রো প্রোজেকশিং শঙ্গাগনি অমসুং উরেপ-উয়ুং তমগনি। প্রধান মন্ত্রীনা দিল্লি মেত্রোগী অনৌবা কোরিদোর অনি শঙ্গাগনি। মখোয়গী মনুংদা কিমি ১২.৩ রোমগী মাজলিস পার্ক-মৌজপুর বাবরপুর (পিঙ্ক লাইন) অমসুং কিমি ৯.৯ রোমগী দিপালি চোক-মাজলিস পার্ক (মেজন্তা লাইন) কোরিদোরশিং য়াওরি। অনৌবা শম্নবা অসিনা বুরারি, জগতপুর-ৱাজিরবাদ, খাজুরি খাস, ভাজনপুরা, যমুনা বিহার, মধুবন চোক, হাইদরপুর বাদলি, ভালাশ্বা, মাজিলিস পার্ক য়াওনা দিল্লিগী মফম কয়া কান্নবা পীগনি।
প্রধান মন্ত্রীনা দিল্লি মেত্রোগী ফেজ-৫-এগী মখাদা অনৌবা কোরিদোর অহুমগী উরেপ-উয়ুং তমগনি, মসিগী অপুনবা অশাংবনা চাউরাক্না কিমি ১৬.১০ রোমনি। অনৌবা কোরিদোর অহুম অদুদি আর.এক অশ্রাম মার্গতগী ইন্দ্রপ্রস্থা, এরোসিতিদগী ইন্দিরা গান্ধী এয়রপোর্ত তর্মিনেল-১ অমসুং তুঘলাকবাদতগী কালিন্দি কুঞ্জ ফাওবনি। হায়রিবা কোরিদোরশিং অসিনা লৈবাক অসিগী কোনুংদা তোঙান তোঙানবা মরুওইবা মফমশিং হকথেংননা শম্নহগনি অমসুং নোইদা, সাউথ দিল্লি অমসুং এয়রপোর্তকী মরক্ত মীয়াম চৎথোক-চৎশিনগী খুদোংচাবা হেনগৎহনগনি।
প্রধান মন্ত্রীনা লুপা করোর ১৫,২০০ রোমগী জেনেরেল পুল রেসিদেন্সিএল একোমোদেসন (পি পি আর এ) রিদিবলপমেন্ত প্লানগী মখাদা তোঙান তোঙানবা প্রোজেকশিং শঙ্গাগনি অমসুং উরেপ-উয়ুং তমগনি। সরোজিনি নাগর, নেতাজি নাগর, কস্তুরবা নাগর অমসুং শ্রীনিৱাসপুরিগুম্বা মরুওইবা মফমশিংদা লৈরিবা প্রোজেকশিং অসি জি.পি.আর.এ কোলোনিশিং মতমগা চুন্নবা শেমগৎনবা অমসুং সরকারগী থবক তৌবা মীওইশিংদা অমসুং সরকারগী ওফিসশিংদা মালেম থাক্কী ইনফ্রাষ্ট্রচর ফংহন্নবা সরকারগী অচৌবা থৌরম অমগী শরুক অমনি।
সরকারদা শেনগী পোৎলুম পুহন্দনা অনৌবা মশা-মরোমদোম শেন পুথোকচবা নমুনা অমগী মখাদা প্রোজেকশিং অমুক হন্না শেমগৎপনি। নমুনা অসিগী মখাদা, অপুনবা প্রোজেক্কী শেনফম পুথোক্নবগীদমক প্রোজেক অসিগী শরুক খর ললোন-ইতিক অমসুং য়ুম তানবা মফম ওইনা শীজিন্নদুনা সরকারনা প্রোজেক অসি পায়খৎপনি। মসিদগী ফংলকপা শেনফম অদুনা অনৌবা সরকারগী হাওশিং অমুক হন্না শেমগৎনবা, ইনফ্রাষ্ট্রকচর অমসুং মীয়ামগী মফমশিং শেমগৎনবা শীজিন্নরি।
অমুক হন্না শেমগৎপগী থৌরাং অসিনা ইসক্বার ফিত লাখ ৪৮ গী ওফিস স্পেস শেমগৎপগা লোয়ননা সরকারগী থবক তৌবা মীওইশিংদা অনৌবা ফ্লেত ৯,৩৫০ হেন্না পীনবা থৌরাং তৌরি, মসিনা শেন ফংনবা হোৎনবগা লোয়ননা লৈবাক ঙাকপগী থবক শিংথাবা য়ানা ফগৎহনগনি।
***
(রিলিজ আই.দি.: 2236130)
ভিজিতর কাউন্তর : 16
রিলিজ অসি মসিদা পাবীয়ু:
Odia
,
English
,
Urdu
,
Marathi
,
हिन्दी
,
Bengali
,
Bengali-TR
,
Assamese
,
Punjabi
,
Gujarati
,
Tamil
,
Telugu
,
Kannada
,
Malayalam