ખેલો ઇન્ડિયા ટ્રાઇબલ ગેમ્સની પ્રથમ આવૃત્તિ 26 માર્ચ થી 6 એપ્રિલ વચ્ચે છત્તીસગઢના ત્રણ શહેરો - રાયપુર, જગદલપુર અને સરગુજામાં યોજાશે. આ જાહેરાત ગુરુવારે કેન્દ્રીય યુવા બાબતો અને રમતગમત મંત્રી ડૉ. મનસુખ માંડવિયા દ્વારા કરવામાં આવી હતી.

આ રમતોમાં સાત મેડલ રમતો - એથ્લેટિક્સ, ફૂટબોલ, હોકી, વેઇટલિફ્ટિંગ, તીરંદાજી, સ્વિમિંગ અને કુસ્તીનો સમાવેશ થશે. બે ડેમોન્સ્ટ્રેશન રમતો - મલ્લખંભ અને કબડ્ડી રહેશે. KITG (ખેલો ઈન્ડિયા ટ્રાયબલ ગેમ્સ) માં ભારતના મોટાભાગના રાજ્યો અને કેન્દ્રશાસિત પ્રદેશોનું પ્રતિનિધિત્વ જોવા મળશે.

"ખેલો ઇન્ડિયા ટ્રાઇબલ ગેમ્સ એ અમારા વિસ્તરતા ફૂટપ્રિન્ટનો એક ભાગ છે જે રમત રમવા માંગતા દરેક યુવાનને તક અને અવકાશ આપે છે. તે 2024 સુધીમાં વિકસિત ભારતના પ્રધાનમંત્રી નરેન્દ્ર મોદીના વિઝનનો એક ભાગ છે અને તે સફરમાં રમતોની મોટી ભૂમિકા છે," એમ ડૉ. માંડવિયાએ જણાવ્યું હતું.

પ્રથમ ખેલો ઇન્ડિયા ટ્રાઇબલ ગેમ્સ (KITG) નો લોગો, થીમ સોંગ અને મેસ્કોટ 23 ડિસેમ્બરના રોજ બિલાસપુરના લેટ બી. આર. યાદવ સ્પોર્ટ્સ સ્ટેડિયમ ખાતે ઔપચારિક રીતે અનાવરણ કરવામાં આવ્યા હતા. આ લોન્ચિંગ સમારોહમાં છત્તીસગઢના મુખ્યમંત્રી શ્રી વિષ્ણુ દેવ સાય અને નાયબ મુખ્યમંત્રી શ્રી અરુણ સાવ ઉપસ્થિત રહ્યા હતા.

ડૉ. માંડવિયાએ ભાર મૂક્યો હતો કે કેવી રીતે રમતો આદિવાસી વિસ્તારોમાંથી ઉભરી રહેલા પ્રતિભા આધારને મજબૂત બનાવશે. "આદિવાસી પ્રદેશોમાંથી પ્રતિભા મેળવવી એ ચાવીરૂપ છે અને અમારા એથ્લેટ-બેઝનું સતત વિસ્તરણ કરવું એ સમયની માંગ છે. અમે સુનિશ્ચિત કરી રહ્યા છીએ કે આદિવાસી સમુદાયોના પ્રતિભાશાળી યુવાનોની વહેલી ઓળખ થાય, તેમને પદ્ધતિસરનું સમર્થન મળે અને તેમને રાષ્ટ્રીય રમતગમત માળખામાં એકીકૃત કરવામાં આવે," ડૉ. માંડવિયાએ ઉમેર્યું.

KITG 2026 નું સંચાલન સંયુક્ત રીતે યુવા બાબતો અને રમતગમત મંત્રાલય, સ્પોર્ટ્સ ઓથોરિટી ઓફ ઇન્ડિયા (SAI), ઇન્ડિયન ઓલિમ્પિક એસોસિએશન, નેશનલ સ્પોર્ટ્સ ફેડરેશન્સ અને છત્તીસગઢ રાજ્ય આયોજન સમિતિ દ્વારા કરવામાં આવશે, જેમાં આંતરરાષ્ટ્રીય સ્પર્ધાઓ સામે ટેકનિકલ ધોરણો નક્કી કરવામાં આવશે.

સત્તાવાર મેસ્કોટ ‘મોરવીર’ (Morveer) એક એવું નામ છે જે છત્તીસગઢના સાંસ્કૃતિક મૂલ્યોમાં ઊંડે સુધી જોડાયેલું છે. બે શક્તિશાળી શબ્દોમાંથી ઉતરી આવેલા — ‘મોર’ (Mor), જેનો અર્થ છત્તીસગઢીમાં મારો અથવા આપણો પોતાનો થાય છે, અને ‘વીર’ (Veer), જે હિંમત અને બહાદુરીનું પ્રતીક છે — મોરવીર ભારતના આદિવાસી સમુદાયોની ભાવના, ગૌરવ અને ઓળખનું પ્રતિનિધિત્વ કરે છે.

છત્તીસગઢ આ સીમાચિહ્નરૂપ રાષ્ટ્રીય ઇવેન્ટનું આયોજન કરનાર પ્રથમ રાજ્ય બની રહ્યું છે, જે ખાસ કરીને આદિવાસી એથ્લેટ્સ માટે સમર્પિત છે, જે આદિવાસી સશક્તિકરણ અને પાયાના સ્તરે સમાવેશના લક્ષ્ય સાથે ભારતના રમતગમતની સફરમાં એક મહત્વપૂર્ણ સીમાચિહ્નરૂપ છે.

ખેલો ઇન્ડિયા ટ્રાઇબલ ગેમ્સ એ 'ખેલો ઇન્ડિયા સ્કીમ' નો ભાગ છે, જે ભારત સરકારના યુવા બાબતો અને રમતગમત મંત્રાલયની એક મુખ્ય સેન્ટ્રલ સેક્ટર સ્કીમ છે, જેનો ઉદ્દેશ્ય સામૂહિક ભાગીદારી અને રમતગમતમાં શ્રેષ્ઠતાને પ્રોત્સાહન આપવાનો છે. ખેલો ઇન્ડિયા ગેમ્સને સ્પોર્ટ્સ બ્રોડકાસ્ટિંગ સિગ્નલ્સ એક્ટ, 2007 હેઠળ 2020 માં 'રાષ્ટ્રીય મહત્વની ઇવેન્ટ' તરીકે જાહેર કરવામાં આવી છે.

SM/BS/GP

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad  pibahmedabad1964[at]gmail[dot]com