প্রধানমন্ত্রীগী লোইশঙ
ৱার্ল্দ ৱাইল্দলাইফ দে লাকপদা লম্লক্কী শা-উচেকশিং ঙাক-শেন্নবা প্রধান মন্ত্রীনা অমুক হন্না থাজবা পীখ্রে; সংস্কৃত সুভাসিতম অমা সিয়ার তৌখ্রে
থাগৎখিবা:
03 MAR 2026 8:56AM by PIB Imphal
প্রধান মন্ত্রী শ্রী নরেন্দ্র মোদীনা হায়খি মদুদি ৱার্ল্দ ৱাইল্দলাইফ দে অসি ঐখোয়গী গ্রহ অসি হিংহল্লিবা অমসুং ঐখোয়গী মহৌশাগী অকোয়বগী ফিবমশিং তুংকোইনা লৈহল্লিবা মরুওইবা শা-উচেক মখলশিংগী হরাওবা ফোঙদোকপনি। মসি মীওই খুদিংমক লম্লক্কী শা-উচেকশিং ঙাক-শেন্নবগী মরুওইবা খঙহন্নবা নুমিৎ অমনি অমসুং ঙাক-শেন্নবা, তুংকোইনা চৎনবা য়াবা থবকশিং পাংথোক্নবা অমসুং মখোয়গী লৈফমশিং ঙাক-শেন্নবা ঐখোয়না অমুক হন্না ৱারেপ লৌগদবনি, মসিনা লম্লক্কী শা-উচেকশিং মখা তানা হিংবা ঙমগনি।
প্রধান মন্ত্রীনা হায়খি মদুদি মালেমগী অখন্ননবা লম্লক্কী শা-উচেকশিং খরগী লৈফম ওইবগীদমক ভারত মমিং চৎলি। মালেমগী অপুনবা কৈগী চাদা ৭০ হেন্না ভারত্ত লৈরি, মচি অমা খক পানবা রাইনো খ্বাইদগী য়াম্না লৈরি অমসুং এসিয়াতিক ইলিফেন্তশিং মশিং য়াম্না লৈরি। এসিয়াতিক লাইওনশিং মরাংকাইনা লৈবা মালেমগী অমতা ঙাইরবা মফম ভারতনি।
প্রধান মন্ত্রীনা হায়খি মদুদি লম্লক্কী শা-উচেকশিং ঙাক-শেন্নবা সরকারনা থবক কয়া পায়খৎলে। থবকশিংগী মনুংদা মরুপ ওইরিবা লৈবাকশিংদা খ্বাইদগী ফবা থবকশিং শরুক য়ামিন্ননবা অখন্নবা ফোরম অমা ওইনা ইন্তরনেসনেল বিগ কেত এল্লাইন্স লিংখৎলে। অতোপ্পা থবকশিংগী মনুংদা গ্রেত ইন্দিয়ান বুষ্টার্দ, ঘারিয়েল অমসুং য়োঙ ইকায়থিবী ঙাক-শেনবা অমসুং চিতাহশিং পুরকপা য়াওরি।
ভারতকী চৎনবীশিংগী মতাংদা, প্রধান মন্ত্রীনা হায়খি মদুদি থৱায় পানবা খুদিংমক্কী য়াইফনবা ঐখোয়গী অরিবা খুৎই লাইরিকশিংনা থৌনিজরি অমসুং ঙাক-শেনবগা লোয়ননা লম্লক্কী শা-উচেকশিংগী য়াইফনবা থবক পায়খৎনবা ইথিল পীরি। থৌরম অসিদা মহাক্না সংস্কৃত সুভাসিতম অমা শরুক য়াখি, মদুনা হায়রি-
“निर्वनो वध्यते व्याघ्रो निर्व्याघ्रं छिद्यते वनम्। तस्माद् व्याघ्रो वनं रक्षेद् वनं व्याघ्रं च पालयेत्॥”
সুভাসিতম অসিনা ফোঙদোক্লি মদুদি উমংশিং লৈত্রবদি, কৈশিং মুৎখিগনি; অমসুং কৈশিং লৈত্রবদি, উমংশিং কোকখিগনি। মরম অদুনা কৈনা উমং ঙাক্লি অমসুং উমংনা কৈ ঙাক্লি, মহৌশাগী অমনা অমগী মখা পোন্না হিংমিন্নবা অদু ফোঙদোক্লি।
এক্সতা পোষ্টশিংগী পরেং অমদা, প্রধান মন্ত্রীনা হায়খি;
“ৱার্ল্দ ৱাইল্দলাইফ দে অসি ঐখোয়গী গ্রহ অসি হিংহল্লিবা অমসুং ঐখোয়গী মহৌশাগী অকোয়বগী ফিবমশিং তুংকোইনা লৈহল্লিবা মরুওইবা শা-উচেক মখলশিংগী হরাওবা ফোঙদোকপনি। মসি মীওই খুদিংমক লম্লক্কী শা-উচেকশিং ঙাক-শেন্নবগী মরুওইবা খঙহন্নবা নুমিৎ অমনি অমসুং ঙাক-শেন্নবা, তুংকোইনা চৎনবা য়াবা থবকশিং পাংথোক্নবা অমসুং মখোয়গী লৈফমশিং ঙাক-শেন্নবা ঐখোয়না অমুক হন্না ৱারেপ লৌগদবনি, মসিনা লম্লক্কী শা-উচেকশিং মখা তানা হিংবা ঙমগনি”।
“মালেমগী অখন্ননবা লম্লক্কী শা-উচেকশিং খরগী লৈফম ওইবগীদমক ভারত মমিং চৎলি। মালেমগী অপুনবা কৈগী চাদা ৭০ হেন্না ভারত্ত লৈরি, মচি অমা খক পানবা রাইনো খ্বাইদগী য়াম্না লৈরি অমসুং এসিয়াতিক ইলিফেন্তশিং মশিং য়াম্না লৈরি। এসিয়াতিক লাইওনশিং মরাংকাইনা লৈবা মালেমগী অমতা ঙাইরবা মফম ভারতনি”।
“লম্লক্কী শা-উচেকশিং ঙাক-শেন্নবা এন.দি.এ সরকারনা থবক কয়া পায়খৎলে। থবকশিংগী মনুংদা মরুপ ওইরিবা লৈবাকশিংদা খ্বাইদগী ফবা থবকশিং শরুক য়ামিন্ননবা অখন্নবা ফোরম অমা ওইনা ইন্তরনেসনেল বিগ কেত এল্লাইন্স লিংখৎলে। অতোপ্পা থবকশিংগী মনুংদা গ্রেত ইন্দিয়ান বুষ্টার্দ, ঘারিয়েল অমসুং য়োঙ ইকায়থিবী ঙাক-শেনবা অমসুং চিতাহশিং পুরকপা য়াওরি”।
“आज World Wildlife Day है। हमारे शास्त्रों में सभी जीवों के कल्याण की कामना की गई है। उनसे हमें वन्यजीवों के संरक्षण के साथ-साथ उनके प्रति संवेदनशील होने की प्रेरणा भी मिलती है। उसका एक उदाहरण यह है…
निर्वनो वध्यते व्याघ्रो निर्व्याघ्रं छिद्यते वनम्।
तस्माद् व्याघ्रो वनं रक्षेद् वनं व्याघ्रं च पालयेत्॥”
***
(রিলিজ আই.দি.: 2235226)
ভিজিতর কাউন্তর : 38
রিলিজ অসি মসিদা পাবীয়ু:
English
,
Urdu
,
Marathi
,
हिन्दी
,
Assamese
,
Bengali
,
Bengali-TR
,
Punjabi
,
Gujarati
,
Tamil
,
Telugu
,
Kannada
,
Malayalam