প্রধানমন্ত্রীগী লোইশঙ
প্রধান মন্ত্রীনা সাউদি অরাবিয়াগী ক্রাউন প্রিন্স অমসুং প্রধান মন্ত্রীগা ৱারি শানখ্রে
থাগৎখিবা:
02 MAR 2026 7:50PM by PIB Imphal
প্রধান মন্ত্রী শ্রী নরেন্দ্র মোদীনা সাউদি অরাবিয়াগী ক্রাউন প্রিন্স অমসুং প্রধান মন্ত্রী, প্রিন্স মোহমদ বিন সলমানগা ৱারি শানখ্রে।
লুচিংবা অনিনা নোংচুপ এসিয়াদা ওইরক্লিবা ফিবম খন্নখি। হন্দক সাউদি অরাবিয়াদা খুৎ থারকখিবা অদুদা প্রধান মন্ত্রী মোদীনা য়াম্না কন্না য়ানিংদবা ফোঙদোকখি, মখোয়না লৈবাক অসিগী মনিংতম্বা অমসুং ঙমখৈগী অপুনবা শক্তমদা শিংনরে হায়না ফোঙদোকখি।
অথুবা মতমদা লমদম অসিদা শান্তি অমসুং তুংদু-লৈতাবা পুরকপা খ্বাইদগী মরুওইবনি হায়না লুচিংবা অনিমক্না য়ানরে।
অৱাবা ময়োক্নরিবা তাঞ্জা অসিদা সাউদি অরাবিয়াদা লৈরিবা ভারতমচাশিংদা মতেং পাংবা অমসুং অশোই-অঙাম থোক্তনবা চেকশিন-থৌরাং লৌখৎপগীদমক প্রধান মন্ত্রীনা নিংথৌ থাগৎপা ফোঙদোকখি।
প্রধান মন্ত্রীনা এক্সতা হায়খি;
“নোংচুপ এসিয়াদা ওইরক্লিবা ফিবমগী মতাংদা সাউদি অরাবিয়াগী ক্রাউন প্রিন্স অমসুং প্রধান মন্ত্রী, প্রিন্স মোহমদ বিন সলমানগা খন্নখ্রে। লৈবাক অসিগী মনিংতম্বা অমসুং ঙমখৈগী অপুনবা শক্তমদা শিংনদুনা হন্দক সাউদি অরাবিয়াদা খুৎ থারকখিবা অদু ভারতনা য়ানিংদবা ফোঙদোক্লি। অথুবা মতমদা লমদম অসিদা শান্তি অমসুং তুংদু-লৈতাবা পুরকপা খ্বাইদগী মরুওইবনি ঐখোয়না য়ানরে। অৱাবা ময়োক্নরিবা তাঞ্জা অসিদা ভারতমচাশিংদা মতেং পাংবা অমসুং অশোই-অঙাম থোক্তনবা চেকশিন-থৌরাং লৌখৎপগীদমক ঐনা মহাক থাগৎপা ফোঙদোক্লি”।
***
(রিলিজ আই.দি.: 2234756)
ভিজিতর কাউন্তর : 5