প্রধান মন্ত্রী শ্রী নরেন্দ্র মোদীনা ২০২৬গী মার্চ ১দা তামিল নাদু অমসুং পুদুচেরীদা চৎকনি। মহাক্কী রাজস্থান অমসুং গুজরাত খোঙচৎ মতুংদা প্রধান মন্ত্রী ফেব্রুৱারী ২৮গী নুমিদাং পুং ৯ রোম তাবদা চেন্নাইদা থুংলগনি।

মার্চ ১গী অয়ুক পুং ১১.৪৫ রোম তাবদা, প্রধান মন্ত্রীনা পুদুচেরীদা লুপা করোর ২,৭০০ হেনবগী তোঙান তোঙানবা চাউখৎ-থৌরাংগী প্রোজেক্তশিং শঙ্গাগনি, লৈবাক মীয়ামদা কত্থোক্লগনি অমসুং উরেপ উয়ুংসু তমগনি। থৌরম অসিদা মহাক্না মীয়ামদা ৱা ঙাংগনি।

মদুগী মতুংদা মহাক্না মদুরাইদা চৎকনি, মফম অদুদা নুংথিলগী পুং ৩ রোম তাবদা মহাক্না লুপা করোর ৪,৪০০ হেনবগী ইনফ্রাস্ত্রকচর প্রোজেক্তশিং শঙ্গাগনি অমসুং উরেপ উয়ুং তমগনি। থৌরম অসিদা মহাক্না মীয়ামদা ৱা ঙাংগনি। নুংথিল পুং ৪ রোম তাবদা, প্রধান মন্ত্রীনা  মদুরাইগী তিরুপ্পরনকুন্দ্রমদা লৈবা অরুলমিগু সুব্রামনিয়াস্বামী মন্দিরদা দর্শন অমসুং পুজা পাংথোক্কনি।

পুদুচেরীদা পি.এম.

প্রধান মন্ত্রীনা পুদুচেরীদা ইনফ্রাস্ত্রকচর, অর্বান সর্ভিসশিং, ইন্দস্ত্রীএল দিবেলপমেন্ত, এজুকেসন, হেল্থকেয়র অমসুং সস্তেনেবল গ্রোথ মপাঙ্গল কনখৎহন্নবা পান্দম থম্লিবা প্রোজেক্ত কয়া শঙ্গাগনি, লৈবাক মীয়ামদা কত্থোক্কনি অমসুং উরেপ উয়ুং তমগনি।

প্রধান মন্ত্রীনা পি.এম. ই-বস সেবা ইনিসিয়েতিবকী মখাদা ই-বসশিং লমথাবা, স্মার্ত সিতী মিসনগী মখাদা ইন্তিগ্রেতেদ কমান্দ অমসুং কন্ত্রোল সেন্তর, সিতী ইনভেস্তমেন্ত তু ইন্নোবেৎ, ইন্তিগ্রেতেৎ এন্দ সস্তাইন (সি.আই.তি.আই.এস.) ইনিসিয়েতিবকী মখাদা শেন্মিৎলোনগী ওইনা শোত্থরবা সেক্তরশিংগীদমক তেন্তমেন্তশিং, অমসুং পুদুচেরী সরকারগী মরুওইবা সিৱরেজ অমসুং ঈশিং সপ্লাই সেক্তর প্রোজেক্তশিং য়াওনা মরুওইবা ইনিসিয়েতিব কয়া অমসু হৌদোক্কনি। মহাক্না কম্পোজিৎ ইঞ্জিনীয়রিং ব্লোক-দা. এ.পি.জে. অব্দুল কালাম ব্লোক অমুসং নেস্নেল ইন্সতিত্যুৎ ওফ তেক্নোলোজী, কারাইকলগী গঙ্গা হোস্তেল শঙ্গাগনি; জি.আই.পি.এম.ই.আর.দা রিজনেল কেন্সর সেন্তর; অমসুং পোন্দিচেরী য়ুনিভর্সিতীগী অনৌবা এনেক্স বিলদিংশিং, লেকচর হোলশিং অমসুং হোস্তেলশিং মোদর্নাইজেসন তৌগনি মসিনা লমদম অসিদা হায়র এজুকেসন অমসুং হেল্থকেয়র ইনফ্রাস্ত্রকচর হেন্না মপাঙ্গল কনখৎহল্লগনি।

ফার্মা পার্ক, তেক্সতাইল পার্ক, আই.তি. পার্ক, আই.আই.তি. মাদ্রাসকী স্তেৎ-ওফ-দি-আর্ত রিসর্চ অমসুং দিবেলপমেন্ত সেন্তর অমসুং জি.আই.পি.এম.ই.আর.গী এদভান্স হেল্থকেয়র ফেসিলিতীশিং য়াওবা একর ৭৫০গী কারাসুর-সেদরপেৎ ইন্দস্ত্রীএল ইস্তেত অসি প্রধান মন্ত্রীনা লৈবাক মীয়ামদা কত্থোক্কনি। মসিনা লমদম অসিদা ইন্দস্ত্রীগী চাউখৎপা অমসুং থবক ফংহনবদা চাউনা মতেং ওইরগনি।

প্রধান মন্ত্রীনা পুদুচেরী লমদমগী মীয়ামগীদমক থক্নবা ঈশিং অমসুং অফবা ঈশিং ফংহন্নবা ঈশিং সপ্লাই প্রোজেক্তশিংগী উরেপ উয়ুংসু তমগনি। মহাক্না প্রধান মন্ত্রী গ্রাম সরক য়োজনা (পি.এম.জি.এস.ৱাই.) গী মখাদা খুঙ্গংগী লম্বী ৪১ শাবগী, পুদুচেরীদা হেরিতেজ তাউন শেমগৎপা, এম.আই.ঐচ.তি.আই. (মেনগ্রোভ ইনিসিয়েতিব ফোর শোরলাইন হেবিতেৎ এন্দ তেঞ্জিবেল ইনকম) স্কিমগী মখাদা মেনগ্রোভ রিস্ত্রোরেসন, ঈশিং সপ্লাই অমসুং সেনিতেসন সেক্তরশিংদা প্রোজেক্তশিং, রিভেম্প দিস্ত্রিব্যুসন সেক্তর স্কিম (আর.দি.এস.এস.) গী মখাদা পাৱর সেক্তরগী প্রোজেক্তশিংগীদমক উরেপ উয়ুংসু তমগনি।

প্রধান মন্ত্রীনা অর্বান রোদশিং, দ্রেনেজ নেতৱার্কশিং, পব্লিক বিল্দিংশিং, মহৈরোইশিংগী হোস্তেলশিং অমসুং স্পোর্তস ফেসিলিতীশিং য়াওনা স্পেসিএল এসিস্তেন্স তু স্তেৎস ফোর কেপিতেল ইনভেস্তমেন্ত (এস.এ.এস.সি.আই.) স্কিমগী মখাদা মরুওইবা সেক্তরশিংগী তোঙান তোঙানবা প্রোজেক্তশিংগী উরেপ উয়ুংসু তমগনি। ভারত সরকারনা পুদুচেরীবু এস.এ.এস.সি.আই. স্কিমগী মখাদা য়াওহনবদা অয়াবা পীখ্রে। মসি হৌরকপদা রাজ্যশিং খক্তদা য়ুম্ফম ওইরম্মি। মসিনা ইনফ্রাস্ত্রকচর অমসুং মীয়ামগী শীজিন্ননবা কমন য়ুতিলিতীশিং ফগৎহন্নবগীদমক কেপিতেল এসেৎ শেমগৎপগী থবক পায়খৎপদা অয়াবা পীখ্রে।

মদুরাইদা পি.এম.

প্রধান মন্ত্রীনা মদুরাইদা লুপা করোর ৪,৪০০ হেনবগী ইনফ্রাস্ত্রকচর প্রোজেক্তশিং শঙ্গাগনি, উরেপ-উয়ুং তমগনি অমসুং লৈবাক মীয়ামদা কত্থোক্কনি। মসিগী পান্দমদি কনেক্তিবিতী হেনগৎহনবা, মোবিলিতী ফগৎহনবা অমসুং রিজনেল ইকোনোমিক দিবেলপমেন্ত খোঙজেল য়াংখৎহনবনি। থৌরম অসিদা মহাক্না মীয়ামদা ৱা ঙাংগনি।

প্রধান মন্ত্রীনা এনঐচ-৩৩২এগী মরকন্নম অমসুং পুদুচেরী সেক্সন অমসুং এনঐচ-৮৭গী পরমকুদী অমসুং রামনাথপুরম সেক্সনগী মরক্তা লেন মরি শেম্নবা উরেপ উয়ুং তমগনি। মরকন্নম অমসুং পুদুচেরী সেক্সনগী লেন মরি ওনবগী থৌওং অসিনা পুদুচেরীগী অর্বান এরিয়াশিংদা ত্রাফিক জামগী চাং হন্থহল্লগনি। চৎথোক-চৎশিন তৌবগী মতম অসি চাউরাক্না ৫০% হন্থহল্লগনি। প্রোজেক্ত অসিনা মরুওইবা নেস্নেল হায়ৱে অমসুং স্তেত হায়ৱেশিংগী মরক্তা কন্নেক্তিবিতী লৈহল্লগনি। মমল্লাপুরম (মহাবলীপুরম), কালপক্কম এতোমিক পাৱর স্তেসন অমসুং ঔরোভিলগুম্বা মরুওইবা মফমশিংদা চঙবা হেনগৎহল্লগনি। কোস্তেল খুঙ্গংশিং অমসুং ভিলুপপুরম দিস্ত্রিক্ত হেদক্বার্তরগী মরক্তা শম্নবা হেনগৎহল্লগনি অমসুং লমদম অসিদা তুরিজম অমসুং শেন্মিৎলোনগী থবক থৌরমশিং হেনগৎহল্লগনি।

এন.ঐচ.-৮৭গী পরমকুদী রামনাথপুরম সেক্সনগী লেন মরিদা ওনখৎপা অসিনা মদুরাই, রামেশ্বরম অমসুং ধানুশকোদী য়াওনা মরুওইবা ধর্মগী মফমশিংদা হেন্না থুনা চৎপা ঙম্লগনি। প্রোজেক্ত অসিনা চৎথোক-চৎশিন তৌবগী মতম অসি পুং অমা ওইরম্বদগী চাউরাক্না মিনিত ৩৫দা চাউরাক্না ৪০% হন্থহল্লগনি। মসিনা মদুরাই অমসুং রামেশ্বরমদা লৈবা মরুওইবা রেলৱে স্তেসনশিং, মদুরাই অমসুং আই.এন.এস. পারুন্দুদা লৈবা এয়রপোর্তশিং অমসুং পাম্বন অমসুং রামেশ্বরমদা লৈবা মরুওইবা পোর্তশিং শম্নহন্দুনা মল্তি-মোদেল কন্নেক্তিবিতী হেননগৎহল্লগনি। পি.এম. গতী শক্তিগী ৱাখল্লোনগা লোয়ননা, কোরিদোর অসিনা মরুওইবা ইকোনোমিক নোদশিং য়াওনা ফিসিং ক্লস্তরশিং, স্পিসিএল ইকোনোমিক জোন, মেগা ফুদ পার্ক অমসুং তেক্সতাইল ক্লস্তরশিং নপুনশিন্নগনি। মসিনা লমদম অসিদা ললোন-ইতিক, ইন্দস্ত্রী অমসুং সোসিও-ইকোনোমিক দিবেলপমেন্ত হেনগৎহল্লগনি।

প্রধান মন্ত্রীনা রাজ্য অসিদা ওপরেস্নেল ইফিসিএন্সী ফগৎহন্দুনা অমসুং রেলদা য়ুম্ফম ওইবা কন্নেক্তিবিতী মপাঙ্গল কনখৎহন্দুনা পেসেঞ্জরদা খুদোচাবা চাবা পীবা হেনগৎহন্নবা পান্দম থমদুনা নেস্নেল রেল ইনফ্রাস্ত্রকচর প্রোজেক্তশিং শঙ্গানি অমসুং লৈবাক মীয়ামদা কত্থোক্কনি।

প্রধান মন্ত্রীনা অমৃত ভারত স্তেসন স্কিমগী মখাদা নৌনা শেমগৎলবা রেলৱে স্তেসন ৮ শঙ্গাগনি। নৌনা শেমগৎলবা রেলৱে স্তেসনশিং অদুদি তামিল নাদুগী মোরাপুর, বোম্মিদি, শ্রীভিল্লিপুতুর, শোলাবন্দন, মানাপারাই, পোলাচী জঙ্কসন, কারাইকুকুদি জঙ্কসন, তিরুভরুর জঙ্কসননি। মসিগী স্তেসনশিং অসি অনৌবা পেসেঞ্জর-সেন্ত্রিক ওইবা খুদোংচাবশিংগা লোইননা অপগ্রেদ তৌখ্রে। মসিগী মনুংদা লোকেল আর্কিতেকচরেল ইলিমেন্তশিং অমসুং কলচরেল এস্থেতিক্স য়াওরি। মসিগী মনুংদা হেন্না ফবা এক্সেসিবিলিতী, এপ্রুভ তৌরবা স্তেসন বিল্দিংশিং, মোদর্ন ৱেতিং হোলশিং, লিফ্তশিং অমসুং এস্কেলেতরশিং, অপগ্রেদ তৌরবা প্লেৎফোর্মশিং অমসুং দিব্যাঞ্জন-ফ্রেন্দলী ফেসিলিতীশিং য়াওরি।

প্রধান মন্ত্রীনা চেন্নাই বীচ-চেন্নাই ইগমোর ৪শুবা লাইনসু লৈবাক মীয়ামদা কত্থোক্কনি। রেল লাইন অসিনা চেন্নাই সবঅর্বান রেল নেৎৱার্ক্কী ওপরেস্নেল ইফিসিএন্সীদা অহেনবা পেসেঞ্জর অমসুং ফ্রেৎ ত্রেন সর্ভিসশিং ফংহন্দুনা অমসুং নুমিৎ খুদিংগী চৎথোক-চৎশিন তৌরিবা মীওই লাখ কয়া, ওফিস চৎপা মীওইশিং, আই.তি. প্রোফেস্নেলশিং, মহৈরোয়শিং অমসুং ললোন-ইতিক তৌরিবশিং য়াওনা কান্নবা ফংহল্লগনি।

তামিল নাদুদা ব্রোদকাস্তিং সর্ভিসশিং হেন্না মপাঙ্গল কনখৎহন্নবা, প্রধান মন্ত্রীনা কুম্বকোনম, য়রকদ অমসুং ভেল্লোরদা অনৌবা আকাশবানী এফ.এম. রিলে ত্রান্সমিতর অহুম শঙ্গাগনি। হায়রিবা ত্রান্সমিতরশিং অসিনা রিজনেল কভরেজ পাকথোক চাউথোকহল্লগনি, এফ.এম. ব্রোদকাস্তিং লেপ্পা লৈতনা পাংথোকহল্লগনি অমসুং রাজ্য অসিগী জিলা কয়াদা পব্লিক ব্রোদকাস্তিং সর্ভিসশিং ফংহল্লগনি।

***