প্রধানমন্ত্রীগী লোইশঙ
প্রধান মন্ত্রী শ্রী নরেন্দ্র মোদীনা মদুরাইগী তিরুপ্পরনকুন্দ্রমদা লৈবা অরুলমিগু সুব্রমনিয়াস্বামী মন্দিরদা থৌনিখ্রে
থাগৎখিবা:
01 MAR 2026 7:36PM by PIB Imphal
প্রধান মন্ত্রী শ্রী নরেন্দ্র মোদীনা ঙসি মদুরাইগী তিরুপ্পরনকুন্দ্রমদা লৈবা অরুলমিগু সুব্রমনিয়াস্বামী মন্দিরদা চৎখ্রে অমসুং মফম অদুদা লাই খুরুমখ্রে।
শেংকবা লাইশঙ অদুদা চৎখিবা মহাক্কী খোঙচৎ অদুদা, প্রধান মন্ত্রীনা লৈবাক মীয়াম পুম্নমক্কী শান্তি, চাউখৎপা অমসুং নুংঙাই-য়াইফবা ওইনবগীদমক য়াইফ-মঙ্গোল নীজখি। প্রধান মন্ত্রীনা আশা তৌখি মদুদি ভগৱান মুরুগননা মখা তানা ঐখোয়বু শক্তি, থৌনা অমসুং লৌশিংগা লোয়ননা লমজিংবীগনি।
প্রধান মন্ত্রীনা মহাক্কী ৱাখল্লোনশিং অসি "ভেত্রিবেল মুরুগনুককু অরোগরা!" হায়না শোল্লদুনা ফোংদোকখি।
প্রধান মন্ত্রীনা Xতা শেয়র তৌখি:
“ভেত্রিবেল মুরুগনুককু অরোগরা! অরুলমিগু সুব্রামনিয়াস্বামী মন্দির, তিরুপ্পরনকুন্দ্রম, মদুরাইদা লাই খুরুমজখি। পুম্নমক্কী শান্তি, চাউখৎপা অমসুং নুংঙাই-য়াইফবা ওইনবগীদমক য়াইফ-মঙ্গোল নীজখি। ভগৱান মুরুগননা ঐখোয়বু মতম পুম্নমক্তা শক্তি, থৌনা অমসুং লৌশিংগা লোয়ননা লমজিংবিয়ু।”
***
(রিলিজ আই.দি.: 2234348)
ভিজিতর কাউন্তর : 4