শক্তি আৰু সুলভতাৰ ওপৰত গুৰুত্ব আৰোপ কৰা এ আই ইমপেক্ট কেছবুকখন ইণ্ডিয়া এ আই ইমপেক্ট ছামিট ২০২৬ত মুকলি কৰা হয়। এই কেছবুকে বহনক্ষম আৰু সৰ্বাংগীন উন্নয়নৰ বাবে কৃত্ৰিম বুদ্ধিমত্তা (এআই)ৰ ব্যৱহাৰৰ গোলকীয় অভিজ্ঞতাসমূহ একত্ৰিত কৰিছে।

এই কেছবুকসমূহ চৰকাৰী মন্ত্ৰালয়, আন্তঃৰাষ্ট্ৰীয় সংস্থা, গৱেষণা সংস্থা আৰু ফাউণ্ডেশ্যনৰ সহযোগত প্ৰস্তুত কৰা হৈছিল। বিভিন্ন দেশৰ নীতি নিৰ্ধাৰক আৰু ব্যৱহাৰকাৰীসকলৰ বাবে দীৰ্ঘম্যাদী জ্ঞানৰ ভঁৰাল হিচাপে কাম কৰিবলৈ এইবোৰ ডিজাইন কৰা হৈছে।

আন্তঃৰাষ্ট্ৰীয় শক্তি সংস্থা (আই ই এ)ৰ সৈতে অংশীদাৰিত্বৰে প্ৰস্তুত কৰা শক্তি সংক্ষিপ্তকৰণে শক্তি পৰিৱৰ্তনত এ আইৰ দ্বৈত ভূমিকাক উজ্জ্বল কৰি তুলিছে। এফালে কম্পিউটাৰৰ প্ৰয়োজনীয়তা বৃদ্ধি পোৱাৰ বাবে এ আয়ে বিদ্যুতৰ চাহিদা বৃদ্ধি কৰিছে। আনহাতে, ই শক্তি ব্যৱস্থাৰ কাৰ্যক্ষমতা উন্নত কৰাত সহায় কৰিছে। এই সংক্ষিপ্তকৰণে গ্ৰীড অনুকূলন, নবীকৰণযোগ্য শক্তি সংহতি, ডাটা চেণ্টাৰৰ দক্ষতা আৰু জলবায়ুৰ প্ৰতিশ্ৰুতিৰ সৈতে বৃদ্ধি পোৱা গণনাৰ প্ৰয়োজনীয়তাক ভাৰসাম্য ৰক্ষা কৰা উদীয়মান সমাধানসমূহৰ ব্যৱহাৰৰ ক্ষেত্ৰসমূহ নথিভুক্ত কৰে।

অভিগম্যতাৰ পৰিসৰে সহায়ক যন্ত্ৰ, আগতীয়া নিদান, অভিযোজিত শিক্ষণ, উন্নত কৃত্ৰিম অংগ আৰু মানসিক স্বাস্থ্য সমৰ্থনত এ আই-নেতৃত্বাধীন হস্তক্ষেপ প্ৰদৰ্শন কৰে। ইয়াৰ উপৰি ই গোপনীয়তা সুৰক্ষা, নৈতিক নিযুক্তি আৰু সাংস্কৃতিকভাৱে সংহত উদ্ভাৱনৰ প্ৰয়োজনীয়তাৰ ওপৰত গুৰুত্ব আৰোপ কৰে।

উন্মোচনী অনুষ্ঠানত ভাষণ দি এন আই চিৰ সঞ্চালকপ্ৰধান, মেইটীৰ অতিৰিক্ত সচিব তথা ইণ্ডিয়া এ আইৰ চিইঅ’ শ্ৰী অভিষেক সিঙে কয় যে শীৰ্ষ সন্মিলনৰ পূৰ্বে আলোচনাৰ এটা মূল ফলাফল হৈছে অগ্ৰাধিকাৰ ক্ষেত্ৰসমূহত এ আইৰ ব্যৱহাৰৰ ক্ষেত্ৰ, উত্তম পদ্ধতি আৰু গোলকীয় অধ্যয়ন সংগ্ৰহ কৰাৰ প্ৰয়োজনীয়তা। তেওঁ কয় যে এই সংকলনে বিশেষকৈ গোলকীয় দক্ষিণৰ দেশসমূহৰ বাবে এক গাইডবুক হিচাপে কাম কৰিব, য’ত বহুতো উন্নয়নমূলক প্ৰত্যাহ্বান সাদৃশ্যপূৰ্ণ। তেওঁ লগতে কয় যে এই জ্ঞান সংগ্ৰহে চৰকাৰ আৰু উদ্ভাৱকসকলক সফল সমাধানৰ প্ৰতিলিপি, ষ্টাৰ্টআপৰ সৈতে সংযোগ স্থাপন আৰু ফলপ্ৰসূ হস্তক্ষেপ বৃদ্ধি কৰাত সহায় কৰিব।

আই ই এৰ মুখ্য শক্তি অৰ্থনীতিবিদৰ কাৰ্যালয়ৰ ৱৰ্ল্ড এনাৰ্জী আউটলুকৰ শ্ৰী সিদ্ধাৰ্থ সিঙে কয় যে এ আইৰ দ্বাৰা সৃষ্টি হোৱা শক্তিৰ চাহিদাৰ ওপৰত বহু মনোযোগ দিয়া হৈছে যদিও শক্তি খণ্ডত এ আইৰ ইতিবাচক প্ৰভাৱ পৰাটোও সমানেই গুৰুত্বপূৰ্ণ। তেওঁ আশা প্ৰকাশ কৰে যে এই পদক্ষেপে অৰ্থনীতি আৰু সমাজক উপকৃত কৰা এ আইৰ উৎপাদনশীল ব্যৱহাৰত অধিক গুৰুত্ব দিব।

এই অনুষ্ঠানত শক্তি মন্ত্ৰালয়ৰ অতিৰিক্ত সচিব শ্ৰী পীয়ুষ সিং; নতুন আৰু নবীকৰণযোগ্য শক্তি মন্ত্ৰালয়ৰ সচিব শ্ৰী সন্তোষ কুমাৰ সাৰংগী; আলিমকোৰ অধ্যক্ষ তথা পৰিচালন সঞ্চালক শ্ৰী প্ৰবীণ কুমাৰ আৰু ৰাষ্ট্ৰীয় সেউজ হাইড্ৰজেন মিছনৰ মিছন সঞ্চালক ড০ অভয় বাক্ৰে উপস্থিত আছিল।

এই কেছবুকসমূহৰ লক্ষ্য হৈছে দেশৰ ভিতৰত শিক্ষণ ব্যৱস্থাক সমৰ্থন কৰা, প্ৰমাণিত আৰ্হিৰ প্ৰতিলিপিকৰণৰ সুবিধা প্ৰদান কৰা আৰু জলবায়ুৰ বিষয়ক কাৰ্য আৰু সামাজিক অন্তৰ্ভুক্তিৰ সৈতে জড়িত ক্ষেত্ৰসমূহত এ আইৰ ব্যৱহাৰৰ বাবে প্ৰমাণৰ ভিত্তি শক্তিশালী কৰা।

*****

Mahesh Kumar/Pawan Faujdar/ Navin Sreejith/ Ritu Raj/KD