ইজ্রেলগী মহাক্কী খোঙচত্তা প্রধান মন্ত্রী শ্রী নরেন্দ্র মোদীনা ইজ্রেলগী প্রাইম মিনিস্তর হিজ এক্সেলেন্সী মিস্তর বেঞ্জামিন নাতনয়াহুগা ফেব্রুৱারী ২৬, ২০২৬ তা জেরুসলেমদা ওফিসিএল ওইনা ৱারী শানখ্রে।

প্রাইম মিনিস্তর অনিনা ইন্দিয়া-ইজ্রেল পার্ত্নরসিপকী মায়কৈ পুম্বা কোনশিন্দুনা মপুং ফানা খন্ন-নৈনখি। লৈবাক অনিগী মরক্তা লৈনরিবা অচেৎপা থাজনবা অমদি মরুপ মপাং ওইবগী মরীগী মমি উত্তুনা লুচিংবা অনিনা নাকল অনিগী মরীবু “স্পিসিএল স্ত্রেতেজিক পার্ত্নরসিপ ফোর পীস, ইনোভেসন এন্দ প্রোস্পেরিতী” গী থাক্তা থাঙ্গৎনবা ফিরেপ লৌখি। থাক ৱাংখৎহনখিবা অসি লৈবাক অনিগী মরক্তা শাফবা অমদি নুংঙাই য়াইফবা তুংলমচৎ অমগী ইন্তরেস্ত অমদি মান্নবা মঙলান পুনশিল্লকপগী খুদম ওইরি।

লুচিংবা অনিনা লম খুদিংদা নাকল অনিগী তেংবাংনবগী মরীদা লৈরিবা খোঙজেলদা অপেনবা ফোঙদোক্নখি অমদি ত্রেদ অমদি ইনভেস্তমেন্ত, দিফেন্স অমদি সিক্যুরিতী, স্পেস, ইনর্জী, ক্রিতিকেল তেক্নোলোজী, সাইবর সিক্যুরিতী, এজুকেসন, সাইন্তিফিক রিছর্চ অমদি ইনোভেসনগী খুৎশম্ননা চৎমিন্নবা মখা তানা পাকথোক চাউথোকহন্নবা য়ানখি। মখোয়না লৌউ-শিংউ, ঈশিং শিন-লাংবা, স্তার্ত-অপ, ফিনতেক, দিজিতেল হেল্থকেয়র, বাইওতেক্নোলোজী অমদি এদভান্স ফার্মাগী লমদা ইন্দিয়া-ইজ্রেল পার্ত্নরসিপকী অওনবা পুরক্কদবা মতিংশিংগী মতাঙদা মরুওইবা মীৎয়েঙ থমখি। লুচিংবা অনিনা মীগা মীগগী মরক্তা লৈনরিবা মরীদা অহেনবা ইনোৎ হাপকদবা মোবিলিতী পার্ত্নরসিপ হেন্না পাকথোক চাউথোকহন্নবা অনৌবা থৌশিলশিং তরাম্না ওকখি। হৌদোক্লিবা ফ্রী ত্রেদ এগ্রীমেন্ত অসি অথুবা মতমদা ৱারোইশিন পুরক্নবা ৱাফম ফোঙদোক্লদুনা, বাইলেতরেল ইনভেস্তমেন্ত ত্রীতী, ইন্দিয়া-ইজ্রেল ইনোভেসব ব্রিদ্জ, ইন্দিয়া-ইজ্রেল ইনোভেসন সেন্তর ফোর এগ্রিকলচর অমদি ইন্দিয়া-ইজ্রেল ইন্দস্ত্রিএল আর&দি এন্দ ইনোভেসন ফন্দনা লৈবাক অনিগী মরক্তা শেন্মিৎলোন, ওন্ত্রপ্রিন্যুর অমদি সাইন্তিফিক ওইবা লমশিংদা খুৎশম্ননা চৎমিন্নবা হেনগৎহনগনি হায়বা ৱাফম মখোয়না ফোঙদোক্নখি। মখোয়না এ.আই., সেমিকন্দক্তর, ক্বান্তম অমদি অতৈ কত্তিং-ইদ্জ তেক্নোলোজীশিংগী লমদা হেন্না চাউনা খুৎশম্নদুনা ভারতকী হৈ-শিংলবা শিন্মীশিং অমদি ইজ্রেলগী ইনোভেসন পুনশিন্ননবা ৱাফম থম্নখি।

লুচিংবা অনিনা নাকল অনিগী খুদোংচাগদবা রিজনেল অমদি মালেমগী ওইবা ৱাফমশিং খন্নখি। প্রধান মন্ত্রীনা গাজা পীস প্লান্দা শৌগৎপগী ৱাফম ফোঙদোকখি অমদি থৌশিল অসিনা লমদম অসিদা ইং-তপ্পা অমদি মরা চেৎপা ফীভম পুরক্কনি হায়বগী থাজবা ফোঙদোকখি। লুচিংবা অনিনা IMEC অমদি I2U2 থৌশিলশিংদা লৈবাক অনিগী মরক্তা হেন্না নক্ননা মতেঙ পাংননবা ৱাফম থম্নখি। মখোয়না তেরোরিজমগী মায়োক্তা মালেম্না লান্থেংনরিবা অসি মপাঙ্গল কনখৎহন্নবা ফিরেপসু ফোঙদোক্নখি। প্রধান মন্ত্রীনা প্রাইম মিনিস্তর নেতনয়াহুবু ভারতনা তেরোরিজমগী মায়োক্তা লান্থেংনরিবা অসিদা ঙাক্লৌ পীরকবগীদমক থাগৎপা ফোঙদোকখি।

ৱারী শানখিবা অদুগী তুংদা, য়ানচে অমদি মেমোরেমদম ওফ অন্দরস্তেন্দিং কয়া খুৎয়েক পীনখি (লিঙ্ক)। লৈবাক্কী থাক্কী খোঙচৎ অদুদা নাকল অনিগী খোঙবু ওইবগী মরীগী তুংগী খোঙথাং তাকপা অপুনবা ৱারোল অমসু য়ানখি (লিঙ্ক)।

প্রধান মন্ত্রীনা প্রাইম মিনিস্তর নেতনয়াহুবু মহাক্কী তরাম তরাম্বা মীওক মীচানগীদমক থাগৎপা ফোঙদোকখি।

***