প্রধানমন্ত্রীগী লোইশঙ
প্রধান মন্ত্রীনা ভুতানগী প্রধান মন্ত্রী উনখ্রে
থাগৎখিবা:
18 FEB 2026 7:12PM by PIB Imphal
প্রধান মন্ত্রী শ্রী নরেন্দ্র মোদীনা ইন্দিয়া-এ.আই ইম্পেক সম্মিৎ ২০২৬ শরুক য়ানবা ভারতকী খোঙচত্ত লৈরিবা ভুতানগী প্রধান মন্ত্রী সেরিং তোবগে উনখ্রে।
উনবা অদুদা, নবেম্বর ২০২৫ দা পাংথোকখিবা প্রধান মন্ত্রী শ্রী নরেন্দ্র মোদীগী মাইপাক্লবা ভুতান খোঙচৎকী ফল ওইনা তোঙান তোঙানবা হিরমশিংদা মতেং পাংনবগী ফিবম ফগৎলকপা অদু লুচিংবা অনিন হন্না য়েংশিনখি। ভুতানগী ১৩শুবা চহি ৫ গী থৌরাং অমসুং জেলেফু মাইন্দফুলনেস সিতি প্রোজেক্ত ভারতনা মতেং পাংবগীদমক প্রধান মন্ত্রী তোবগেনা প্রধান মন্ত্রী মোদী থাগৎপা ফোঙদোকখি। ইনর্জি, চৎথোক-চৎশিন অমসুং চাউখৎ-থৌরাংগী হিরমশিংদা মতেং পাংনবা খুমাঙচাউশিন্নবা প্রধান মন্ত্রীশিংনা মখোয়গী থাজবা অমুক হন্না পীনখ্রে।
ভারত অমসুং ভুতান অনিমক চাউখৎনবা অমসুং নুংঙাই য়াইফনবা অনৌবা তেক্নোলোজিশিং শীজিন্নবগী মরুওইবা অদু থম্লদুনা, মখোয়না খঙবশিং অমসুং লৌশিং লৈবাক অমনা লৈবাক অমদা শরুক য়ামিন্নদুনা অমসুং অপুনবা ওইনা এ.আইগী পাম্বৈশিং শেমগৎতুনা এ.আই অমসুং দিজিতেল তেক্নোলোজিগী লমদা মতেং পাংনবা হেনগৎহনবা হায়না প্রধান মন্ত্রীশিংনা য়ানরে।
থাজবা, অফবা থবক অমসুং মশক খঙবদা য়ুম্ফম ওইদুনা, ভারত অমসুং ভুতান মরুপ-মপাং ওইবা অমসুং মতেং পাংনবগী অঙকপা মরী লৈনরি। ভারত অমসুং ভুতানগী মরক্ত মমাংঙৈদগী হৌনা অৱাংবা থাক্কী চৎথোক-চৎশিন তৌনরকপা অদুগী শরুক অমা ওইনা ভুতানগী প্রধান মন্ত্রীগী খোঙচৎ পাংথোকপনি।
এক্সতা তোখায়বা পোষ্টশিংদা, প্রধান মন্ত্রীনা হায়খি;
“প্রধান মন্ত্রী সেরিং তোবগেগা উনবা অসি অখন্নবনি। মালেমগী য়াইফনবা অমসুং তুংকোইনা চৎনবা য়াবা অচুম্বা ফিদমশিংগা চৎমিন্ননবা কমদৌনা ঐখোয়না এ.আইগী কান্নবা লৌগনি হায়বগী মতাংদা ঐখোয় খন্নখি।
অমনা অমবু থাজনবা, অফবা থবক অমসুং ঐখোয়গী মীয়াম মরক্ত অচেৎপা মরীশিং লৈনবদা য়ুম্ফম ওইবা ঐখোয়গী মতম কুইরবা ভারত-ভুতানগী মরুপ-মপাংগী মরীনা, মখা তানা ঐখোয়গী মরী অনৌবা অমসুং অওনবা হিরমশিংদা লমজিংগনি।
@tsheringtobgay"
***
(রিলিজ আই.দি.: 2231970)
ভিজিতর কাউন্তর : 5
রিলিজ অসি মসিদা পাবীয়ু:
English
,
Urdu
,
हिन्दी
,
Marathi
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam