પેન્શનરો અને ફેમિલી પેન્શનરો માટે “ઇઝ ઓફ લિવિંગ” (Ease of Living) વધારવાના માનનીય પ્રધાનમંત્રીના વિઝનને અનુરૂપ, પેન્શન અને પેન્શનર્સ કલ્યાણ વિભાગ (DoPPW), ભારત સરકાર દ્વારા પેન્શન નીતિ અને પેન્શન સંબંધિત પ્રક્રિયાઓના ડિજિટલાઇઝેશનમાં અનેક પ્રગતિશીલ પહેલો રજૂ કરવામાં આવી છે. આ ચાલુ પ્રયાસોના ભાગરૂપે, માનનીય પર્સનલ, જાહેર ફરિયાદ અને પેન્શન રાજ્ય મંત્રી ડૉ. જિતેન્દ્ર સિંહ 23 ફેબ્રુઆરી, 2026ના રોજ એડમિનિસ્ટ્રેટિવ સ્ટાફ કોલેજ ગુવાહાટી, આસામ ખાતે અન્ય કેન્દ્રીય સરકારી વિભાગો અને મંત્રાલયોના સહયોગથી DoPPW દ્વારા આયોજિત 58મી પ્રી-રિટાયરમેન્ટ કાઉન્સેલિંગ વર્કશોપ (PRC) નું ઉદ્ઘાટન કરશે.

આ વર્કશોપ ભારત સરકારના નિવૃત્ત થતા કર્મચારીઓના લાભ માટે યોજવામાં આવે છે અને તે પેન્શનરોના 'ઇઝ ઓફ લિવિંગ' ની દિશામાં એક નક્કર પગલું છે. નિવૃત્ત થતા કર્મચારીઓ માટે સરળ સંક્રમણની સુવિધા માટે, રિટાયરમેન્ટ બેનિફિટ્સ (નિવૃત્તિ લાભો), CGHS, સાયબર સિક્યોરિટી, ઇન્વેસ્ટમેન્ટ મોડ્સ (રોકાણના પ્રકારો), BHAVISHYA પોર્ટલ, ઇન્ટિગ્રેટેડ પેન્શનર્સ પોર્ટલ, ફેમિલી પેન્શન, CPENGRAMS, ANUBHAV અને ડિજિટલ લાઈફ સર્ટિફિકેટ વગેરે પર વિવિધ સત્રો યોજવામાં આવશે.

એવી અપેક્ષા છે કે આસામ રાજ્યમાં હાલમાં તૈનાત અને આગામી 12 મહિનામાં નિવૃત્ત થનારા અંદાજે 350 નિવૃત્ત થનારા કર્મચારીઓને આ પ્રી-રિટાયરમેન્ટ કાઉન્સેલિંગ વર્કશોપથી મોટો ફાયદો થશે.

PRC ઉપરાંત, વિભાગ સ્ટેટ બેંક ઓફ ઈન્ડિયાના સહયોગથી બેંકર્સ અવેરનેસ પ્રોગ્રામ (બેંકર્સ જાગૃતિ કાર્યક્રમ) નું આયોજન કરી રહ્યું છે. આ વર્કશોપનો ઉદ્દેશ્ય કેન્દ્રીય સરકારી કર્મચારીઓના સંદર્ભમાં વિવિધ પેન્શન સંબંધિત નિયમો અને પ્રક્રિયાઓ અંગે પેન્શન વિતરણ કરતી બેંકોમાં જાગૃતિ ફેલાવવાનો છે.

58મી PRC વર્કશોપ દરમિયાન પેન્શન વિતરણ કરતી બેંકોનું એક “પ્રદર્શન” પણ આયોજિત કરવામાં આવશે, જેમાં બહુવિધ બેંકો સક્રિયપણે ભાગ લેશે અને પેન્શન બાબતો પર તેમની શ્રેષ્ઠ પ્રોડક્ટ્સ પ્રદર્શિત કરશે. તમામ પેન્શનર સંબંધિત બેંકિંગ સેવાઓ સહભાગીઓને ઉપલબ્ધ કરાવવામાં આવશે. બેંકો નિવૃત્ત થનારા કર્મચારીઓને પેન્શન ખાતા ખોલવા અને પેન્શન કોર્પસ (ભંડોળ) ને તેમના માટે યોગ્ય વિવિધ યોજનાઓમાં રોકાણ કરવા માટે પણ માર્ગદર્શન આપશે.

SM/DK/GP/JD