مواصلات اور شمال مشرقی خطے کی ترقی کے مرکزی وزیر جیوتیرادتیہ سندھیا نے آج اشت لکشمی درشن نوجوانوں کے تبادلہ پروگرام کے گیارہویں بیچ میں شریک طلبہ سے آن لائن تبادلۂ خیال کیا۔ یہ بیچ 9 فروری سے 22 فروری 2026 تک سکّم یونیورسٹی میں منعقد کیا جا رہا ہے، جس میں چندی گڑھ کے 22 اور تمل ناڈو کے 15 طلبہ حصہ لے رہے ہیں۔ اس نشست میں شمال مشرقی خطے کی ترقی کی وزارت کے سکریٹری، جوائنٹ سکریٹری، سکّم یونیورسٹی گنگ ٹوک کے رجسٹرار (انچارج) اور شمال مشرقی کونسل کے دیگر افسران بھی موجود تھے۔

اشت لکشمی درشن پروگرام، جو شمال مشرقی خطے کی ترقی کی وزارت کی جانب سے شمال مشرقی کونسل کے ذریعے منعقد اور مالی اعانت سے چلایا جا رہا ہے، ایک نوجوانوں کا تبادلہ پروگرام ہے جسے قومی یکجہتی کو مضبوط بنانے اور ملک کے مختلف علاقوں کے نوجوانوں کے درمیان تعلقات کو مستحکم کرنے کے لیے ترتیب دیا گیا ہے۔ اس پروگرام کا مقصد باہمی ہم آہنگی کو فروغ دینا اور تعاون کے جذبے کو مستحکم کرنا ہے۔

یہ پروگرام 14 روزہ مطالعاتی دوروں، تعلیمی نشستوں، تاریخی و ثقافتی مقامات کے دوروں اور مقامی برادریوں سے روابط کے ذریعے نوجوانوں کے درمیان بامعنی رابطے، ثقافتی قدردانی اور باہمی افہام و تفہیم کو فروغ دیتا ہے۔

اس پروگرام کے تحت مجموعی طور پر 28 ریاستوں اور مرکز کے زیر انتظام علاقوں سے 32 بیچوں میں 1280 طلبہ کی شرکت متوقع ہے، جو شمال مشرقی ریاستوں کا دورہ کریں گے اور وہاں کے حالات و ثقافت کا مشاہدہ کریں گے۔ اب تک ابتدائی دس بیچوں میں مختلف ریاستوں کے 390 طلبہ حصہ لے چکے ہیں، جبکہ اس وقت جاری دو بیچوں میں 81 طلبہ شریک ہیں۔

مرکزی وزیر نے بتایا کہ اس پروگرام کو اس طرح ترتیب دیا گیا ہے کہ لڑکوں اور لڑکیوں کی مساوی شرکت کو یقینی بنایا جائے، جو شمولیت اور بااختیاری کے عزم کی عکاسی کرتا ہے۔ انہوں نے اشت لکشمی درشن کو ’’ایک بھارت، شریشٹھ بھارت‘‘ اقدام کے تحت ایک منفرد ثقافتی اور تعلیمی تبادلہ قرار دیا، جو ملک کے دیگر حصوں کے نوجوانوں کو شمال مشرقی خطے کی آٹھ ریاستوں سے جوڑتا ہے اور انہیں وہاں کی زبانوں، روایات اور طرزِ زندگی سے روشناس کراتا ہے، ساتھ ہی تنوع میں اتحاد کے احساس کو مضبوط بناتا ہے۔

شمال مشرقی ہندوستان میں سیاحت کے بارے میں گفتگو کرتے ہوئے انہوں نے کہا کہ یہ شعبہ بے پناہ امکانات رکھتا ہے اور خطے کے لوگوں کے لیے وسیع مواقع پیدا کر سکتا ہے۔ انہوں نے سکّم میں سیاحت کے وسیع امکانات کی بھی نشاندہی کی۔

 

تبادلۂ خیال کے دوران مرکزی وزیر نے متعدد طلبہ سے ان کے تجربات اور حاصل شدہ سیکھنے کے بارے میں سوالات کیے۔ تمل ناڈو سے محترمہ کیرتھنا پی نے کہا کہ یہ ایک شاندار موقع تھا جس نے عملی زندگی سے جڑی بامعنی تعلیم فراہم کی۔ تمل ناڈو ہی سے تعلق رکھنے والے خصوصی صلاحیتوں کے حامل طالب علم جناب انصاری اے نے شمال مشرقی خطے کی ترقی کی وزارت کا اس موقع کے لیے شکریہ ادا کیا۔

چندی گڑھ سے محترمہ رجن پریت کور نے اپنے مجموعی تجربے کے بارے میں کہا کہ وہ اس پروگرام کا حصہ بن کر خود کو بے حد معزز محسوس کرتی ہیں اور انہوں نے اس بات پر زور دیا کہ سکّم میں ماحولیات اور ترقی ایک ساتھ آگے بڑھتے ہیں۔

اپنے اختتامی کلمات میں مرکزی وزیر نے طلبہ کے جوش و خروش کی ستائش کی اور انہیں ترغیب دی کہ وہ سکّم کے لوگوں، روایات اور قدرتی حسن سے متعلق اپنے تجربات کو اپنے خاندان اور دوستوں کے ساتھ بھرپور انداز میں شیئر کریں اور ’’ایک بھارت، شریشٹھ بھارت‘‘ کے جذبے کو آگے بڑھائیں۔ انہوں نے امید ظاہر کی کہ طلبہ ریاست کی بھرپور ثقافت اور ورثے سے متعلق بے شمار یادیں اور کہانیاں لے کر واپس جائیں گے۔

وزیراعظم جناب نریندر مودی کا اشت لکشمی درشن نوجوانوں کے تبادلہ پروگرام کے ذریعے ویژن یہ ہے کہ طلبہ کو شمال مشرقی ہندوستان کی مستند ثقافت، عوام اور روایات کا براہِ راست تجربہ حاصل ہو۔

اشت لکشمی درشن تبادلہ پروگرام ثقافتی ہم آہنگی، نوجوانوں کی شمولیت اور قومی اتحاد کے فروغ کے لیے حکومت کے عزم کا روشن ثبوت ہے۔ یہ پروگرام مسلسل ’’ایک بھارت، شریشٹھ بھارت‘‘ کے جوہر اور باہمی خوشحالی پر مبنی ’’ترقی یافتہ بھارت 2047‘‘ کے مشترکہ ویژن کی عکاسی کرتا ہے۔

A riveting interaction with the bright young minds of Batch 11 of the Asthalakshmi Darshan Youth Exchange Program at Sikkim University, bringing together students from Tamil Nadu and Chandigarh in the beautiful state of Sikkim.

With nearly 400 young participants already part of… pic.twitter.com/zvxh8GphN0

— Jyotiraditya M. Scindia (@JM_Scindia) February 20, 2026

Union Minister for Communications and Development of North Eastern Region, Shri @JM_Scindia, today virtually interacted with the Batch 11 of the Asthalakshmi Darshan Youth Exchange Program at Sikkim University, bringing together students from Tamil Nadu and Chandigarh in the… pic.twitter.com/B7zV9fDnUC

— MDoNER India (@MDoNER_India) February 20, 2026

ضمیمہ:

اشت لکشمی درشن نوجوانوں کا تبادلہ پروگرام — ایک نظر میں
مکمل شدہ بیچ — (کل شرکاء: 390)
Batch	From	To	Host Institute	Host State	Visiting State(s)	Students	Guides	Total
1	1-Nov-25	14-Nov-25	Rajiv Gandhi University	Arunachal Pradesh	Goa(19), Uttarakhand(20)	39	4	43
2	15-Dec-25	28-Dec-25	IIT Guwahati	Assam	Andhra Pradesh(20), Himachal Pradesh(20)	40	4	44
3	17-Dec-25	30-Dec-25	NIT Nagaland	Nagaland	Jammu&Kashmir(21)	21	2	23
4	03-Jan-26	16-Jan-26	NIT Nagaland	Nagaland	Punjab(19), Daman&Diu& Dadra Haveli(20)	39	4	43
5	04-Jan-26	17-Jan-26	TripuraUniversity	Tripura	Andhra Pradesh(20), Karnataka (20)	40	4	44
6	05-Jan-26	18-Jan-26	NIT Manipur	Manipur	Uttar Pradesh(19)	19	2	21
7	15-Jan-26	29-Jan-26	Mizoram University	Mizoram	Andaman& Nicobar Island(20), Lakshadweep(20)	40	4	44
8	20-Jan-26	03-Feb-26	NIT Agartala	Tripura	Bihar(17),Gujarat(20)	37	3	40
9	01-Feb-26	14-Feb-26	IIM Shillong	Meghalaya	Odisha(20),Delhi(20)	40	4	44
10	01-Feb-26	14-Feb-26	Nagaland University	Nagaland	Kerala(20),Ladakh (20)	40	4	44
جاری بیچ — (کل شرکاء: 81)
11	09-Feb-26	22-Feb-26	Sikkim University	Sikkim	Chandigarh(20), Tamil Nadu(15)	35	2	37
12	15-Feb-26	28-Feb-26	Rajiv Gandhi University	Arunachal Pradesh	Pondicherry(20), Jharkhand(20)	40	4	44

 

******

ش ح۔ ش ا ر۔ ول

Uno-2821

(ریلیز آئی ڈی: 2230943) وزیٹر کاؤنٹر : 11