ಗೌರವಾನ್ವಿತ ಕೇಂದ್ರ ಮೀನುಗಾರಿಕೆ, ಪಶುಸಂಗೋಪನೆ ಮತ್ತು ಹೈನುಗಾರಿಕೆ (ಎಂ.ಒ.ಎಫ್.ಎ.ಎಚ್.ಡಿ) ಮತ್ತು ಪಂಚಾಯತ್ ರಾಜ್ ಸಚಿವರಾದ ಶ್ರೀ ರಾಜೀವ್ ರಂಜನ್ ಸಿಂಗ್ ಅವರು ಇಂದು (ಫೆಬ್ರವರಿ 20, 2026 ರಂದು) ಗುಜರಾತ್‌ ನ ವೆರಾವಲ್‌ ನ ಕೆಸಿಸಿ ಮೈದಾನದಲ್ಲಿ ಭಾರತದ ವಿಶೇಷ ಆರ್ಥಿಕ ವಲಯ (ಇ.ಇ.ಝೆಡ್) ನಲ್ಲಿ ಮೀನುಗಾರಿಕೆಗೆ ಪ್ರವೇಶ ಪಾಸ್ ಅನ್ನು ವಿತರಣೆ ವ್ಯವಸ್ಥೆಯನ್ನು  ಎಂ.ಒ.ಎಫ್.ಎ.ಎಚ್.&ಡಿ. ಮತ್ತು ಪಂಚಾಯತ್ ರಾಜ್ ಸಚಿವಾಲಯ ಸಚಿವ ಪ್ರೊ. ಎಸ್.ಪಿ. ಸಿಂಗ್ ಬಘೇಲ್ ; ಎಂ.ಒ.ಎಫ್.ಎ.ಎಚ್.&ಡಿ. ಮತ್ತು ಅಲ್ಪಸಂಖ್ಯಾತ ವ್ಯವಹಾರಗಳ ಸಚಿವಾಲಯದ ರಾಜ್ಯ ಸಚಿವರಾದ ಶ್ರೀ ಜಾರ್ಜ್ ಕುರಿಯನ್; ಭಾರತ ಸರ್ಕಾರದ ಮೀನುಗಾರಿಕೆ ಇಲಾಖೆಯ ಕೇಂದ್ರ ಕಾರ್ಯದರ್ಶಿ ಡಾ. ಅಭಿಲಕ್ಷ್ ಲಿಖಿ;  ಮತ್ತು ಗುಜರಾತ್ ಸರ್ಕಾರದ ಕೃಷಿ, ರೈತರ ಕಲ್ಯಾಣ ಮತ್ತು ಸಹಕಾರ ಇಲಾಖೆಯ ಹೆಚ್ಚುವರಿ ಮುಖ್ಯ ಕಾರ್ಯದರ್ಶಿ ಶ್ರೀ ಅರುಣ್‌ಕುಮಾರ್ ಸೋಲಂಕಿ ಅವರ ಸಮ್ಮುಖದಲ್ಲಿ ಉದ್ಘಾಟಿಸಿದರು.

ದೇಶದಾದ್ಯಂತ ಎಲ್ಲಾ ಕರಾವಳಿ ರಾಜ್ಯಗಳು/ಕೇಂದ್ರಾಡಳಿತ ಪ್ರದೇಶಗಳ ಸುಮಾರು 24 ಮೀನುಗಾರಿಕಾ ಸಹಕಾರ ಸಂಘಗಳ ಪ್ರತಿನಿಧಿಗಳು ಈ ಕಾರ್ಯಕ್ರಮದಲ್ಲಿ ಭಾಗವಹಿಸಿದ್ದರು, ಜೊತೆಗೆ  ಈ ಕ್ಷೇತ್ರದ ವಿವಿಧ ಚಟುವಟಿಕೆಗಳಲ್ಲಿ ಪಾಲ್ಗೊಳ್ಳುವ 2,000 ಕ್ಕೂ ಹೆಚ್ಚು ಮಂದಿ ಭಾಗವಹಿಸಿದ್ದರು ಮತ್ತು ಎಲ್ಲಾ ರಾಜ್ಯಗಳು/ಕೇಂದ್ರಾಡಳಿತ ಪ್ರದೇಶಗಳು, ಮೀನುಗಾರಿಕಾ ಸಹಕಾರ ಸಂಘಗಳು ಮತ್ತು ಇಇಪಿಒ ಗಳು ಸಹ 500 ಕ್ಕೂ ಹೆಚ್ಚು ಸ್ಥಳಗಳಿಂದ ಆನ್‌ ಲೈನ್‌ ನಲ್ಲಿ ನೇರವಾಗಿ ಸಮಾರಂಭದಲ್ಲಿ ಸೇರಿಕೊಂಡವು.

ಉದ್ಘಾಟನಾ ಸಮಾರಂಭದಲ್ಲಿ, ಗೌರವಾನ್ವಿತ ಕೇಂದ್ರ  ಎಫ್‌ಎಹೆಚ್‌ಡಿ ಸಚಿವರಾದ ಶ್ರೀ ಸಿಂಗ್ ಅವರು ಭಾರತದ ಎಲ್ಲಾ ಕರಾವಳಿ ರಾಜ್ಯಗಳು/ಕೇಂದ್ರಾಡಳಿತ ಪ್ರದೇಶಗಳ 24 ಮೀನುಗಾರಿಕಾ ಸಹಕಾರ ಸಂಘಗಳನ್ನು ಪ್ರತಿನಿಧಿಸುವ 37 ಮೀನುಗಾರರಿಗೆ ಇಇಝಡ್‌ ನಲ್ಲಿ ಮೀನುಗಾರಿಕೆಗೆ ಪ್ರವೇಶ ಪಾಸ್ ಅನ್ನು ಹಸ್ತಾಂತರಿಸಿದರು. ಗೌರವಾನ್ವಿತ ಕೇಂದ್ರ ಎಫ್‌.ಎ.ಹೆಚ್‌.ಡಿ ಸಚಿವ ಶ್ರೀ ಸಿಂಗ್ ಅವರು ಮೀನುಗಾರರಿಗೆ ಸುರಕ್ಷತಾ ಕಿಟ್‌ ಗಳನ್ನು ಈ ಸಂದರ್ಭದಲ್ಲಿ ವಿತರಿಸಿದರು, ಇದರಲ್ಲಿ ಲೈಫ್ ಜಾಕೆಟ್‌ಗಳು, ಹೈ-ಬೀಮ್ ಟಾರ್ಚ್‌ ಗಳು ಮತ್ತು ಜಿಪಿಎಸ್ ಸಾಧನಗಳು ಸೇರಿವೆ, ಇದು ಸಮುದ್ರ ತೀರದ ಮೀನುಗಾರಿಕೆ ಚಟುವಟಿಕೆಗಳನ್ನು ಸುರಕ್ಷಿತವಾಗಿ ನ್ಯಾವಿಗೇಟ್ ಮಾಡಲು ಅವರಿಗೆ ಅಧಿಕಾರ ನೀಡುತ್ತದೆ, ನಂತರ ಗುಜರಾತ್‌ ನಲ್ಲಿ ಹೊಸದಾಗಿ ರೂಪುಗೊಂಡ ಮೀನುಗಾರಿಕಾ ಸಹಕಾರ ಸಂಘಗಳಿಗೆ ರೂ. 2 ಲಕ್ಷ ಅನುದಾನವನ್ನು ಕೂಡ ವಿತರಿಸಲಾಯಿತು.

ಭಾರತದ ಇ.ಇ.ಝಡ್‌ ಗಾಗಿ ಆಧುನಿಕ, ಸುಸ್ಥಿರ ಮತ್ತು ಮೀನುಗಾರ-ಕೇಂದ್ರಿತ ಆಡಳಿತ ಚೌಕಟ್ಟನ್ನು ಕಾರ್ಯಗತಗೊಳಿಸುವ ನಿಟ್ಟಿನಲ್ಲಿ ಆಕ್ಸೆಸ್ ಪಾಸ್‌ ನ ಆರಂಭವು ಮಹತ್ವದ ಮೈಲಿಗಲ್ಲಾಗಿದೆ. ಇದು ಕಡಲಾಚೆಯ ಮೀನುಗಾರಿಕೆಯನ್ನು ವಿಸ್ತರಿಸುವುದು, ಮೀನುಗಾರರ ಆದಾಯವನ್ನು ಹೆಚ್ಚಿಸುವುದು, ಸಮುದ್ರ ಸಂಪನ್ಮೂಲಗಳ ಜವಾಬ್ದಾರಿಯುತ ಬಳಕೆಯನ್ನು ಉತ್ತೇಜಿಸುವುದು ಮತ್ತು ಸ್ಥಿತಿಸ್ಥಾಪಕ ಮತ್ತು ಸಮಗ್ರ ನೀಲಿ ಆರ್ಥಿಕತೆಯ ರಾಷ್ಟ್ರೀಯ ದೃಷ್ಟಿಕೋನವನ್ನು ಮುನ್ನಡೆಸುವ ಗುರಿಯನ್ನು ಹೊಂದಿದೆ.

ಮಾನ್ಯ ಕೇಂದ್ರ ಎಫ್‌.ಎ.ಹೆಚ್‌.ಡಿ ಮತ್ತು ಪಂಚಾಯತ್ ರಾಜ್ ಸಚಿವರಾದ ಶ್ರೀ ರಾಜೀವ್ ರಂಜನ್ ಸಿಂಗ್ ಅವರು ತಮ್ಮ ಭಾಷಣದಲ್ಲಿ, ಮೀನುಗಾರರ ಸಂಘಗಳು, ಸಹಕಾರಿ ಸಂಸ್ಥೆಗಳು, ರಾಜ್ಯಗಳು/ಕೇಂದ್ರಾಡಳಿತ ಪ್ರದೇಶಗಳು ಮತ್ತು ವೈಜ್ಞಾನಿಕ ಸಂಸ್ಥೆಗಳೊಂದಿಗೆ ವ್ಯಾಪಕ ಸಮಾಲೋಚನೆಗಳ ನಂತರ ಇ.ಇ.ಝಡ್ ಚೌಕಟ್ಟನ್ನು ರಚಿಸಲಾಗಿದೆ ಎಂದು ಹೇಳಿದರು, ಇದು ಪಾರದರ್ಶಕ, ಸಮಗ್ರ ಮತ್ತು ಭವಿಷ್ಯಕ್ಕೆ ಸಿದ್ಧವಾದ ವ್ಯವಸ್ಥೆಯನ್ನು ಖಚಿತಪಡಿಸುತ್ತದೆ. ರಿಯಲ್‌ ಕ್ರಾಫ್ಟ್ ಪೋರ್ಟಲ್‌ ನಲ್ಲಿ ಈಗಾಗಲೇ ಹೆಚ್ಚಿನ ಅರ್ಜಿಗಳನ್ನು ಸ್ವೀಕರಿಸಲಾಗಿದೆ ಮತ್ತು ಮುಂಬರುವ ತಿಂಗಳಲ್ಲಿ ಮಾರ್ಗಸೂಚಿಗಳ ಪ್ರಕಾರ ಪ್ರವೇಶ ಪಾಸ್‌ಗಳನ್ನು ನೀಡಲಾಗುವುದು ಎಂದು ಸಚಿವರು ಮಾಹಿತಿ ಹಂಚಿಕೊಂಡರು.

2026 ರ ಬಜೆಟ್ ಘೋಷಣೆಯ ಪ್ರಕಾರ, ಯಾವುದೇ ಭಾರತೀಯ ಹಡಗು ಇ.ಇ.ಝಡ್/ಅತಿ ಸಮುದ್ರಗಳಲ್ಲಿ ಮೀನು ಹಿಡಿಯುವುದು ಸುಂಕ ರಹಿತವಾಗಿರುವುದರಿಂದ, ಮೀನುಗಾರರು ಬೆಳವಣಿಗೆಗಾಗಿ ಸಹಕಾರಿ ಸಂಘಗಳಲ್ಲಿ ಸಂಘಟಿತರಾಗಲು, ಪ್ರವೇಶ ಪಾಸ್‌ ಗೆ ಅರ್ಜಿ ಸಲ್ಲಿಸಲು ಮತ್ತು ಇ.ಇ.ಝಡ್ ನಿಯಮಗಳಿಂದ ಪ್ರಯೋಜನ ಪಡೆಯುವಂತೆ ಗೌರವಾನ್ವಿತ ಕೇಂದ್ರ ಸಚಿವ ಶ್ರೀ ಸಿಂಗ್ ಅವರು ಒತ್ತಾಯಿಸಿದರು. ವಿವಿಧ ಕಲ್ಯಾಣ ಯೋಜನೆಗಳಲ್ಲಿ ಸರ್ಕಾರದ ಹೂಡಿಕೆಗಳು, ನೈಜ-ಸಮಯದ ಟ್ರ್ಯಾಕಿಂಗ್‌ ಗಾಗಿ ಟ್ರಾನ್ಸ್‌ಪಾಂಡರ್‌ ಗಳಂತಹ ಸುರಕ್ಷತಾ ವ್ಯವಸ್ಥೆಗಳು ಮತ್ತು ಜೀವಗಳನ್ನು ಉಳಿಸುವ ಮತ್ತು ಉತ್ಪಾದಕತೆಯನ್ನು ಸುಧಾರಿಸುವ ಪಿ.ಎಫ್.ಝೆಡ್. ಸಲಹೆಗಳನ್ನು ಅವರು ವಿವರಿಸಿದರು. ಮೀನುಗಾರಿಕೆ ಸಹಕಾರಿ ಸಂಘಗಳನ್ನು ಬಲಪಡಿಸಲು ಮತ್ತು ಆಳ ಸಮುದ್ರ ಮೀನುಗಾರಿಕೆಯಲ್ಲಿ ಅವಕಾಶಗಳನ್ನು ವಿಸ್ತರಿಸಲು ಸಹಕಾರ ಸಚಿವಾಲಯದೊಂದಿಗೆ ಜಂಟಿ ಕಾರ್ಯ ಗುಂಪಿನ ಬಗ್ಗೆಯೂ ಅವರು ಉಲ್ಲೇಖಿಸಿ ಹೇಳಿದರು.

ಗೌರವಾನ್ವಿತ ಭಾರತ ಸರ್ಕಾರದ ಮೀನುಗಾರಿಕೆ, ಪಶುಸಂಗೋಪನೆ ಮತ್ತು ಹೈನುಗಾರಿಕೆ ಮತ್ತು ಪಂಚಾಯತಿ ರಾಜ್ ರಾಜ್ಯ ಸಚಿವ ಪ್ರೊ. ಎಸ್. ಪಿ. ಸಿಂಗ್ ಬಘೇಲ್ ಅವರು, ತಮ್ಮ ಭಾಷಣದಲ್ಲಿ ಪ್ರವೇಶ ಪಾಸ್ ಅನ್ನು ಸರಳ, ಪಾರದರ್ಶಕ ಮತ್ತು ಸಂಪೂರ್ಣ ಡಿಜಿಟಲ್ ವ್ಯವಸ್ಥೆಯಾಗಿ ವಿನ್ಯಾಸಗೊಳಿಸಲಾಗಿದೆ ಎಂದು ಹೇಳಿದರು, ಇದು ಅಧಿಕೃತ ಭಾರತೀಯ ಮೀನುಗಾರಿಕಾ ಹಡಗುಗಳಿಗೆ ಕಡಲಾಚೆಯ ನೀರಿನಲ್ಲಿ ಕಾರ್ಯನಿರ್ವಹಿಸಲು ಸ್ಪಷ್ಟತೆ ಮತ್ತು ವಿಶ್ವಾಸವನ್ನು ಒದಗಿಸುತ್ತದೆ. ದೇಶದ ಸಮುದ್ರ ಸಂಪತ್ತನ್ನು ರಕ್ಷಿಸುವ ಸಲುವಾಗಿ ವಿದೇಶಿ ಮೀನುಗಾರಿಕಾ ಹಡಗುಗಳು ಭಾರತೀಯ ಇಇಝಡ್‌ ಗೆ ಪ್ರವೇಶಿಸುವುದನ್ನು ನಿಯಮಗಳು ಕಟ್ಟುನಿಟ್ಟಾಗಿ ನಿಷೇಧಿಸುತ್ತವೆ. ಈ ಕ್ರಮವು ಭಾರತೀಯ ಮೀನುಗಾರರನ್ನು ಸಬಲೀಕರಣಗೊಳಿಸುತ್ತದೆ ಮತ್ತು ಆಳ ಸಮುದ್ರ ಮೀನುಗಾರಿಕೆಯಲ್ಲಿ ಅವಕಾಶಗಳನ್ನು ವಿಸ್ತರಿಸುತ್ತದೆ ಎಂದು ಹೇಳಿದರು.

ಭಾರತ ಸರ್ಕಾರದ ಮೀನುಗಾರಿಕೆ, ಪಶುಸಂಗೋಪನೆ ಮತ್ತು ಹೈನುಗಾರಿಕೆ ಮತ್ತು ಅಲ್ಪಸಂಖ್ಯಾತ ವ್ಯವಹಾರಗಳ ಸಚಿವಾಲಯದ ರಾಜ್ಯ ಸಚಿವರಾದ ಗೌರವಾನ್ವಿತ ಶ್ರೀ ಜಾರ್ಜ್ ಕುರಿಯನ್ ಅವರು ತಮ್ಮ ಭಾಷಣದಲ್ಲಿ ಇಂದಿನ ಕಾರ್ಯಕ್ರಮವು ಸಮುದ್ರ ಮೀನುಗಾರಿಕೆ ಅಭಿವೃದ್ಧಿಯ ಮುಂದಿನ ಹಂತಕ್ಕೆ ಮುನ್ನಡೆಯುವ ಭಾರತದ ಸಂಕಲ್ಪವನ್ನು ಸಂಕೇತಿಸುತ್ತದೆ, ಇದು ಪ್ರಧಾನಮಂತ್ರಿ ಶ್ರೀ ನರೇಂದ್ರ ಮೋದಿಯವರ 2047 ರಲ್ಲಿ ವಿಕಸಿತ ಭಾರತದ ದೃಷ್ಟಿಕೋನವನ್ನು ಸಾಧಿಸುವ ಪ್ರಮುಖ ಹೆಜ್ಜೆಯಾಗಿದೆ ಎಂದು ಹೇಳಿದರು. ವೆರಾವಲ್ ಅನ್ನು ಪಿ.ಎಂ.ಎಂ.ಎಸ್‌.ವೈ ಅಡಿಯಲ್ಲಿ 'ಮೀನುಗಾರಿಕೆ ಬಂದರು ಕ್ಲಸ್ಟರ್' ಎಂದು ಗೊತ್ತುಪಡಿಸಲಾಗಿದೆ, ಇದು ದಕ್ಷತೆಯನ್ನು ಹೆಚ್ಚಿಸುತ್ತದೆ ಮತ್ತು ಈ ವಲಯಕ್ಕೆ ಪ್ರಮಾಣದ ಆರ್ಥಿಕತೆಯನ್ನು ಸಕ್ರಿಯಗೊಳಿಸುತ್ತದೆ ಎಂದು ಅವರು ತಿಳಿಸಿದರು.

ಭಾರತ ಸರ್ಕಾರದ ಮೀನುಗಾರಿಕೆ ಇಲಾಖೆಯ ಕೇಂದ್ರ ಕಾರ್ಯದರ್ಶಿ ಡಾ. ಅಭಿಲಕ್ಷ್ ಲಿಖಿ ಅವರು, ಪ್ರವೇಶ ಪಾಸ್‌ಗಳನ್ನು ಪಾರದರ್ಶಕ ಮತ್ತು ಅಡೆತಡೆರಹಿತ ಪೋರ್ಟಲ್ ಮೂಲಕ ನೀಡಲಾಗುವುದು ಎಂದು ಹೇಳಿದರು. ವೈಜ್ಞಾನಿಕ ಮೌಲ್ಯಮಾಪನಗಳು ಗಣನೀಯ ಸಾಮರ್ಥ್ಯವನ್ನು ಸೂಚಿಸುತ್ತಿದ್ದರೂ, ವಿಶೇಷವಾಗಿ ಅಂತರರಾಷ್ಟ್ರೀಯ ಮಾರುಕಟ್ಟೆಗಳಲ್ಲಿ ಪ್ರೀಮಿಯಂ ಬೆಲೆಗಳನ್ನು ಹೊಂದಿರುವ ಟ್ಯೂನ ಮತ್ತು ಟ್ಯೂನ ತರಹದ ಪ್ರಭೇದಗಳಂತಹ ಹೆಚ್ಚಿನ ಮೌಲ್ಯದ ಸಾಗರ ಸಂಪನ್ಮೂಲಗಳಿಗೆ ಇಇಜಡ್ ಗಮನಾರ್ಹವಾಗಿ ಬಳಕೆಯಾಗಿಲ್ಲ ಎಂದು ಅವರು ಉಲ್ಲೇಖಿಸಿದರು. ಮೀನುಗಾರಿಕೆ ಸಂಪನ್ಮೂಲಗಳ ಸುಸ್ಥಿರ ಬೆಳವಣಿಗೆ ಮತ್ತು ಮೀನುಗಾರಿಕೆ ಸಹಕಾರಿ ಸಂಘಗಳು ಮತ್ತು ಎಫ್‌ಎಫ್‌ಪಿಒ ಗಳನ್ನು ಬಲಪಡಿಸುವತ್ತ ಇಲಾಖೆಯ ಗಮನವಿದೆ ಎಂದು ಕೇಂದ್ರ ಕಾರ್ಯದರ್ಶಿ ಡಾ. ಲಿಖಿ ಅವರು ಹೇಳಿದರು. ಪಿಎಂಎಂಎಸ್‌ವೈ ಅಡಿಯಲ್ಲಿ ಜಖೌನಲ್ಲಿರುವ ಸ್ಮಾರ್ಟ್ ಮತ್ತು ಸಂಯೋಜಿತ ಬಂದರಿನಂತಹ ಮೂಲಸೌಕರ್ಯ ಅಭಿವೃದ್ಧಿಯ ಜೊತೆಗೆ ಕರಾವಳಿ ರಾಜ್ಯಗಳಲ್ಲಿ ತರಬೇತಿ ಮತ್ತು ಸಾಮರ್ಥ್ಯವರ್ಧನೆಗೆ ಒತ್ತು ನೀಡುವುದಾಗಿ ಅವರು ಹೇಳಿದರು.

ಕೇಂದ್ರ ಮೀನುಗಾರಿಕೆ, ಪಶುಸಂಗೋಪನೆ ಮತ್ತು ಹೈನುಗಾರಿಕೆ ಸಚಿವರಾದ ಶ್ರೀ ರಾಜೀವ್ ರಂಜನ್ ಸಿಂಗ್ ಅವರ ನಾಯಕತ್ವ ಮತ್ತು ಮಾರ್ಗದರ್ಶನಕ್ಕಾಗಿ ಎನ್‌ಎಫ್‌ಡಿಬಿಯ ಮುಖ್ಯ ಕಾರ್ಯನಿರ್ವಾಹಕ ಡಾ. ಬಿ.ಕೆ. ಬೆಹೆರಾ ಅವರು ಸಚಿವರಿಗೆ ಧನ್ಯವಾದಗಳನ್ನು ಅರ್ಪಿಸಿದರು ಮತ್ತು ಮೀನುಗಾರಿಕೆ ಇಲಾಖೆಯ ನೇತೃತ್ವದ ವಿವಿಧ ಯೋಜನೆಗಳ ಮೂಲಕ ಗುಜರಾತ್‌ ನಲ್ಲಿ ಮೀನುಗಾರಿಕೆ ಮತ್ತು ಜಲಚರ ಸಾಕಣೆ ವಲಯದಲ್ಲಿನ ವಿವಿಧ ಮಧ್ಯಸ್ಥಿಕೆಗಳನ್ನು ವಿವರಿಸಿದರು.

ಈ ಕಾರ್ಯಕ್ರಮದಲ್ಲಿ ಗಿರ್ ಸೋಮನಾಥ್ ಉಸ್ತುವಾರಿ ಜಿಲ್ಲಾಧಿಕಾರಿ ಶ್ರೀಮತಿ ಸ್ನೇಹಾ ಭಾಪ್ಕರ್; ಗಿರ್ ಸೋಮನಾಥ್ ಪ್ರದೇಶದ ಎಸ್‌ಪಿ ಶ್ರೀ ಜಯದೀಪ್ ಸಿಂಗ್ ಜಡೇಜಾ; ಗಿರ್ ಸೋಮನಾಥ್ ಪ್ರದೇಶದ ಆರ್‌ಎಸಿ ಶ್ರೀ ರಾಜೇಶ್ ಆಲ್; ಮೀನುಗಾರಿಕೆ ಆಯುಕ್ತರಾದ ಶ್ರೀ ವಿಜಯಕುಮಾರ್ ಖರಾಡಿ; ವೆರಾವಲ್-ಪಟಾನ್ ಜಂಟಿ ಪುರಸಭೆಯ ಅಧ್ಯಕ್ಷರಾದ ಶ್ರೀಮತಿ ಪಲ್ಲವಿಬೆನ್ ಜಾನಿ; ಜಿಲ್ಲಾ ಪಂಚಾಯತ್ ಅಧ್ಯಕ್ಷರಾದ ಶ್ರೀಮತಿ ಮಂಜುಲಾಬೆನ್ ಮುಚಾರ್, ಮೀನುಗಾರಿಕೆ ಇಲಾಖೆ, ರಾಜ್ಯ ಮೀನುಗಾರಿಕೆ ಇಲಾಖೆ, ರಾಷ್ಟ್ರೀಯ ಮೀನುಗಾರಿಕೆ ಅಭಿವೃದ್ಧಿ ಮಂಡಳಿ (ಎನ್‌ಎಫ್‌ಡಿಬಿ), ಸಮುದ್ರ ಉತ್ಪನ್ನಗಳ ರಫ್ತು ಅಭಿವೃದ್ಧಿ ಪ್ರಾಧಿಕಾರ (ಎಂಪಿಇಡಿಎ), ರಾಷ್ಟ್ರೀಯ ಕೃಷಿ ಮತ್ತು ಗ್ರಾಮೀಣಾಭಿವೃದ್ಧಿ ಬ್ಯಾಂಕ್ (ನಬಾರ್ಡ್), ರಾಷ್ಟ್ರೀಯ ಸಹಕಾರಿ ಅಭಿವೃದ್ಧಿ ನಿಗಮ (ಎನ್‌ಸಿಡಿಸಿ), ರಫ್ತು ಪರಿಶೀಲನಾ ಮಂಡಳಿ (ಇಐಸಿ), ಮೀನುಗಾರಿಕಾ ಸಹಕಾರಿಗಳು, ಮೀನು ರೈತ ಉತ್ಪಾದಕ ಸಂಸ್ಥೆಗಳು (ಎಫ್‌ಎಫ್‌ಪಿಒಗಳು) ಮತ್ತು ಸ್ಥಳೀಯ ಮೀನುಗಾರರ ಹಿರಿಯ ಅಧಿಕಾರಿಗಳು ಭಾಗವಹಿಸಿದ್ದರು.

ಹಿನ್ನೆಲೆ :–

ಸುಮಾರು 24 ಲಕ್ಷ ಚದರ ಕಿಲೋಮೀಟರ್ ವಿಸ್ತೀರ್ಣದ ಇ.ಇ.ಝಡ್. ಹೊಂದಿರುವ ಭಾರತವು ಸಮುದ್ರ ಮೀನುಗಾರಿಕೆ ಅಭಿವೃದ್ಧಿ, ಜೀವನೋಪಾಯ ಉತ್ಪಾದನೆ ಮತ್ತು ರಫ್ತು ವಿಸ್ತರಣೆಗೆ ಅಗಾಧ ಸಾಮರ್ಥ್ಯವನ್ನು ಹೊಂದಿದೆ.  ಭಾರತೀಯ ಹಡಗುಗಳ ಮೀನುಗಾರಿಕೆ ಚಟುವಟಿಕೆಯ ಬಹುಪಾಲು ಕರಾವಳಿಯಿಂದ 40-50 ನಾಟಿಕಲ್ ಮೈಲುಗಳೊಳಗಿನ ನೀರಿಗೆ ಸೀಮಿತವಾಗಿದೆ. ವೈಜ್ಞಾನಿಕ ಮೌಲ್ಯಮಾಪನಗಳು ಗಣನೀಯ ಸಾಮರ್ಥ್ಯವನ್ನು ಸೂಚಿಸುತ್ತಿದ್ದರೂ, ವಿಶೇಷವಾಗಿ "ಟ್ಯೂನ" ಮತ್ತು "ಟ್ಯೂನ ತರಹದ ಇತರ ಜಾತಿಯ" ಹೆಚ್ಚಿನ ಮೌಲ್ಯದ ಸಾಗರ ಸಂಪನ್ಮೂಲಗಳಿಗೆ, ಈ ವ್ಯಾಪ್ತಿಯನ್ನು ಮೀರಿದ ವಿಶಾಲವಾದ ಇಇಜಡ್ ಗಮನಾರ್ಹವಾಗಿ ಬಳಕೆಯಾಗದೆ ಉಳಿದಿದೆ. ಈ ಸಾಮರ್ಥ್ಯವನ್ನು ಸದುಪಯೋಗ ಮಾಡಲು, ಭಾರತ ಸರ್ಕಾರವು ಈ ಹಿಂದೆ 4 ನವೆಂಬರ್ 2025 ರಂದು ಕೇಂದ್ರ ಬಜೆಟ್ 2025–26 ಘೋಷಣೆಗೆ ಅನುಗುಣವಾಗಿ "ವಿಶೇಷ ಆರ್ಥಿಕ ವಲಯ (ಇ.ಇ.ಝಡ್), 2025 ಗಳಲ್ಲಿ ಮೀನುಗಾರಿಕೆಯ ಸುಸ್ಥಿರ ಬಳಕೆ" ಎಕ್ಸ್ ನೂತನ ನಿಯಮಗಳನ್ನು ಜಾರಿಗೊಳಿಸಿತ್ತು.

*****