প্রধানমন্ত্রীগী লোইশঙ
ক্রোয়েসিয়াগী প্রধান মন্ত্রী ঐচ.ই. অন্দ্রেজ প্লেনকোভিচনা ভারত্তা লাকপা
থাগৎখিবা:
18 FEB 2026 7:16PM by PIB Imphal
প্রধান মন্ত্রী শ্রী নরেন্দ্র মোদীনা ঐচ.ই. ক্রোয়েসিয়াগী প্রধান মন্ত্রী অন্দ্রেজ প্লেনকোভিচনা ঙসি এ.আই. ইম্পেক্ত সমীৎকী সাইদলাইন্দা উন্নখ্রে।
প্রধান মন্ত্রী শ্রী নরেন্দ্র মোদীনা ক্রোয়েসিয়াগী প্রধানমন্ত্রীনা ভারত্তা ইহান হানবা ওইনা লিশিং অনিগা কুনতরুক্কি ফেব্রুৱারি তরানিপালদগীনা কুনমাথোইফাওবা পাংথোক্কদৌরিবা এ.আই. ইম্পেক্ত সমীৎ অসিদা শরুক য়ানবগীদমক্তা লাক্কদৌরি। লুচিংবা অনিনা ললোন-ইতিক অমসুং শেল থাদবা, শাইন্স অমসুং তেক্নোলোজি, কনেক্তিবিতি, কলচরেল একচেঞ্জ অমসুং মীয়াম-মীওইগা মরি লৈনবা হীরম কয়াদা নাকল অনিগী মতেং পিনবা মপাঙ্গল কনখৎহন্নবা পাম্বৈশিংগী মতাংদা খন্নখি। পুৱারি ওইরবা ভারত-ইয়ু এফ.তি.এ.গী লোইশিনখিবা অদু নিংশিংলদুনা মখোয়না নাকল অনিগী ললোন-ইতিক হেনগৎহন্নবা য়ানচে অসি ঙন্না থবক ওইনা পাঙথোকনবা তকসিনখি। নাকল অনিমককি ইন্তরেস্তকি রিজনেল অমসুং গ্লোবেল ইসুশিংগী মতাংদসু ৱাখললোনশিং ফোংদোক্নখি।
নাকল অনিমক্না আর্তিফিসিএল ইন্তেলিজেন্স অমসুং ইমর্জিং তেক্নোলোজিশিং শিজিন্নদুনা লৈবাক অনিমক্কি মীয়ামগী মঙাল নাইরবা তুংলমচৎ অমা শেম শাবদা অকনবা ৱাফম থমখি।
প্রধান মন্ত্রী মোদীনা ভারতকি য়োগা অমসুং আয়ুর্বেদগী ৱেলনেস ত্রেদীসন্দা ক্রোয়েসিয়ানা পুক্নিং চঙবা অমসুং থাজবা থম্বা অদু য়াম্না থাগৎপা ফোঙদোকখি।
প্রধান মন্ত্রী মোদীনা লিশিং অনি কুনমঙাগী জুন থাদা ক্রোয়েসিয়াদা পুৱারি ওইরবা খোঙচৎ অমা চৎখি, মসি ভারতকি প্রধান মন্ত্রী অমনা অহানবা ওইনা পাংথোকখিবনি।
***
(রিলিজ আই.দি.: 2230136)
ভিজিতর কাউন্তর : 4
রিলিজ অসি মসিদা পাবীয়ু:
English
,
Urdu
,
हिन्दी
,
Marathi
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam