पंतप्रधान कार्यालय
पंतप्रधान नरेंद्र मोदी यांनी केले फ्रान्सच्या राष्ट्रपतींचे भारतात स्वागत; द्विपक्षीय संबंध बळकट करण्यावर दिला भर
Posted On:
17 FEB 2026 11:14AM by PIB Mumbai
नवी दिल्ली, 17 फेब्रुवारी 2026
पंतप्रधान नरेंद्र मोदी यांनी फ्रान्सचे अध्यक्ष इमॅन्युएल मॅक्रॉन यांचे भारतात हार्दिक स्वागत केले. त्यांच्या या भेटीमुळे भारत-फ्रान्स संबंध आणखी दृढ होतील, असा विश्वास पंतप्रधानांनी व्यक्त केला.
या भेटीचे महत्त्व अधोरेखित करताना पंतप्रधानांनी नमूद केले की, त्यांची मुंबई आणि नंतर दिल्लीतील भेट दोन्ही देशांमधील धोरणात्मक भागीदारीला नवीन गती देईल. भारत आणि फ्रान्सचे सहकार्य केवळ दोन्ही देशांनाच नाही तर व्यापक जागतिक समुदायालाही लाभदायक ठरेल, हे पंतप्रधानांनी पुन्हा एकदा अधोरेखित केले.
‘एक्स’वरील वेगवेगळ्या संदेशात पंतप्रधानांनी लिहिले:
“भारतात आपले स्वागत आहे!
भारत आपल्या भेटीसाठी आणि आपले द्विपक्षीय संबंध नवीन उंचीवर नेण्यासाठी उत्सुक आहे. मला विश्वास आहे की आपल्या चर्चा विविध क्षेत्रांमध्ये सहकार्य अधिक मजबूत करतील आणि जागतिक प्रगतीला हातभार लावतील.
माझे प्रिय मित्र @EmmanuelMacron, मुंबईत आणि नंतर दिल्लीत भेटू.’’
नितीन फुल्लुके /श्रद्धा मुखेडकर/प्रिती मालंडकर
सोशल मिडियावर आम्हाला फॉलो करा:
@PIBMumbai 
/PIBMumbai 
/pibmumbai 
pibmumbai[at]gmail[dot]com 
/PIBMumbai 
/pibmumbai
(Release ID: 2228998)
अभ्यागत कक्ष : 36