ಭಾರತದ ಉದಯೋನ್ಮುಖ ಮಾಧ್ಯಮ ಮತ್ತು ಮನರಂಜನಾ ನಾವೀನ್ಯತೆ ಪರಿಸರ ವ್ಯವಸ್ಥೆಗೆ ಪ್ರಮುಖ ಉತ್ತೇಜನ ನೀಡುವ ನಿಟ್ಟಿನಲ್ಲಿ, ಎವಿಜಿಸಿ-ಎಕ್ಸ್‌ ಆರ್‌ (ಅನಿಮೇಷನ್, ವಿಶ್ಯುವಲ್ ಎಫೆಕ್ಟ್ಸ್, ಗೇಮಿಂಗ್, ಕಾಮಿಕ್ಸ್ ಮತ್ತು ವಿಸ್ತೃತ ರಿಯಾಲಿಟಿ) ಮತ್ತು ಮೀಡಿಯಾ ಟೆಕ್ ವಲಯದ 51 ಭರವಸೆಯ ನವೋದ್ಯಮಗಳು, ಇಂಡಿಯಾ ಎಐ ಇಂಪ್ಯಾಕ್ಟ್ ಎಕ್ಸ್‌ ಪೋ 2026 ರ ಅವಧಿಯಲ್ಲಿ ವಾರ್ತಾ ಮತ್ತು ಪ್ರಸಾರ ಸಚಿವಾಲಯದ ಪ್ರಾಯೋಜಕತ್ವದ 'ವೇವ್ಸ್ ಕ್ರಿಯೇಟರ್ಸ್ ಕಾರ್ನರ್' ನಲ್ಲಿ ತಮ್ಮ ಉತ್ಪನ್ನಗಳು ಮತ್ತು ತಂತ್ರಜ್ಞಾನಗಳನ್ನು ಪ್ರದರ್ಶಿಸಲಿವೆ. ಈ ಎಕ್ಸ್ ಪೋ  ಫೆಬ್ರವರಿ 16 ರಿಂದ 20 ರವರೆಗೆ ಭಾರತ ಮಂಟಪದಲ್ಲಿ ನಡೆಯಲಿದೆ.

ಭಾರತದ ನಾವೀನ್ಯತೆ ಆಧಾರಿತ ಸೃಜನಶೀಲ ಆರ್ಥಿಕತೆಯನ್ನು ಬಲಪಡಿಸುವುದನ್ನು ಮುಂದುವರಿಸಿರುವ 'ವೇವ್ ಎಕ್ಸ್' ಬೆಂಬಲದೊಂದಿಗೆ ಈ ನವೋದ್ಯಮಗಳ ಭಾಗವಹಿಸುವಿಕೆಯನ್ನು ಸುಗಮಗೊಳಿಸಲಾಗಿದೆ. ವೇವ್ಸ್ ಕ್ರಿಯೇಟರ್ಸ್ ಕಾರ್ನರ್ ನವೋದ್ಯಮಗಳಿಗೆ ಎಐ-ಚಾಲಿತ ಪರಿಹಾರಗಳು, ತಲ್ಲೀನಗೊಳಿಸುವ ಕಥೆ ಹೇಳುವ ಸ್ವರೂಪಗಳು, ಗೇಮಿಂಗ್ ನಾವೀನ್ಯತೆಗಳು, ವರ್ಚುವಲ್ ನಿರ್ಮಾಣ ಉಪಕರಣಗಳು ಮತ್ತು ಮುಂದಿನ ಪೀಳಿಗೆಯ ವಿಷಯ ತಂತ್ರಜ್ಞಾನಗಳನ್ನು ಉದ್ಯಮದ ಮುಖಂಡರು, ಹೂಡಿಕೆದಾರರು, ನೀತಿ ನಿರೂಪಕರು ಮತ್ತು ಜಾಗತಿಕ ಪಾಲುದಾರರಿಗೆ ಪ್ರದರ್ಶಿಸಲು ಒಂದು ಕ್ರಿಯಾತ್ಮಕ ವೇದಿಕೆಯಾಗಿ ಕಾರ್ಯನಿರ್ವಹಿಸಲಿದೆ.

ಆಯ್ಕೆ ಮಾಡಲಾದ ಈ ತಂಡವು ಭಾರತದ ವೇಗವಾಗಿ ಬೆಳೆಯುತ್ತಿರುವ ಎವಿಜಿಸಿ-ಎಕ್ಸ್‌ ಆರ್‌ ವಲಯದ ವೈವಿಧ್ಯಮಯ ಪ್ರಾತಿನಿಧ್ಯವನ್ನು ಹೊಂದಿದೆ. ಎಐ-ಶಕ್ತಗೊಂಡ ಅನಿಮೇಷನ್ ಪೈಪ್‌ಲೈನ್‌ ಮತ್ತು ರಿಯಲ್-ಟೈಮ್ ರೆಂಡರಿಂಗ್ ಇಂಜಿನ್‌ ಗಳಿಂದ ಹಿಡಿದು, ತಲ್ಲೀನಗೊಳಿಸುವ ಎಕ್ಸ್‌ ಆರ್ ಅನುಭವಗಳು ಮತ್ತು ಗೇಮಿಫೈಡ್ ಕಲಿಕಾ ವೇದಿಕೆಗಳವರೆಗೆ, ಇಲ್ಲಿ ಪ್ರದರ್ಶನ ನೀಡುವ ನವೋದ್ಯಮಗಳು ವಿಷಯ (ಕಂಟೆಂಟ್)‌ ರಚನೆ, ವಿತರಣೆ ಮತ್ತು ಪ್ರೇಕ್ಷಕರ ತೊಡಗಿಸಿಕೊಳ್ಳುವಿಕೆಯನ್ನು ಮರು ವ್ಯಾಖ್ಯಾನಿಸುವಲ್ಲಿ ಕೃತಕ ಬುದ್ಧಿಮತ್ತೆಯ ಪರಿವರ್ತಕ ಸಾಮರ್ಥ್ಯವನ್ನು ಪ್ರತಿಬಿಂಬಿಸುತ್ತವೆ.

ಇಂಡಿಯಾ ಎಐ ಇಂಪ್ಯಾಕ್ಟ್ ಶೃಂಗಸಭೆ 2026 ರಲ್ಲಿ, "ವೇವ್ಸ್ ಕ್ರಿಯೇಟರ್ಸ್ ಕಾರ್ನರ್" ಮಾಧ್ಯಮ ನಾವೀನ್ಯತೆಯನ್ನು ಸಂದರ್ಶಕರ ತಲ್ಲೀನಗೊಳಿಸುವ ತೊಡಗಿಸಿಕೊಳ್ಳುವಿಕೆಯೊಂದಿಗೆ ಸಂಯೋಜಿಸುವ "ಐಡಿಯಾಸ್ ಫಾರ್ ಇಂಡಿಯಾ ಎಐ" ನ ಭವಿಷ್ಯದ ಶ್ರೇಣಿಯನ್ನು ಪ್ರದರ್ಶಿಸಲು ಸಜ್ಜಾಗಿದೆ. ನವೋದ್ಯಮಗಳು ಮತ್ತು ತಂತ್ರಜ್ಞಾನ ಅಭಿವರ್ಧಕರು "ಜೀರೋ-ಟಚ್ ಅಟೋನೊಮಸ್ ನ್ಯೂಸ್‌ ರೂಮ್" ಅನ್ನು ಪ್ರಸ್ತುತಪಡಿಸುತ್ತಿದ್ದಾರೆ. ಇದು ಮಾನವ ಹಸ್ತಕ್ಷೇಪವಿಲ್ಲದೆಯೇ ನೇರ ಕಾರ್ಯಕ್ರಮದ ಫೀಡ್‌ ಗಳನ್ನು ಹಿಂದಿ, ಇಂಗ್ಲಿಷ್ ಮತ್ತು ತಮಿಳು ಭಾಷೆಗಳಲ್ಲಿ ಬಹುಭಾಷಾ "ಬ್ರೇಕಿಂಗ್ ನ್ಯೂಸ್" ಬುಲೆಟಿನ್‌ ಗಳಾಗಿ ಪರಿವರ್ತಿಸುವ ಅದ್ಭುತ ವ್ಯವಸ್ಥೆಯಾಗಿದೆ. ಈ ಕಾರ್ನರ್‌ ನಲ್ಲಿ ಎಂಟು ಭಾರತೀಯ ಭಾಷೆಗಳಲ್ಲಿ ನೈಜ-ಸಮಯದ ಲಿಪ್-ಸಿಂಕ್ ಡಬ್ಬಿಂಗ್ ಅನ್ನು ಪ್ರದರ್ಶಿಸುವ ಬೃಹತ್ ವೀಡಿಯೊ ಗ್ರಿಡ್ ಆದ "ಭಾಷಾ-ವಾಲ್" ಮತ್ತು ಎಐ ಸಂಕೇತ ಭಾಷೆಯ ಅವತಾರವನ್ನು ಸಹ ಪ್ರದರ್ಶಿಸಲಾಗುತ್ತಿದೆ.

ಸಂವಾದಾತ್ಮಕ ಅನುಭವಗಳಿಗಾಗಿ, ಸಂದರ್ಶಕರು ಐತಿಹಾಸಿಕ ದಂತಕಥೆಗಳೊಂದಿಗೆ ಸಂವಹನ ನಡೆಸಲು "ಸಂವಾದ್ ಸೇತು" ಗೆ ಪ್ರವೇಶಿಸಬಹುದು, ಧ್ವನಿ ಆಜ್ಞೆಗಳ ಮೂಲಕ ಚಲನಚಿತ್ರ ದೃಶ್ಯಗಳನ್ನು ಬದಲಾಯಿಸಲು "ದ ಡೈರೆಕ್ಟರ್ಸ್ ಚೇರ್" ಅನ್ನು ಬಳಸಬಹುದು ಅಥವಾ ಕೆಲವೇ ಸೆಕೆಂಡುಗಳಲ್ಲಿ ಪ್ರಸಾರ-ಗುಣಮಟ್ಟದ ಗೀತೆಗಳನ್ನು ರಚಿಸಲು "ಸ್ವರ ಸಂಗಮ" ವನ್ನು ಬಳಸಿಕೊಳ್ಳಬಹುದು. ಹೆಚ್ಚುವರಿ ಮುಖ್ಯಾಂಶಗಳಲ್ಲಿ ನೈಜ-ಸಮಯದ ಬಹುಭಾಷಾ ಸಂದರ್ಶನಗಳಿಗಾಗಿ ಎಐ-ಚಾಲಿತ ಪಾಡ್‌ಕ್ಯಾಸ್ಟ್ ಸ್ಟುಡಿಯೋ, ಸಂಭಾಷಣೆ ನಡೆಸುವ ಎಐ ಹ್ಯೂಮನಾಯ್ಡ್ ರೋಬೋಟ್ ಮತ್ತು ವಾಯ್ಸ್ ಕ್ಲೋನಿಂಗ್ ಸ್ಟೇಷನ್ ಸೇರಿವೆ, ಅಲ್ಲಿ ಪಾಲ್ಗೊಳ್ಳುವವರು ವಿವಿಧ ಭಾರತೀಯ ಭಾಷೆಗಳಲ್ಲಿ ನಿರರ್ಗಳವಾಗಿ ಮಾತನಾಡುವುದನ್ನು ಕೇಳಿಸಿಕೊಳ್ಳಬಹುದು.

ಇದಲ್ಲದೆ, ಭಾಷಾಸೇತು ಮತ್ತು ಕಲಾ ಸೇತು ಸವಾಲುಗಳ ಅಡಿಯಲ್ಲಿ ವಿಜೇತರಾಗಿ ಹೊರಹೊಮ್ಮಿದ ನವೋದ್ಯಮಗಳು ಸಹ ಎಕ್ಸ್ ಪೋ ದಲ್ಲಿ ಭಾಗವಹಿಸಿ ತಮ್ಮ ಉತ್ಪನ್ನಗಳನ್ನು ಪ್ರದರ್ಶಿಸಲಿವೆ. ಭಾಷಾ ತಂತ್ರಜ್ಞಾನಗಳು ಮತ್ತು ಸಾಂಸ್ಕೃತಿಕ-ತಾಂತ್ರಿಕ ಅನ್ವಯಿಕೆಗಳಲ್ಲಿನ ಅವರ ನವೀನ ಪರಿಹಾರಗಳಿಗಾಗಿ ಗುರುತಿಸಲ್ಪಟ್ಟಿರುವ ಈ ಸವಾಲು-ವಿಜೇತ ನವೋದ್ಯಮಗಳು, ಭಾಷಾ ಪ್ರವೇಶವನ್ನು ಹೆಚ್ಚಿಸುವ, ಸಾಂಸ್ಕೃತಿಕ ಪರಂಪರೆಯನ್ನು ಸಂರಕ್ಷಿಸುವ ಮತ್ತು ವೈವಿಧ್ಯಮಯ ಪ್ರೇಕ್ಷಕರಿಗೆ ಭಾರತೀಯ ಸೃಜನಶೀಲ ವಿಷಯದ ವ್ಯಾಪ್ತಿಯನ್ನು ವಿಸ್ತರಿಸುವ ಎಐ-ಚಾಲಿತ ಸಾಧನಗಳನ್ನು ಪ್ರದರ್ಶಿಸಲಿವೆ.

ವೇವ್ ಎಕ್ಸ್ ಬಗ್ಗೆ

ವೇವ್ ಎಕ್ಸ್ ವಾರ್ತಾ ಮತ್ತು ಪ್ರಸಾರ ಸಚಿವಾಲಯದ 'ವೇವ್ಸ್' ಉಪಕ್ರಮದ ಅಡಿಯಲ್ಲಿ ಮಾಧ್ಯಮ, ಮನರಂಜನೆ ಮತ್ತು ಭಾಷಾ ತಂತ್ರಜ್ಞಾನದ ಪರಿಸರ ವ್ಯವಸ್ಥೆಯಲ್ಲಿ ನಾವೀನ್ಯತೆಯನ್ನು ಉತ್ತೇಜಿಸುವ ಉದ್ದೇಶಿತ ನವೋದ್ಯಮ ವೇಗವರ್ಧಕ ವೇದಿಕೆಯಾಗಿದೆ. ಭಾರತದ ಮುಂದಿನ ಪೀಳಿಗೆಯ ಸೃಜನಶೀಲ ಮತ್ತು ತಂತ್ರಜ್ಞಾನ ಆಧಾರಿತ ನವೋದ್ಯಮಗಳನ್ನು ಬೆಂಬಲಿಸಲು ಪ್ರಾರಂಭಿಸಲಾದ ವೇವ್ ಎಕ್ಸ್, ನಾವೀನ್ಯಕಾರರು, ಸರ್ಕಾರಿ ಸಂಸ್ಥೆಗಳು ಮತ್ತು ಉದ್ಯಮದ ಮುಖಂಡರ ನಡುವೆ ಸೇತುವೆಯಾಗಿ ಕಾರ್ಯನಿರ್ವಹಿಸುತ್ತದೆ. ವೇವ್ ಎಕ್ಸ್ ಕೇಂದ್ರೀಕೃತ ಹ್ಯಾಕಥಾನ್‌ ಗಳು, ರಚನಾತ್ಮಕ ಇನ್ಕ್ಯುಬೇಶನ್ ಕಾರ್ಯಕ್ರಮಗಳು, ಮಾರ್ಗದರ್ಶನ ಮತ್ತು ರಾಷ್ಟ್ರೀಯ ವೇದಿಕೆಗಳೊಂದಿಗೆ ಸಂಯೋಜನೆಯ ಮೂಲಕ ಅದ್ಭುತ ಆಲೋಚನೆಗಳನ್ನು ಬೆಂಬಲಿಸುತ್ತದೆ. ಬಲವಾದ ಮತ್ತು ತಡೆರಹಿತ ಇನ್ಕ್ಯುಬೇಶನ್ ಪರಿಸರ ವ್ಯವಸ್ಥೆಯನ್ನು ಖಚಿತಪಡಿಸಿಕೊಳ್ಳಲು, ವೇವ್ ಎಕ್ಸ್ ಹೈದರಾಬಾದಿನ ಟಿ-ಹಬ್ ಮತ್ತು ಐಐಟಿ ದೆಹಲಿಯೊಂದಿಗೆ ಪಾಲುದಾರಿಕೆ ಹೊಂದಿದ್ದು, ಭಾರತದ ಒಂಬತ್ತು ಇನ್ಕ್ಯುಬೇಶನ್ ಕೇಂದ್ರಗಳಲ್ಲಿ ಕಾರ್ಯನಿರ್ವಹಿಸುತ್ತಿದೆ, ಅವುಗಳೆಂದರೆ: ಐಐಸಿಟಿ ಮುಂಬೈ, ಎಫ್‌ ಟಿ ಐ ಐ ಪುಣೆ, ಎಸ್‌ ಆರ್‌ ಎಫ್‌ ಟಿ ಐ ಕೋಲ್ಕತ್ತಾ, ಐಐಎಂಸಿ ದೆಹಲಿ, ಐಐಎಂಸಿ ಐಜ್ವಾಲ್, ಐಐಎಂಸಿ ಅಮರಾವತಿ, ಐಐಎಂಸಿ ಧೆಂಕನಲ್, ಐಐಎಂಸಿ ಕೊಟ್ಟಾಯಂ ಮತ್ತು ಐಐಎಂಸಿ ಜಮ್ಮು.

******