نائب صدر جمہوریہ ہند کا سکریٹریٹ
نائب صدر نے انڈیا اے آئی امپیکٹ سمٹ کی کامیابی کے لیےنیک خواہشات پیش کیں
پوسٹ کرنے کی تاریخ:
16 FEB 2026 2:01PM by PIB Delhi
نائب صدر جناب سی پی رادھا کرشنن نے نئی دہلی کے بھارت منڈپم میں انڈیا اے آئی امپیکٹ سمٹ کے آغاز پر اپنی نیک خواہشات کا اظہار کیا ہے ۔
ایک سوشل میڈیا پوسٹ میں نائب صدر نے کہا کہ ہندوستان عوام پہلے اور جمہوری اے آئی مستقبل کی تشکیل کے لیے عالمی کوششوں میں سب سے آگے ہے ۔ انہوں نے کہا کہ یہ وژن سمٹ کے تھیم ‘‘سروجن ہتائے ، سروجن سکھائے’’ میں مناسب طور پر جھلکتا ہے ، جو سب کی فلاح و بہبود اور خوشی کے لیے اے آئی کو اجاگر کرتا ہے۔
مصنوعی ذہانت کے بارے میں ہندوستان کے نقطہ نظر پر زور دیتے ہوئے ، انہوں نے کہا کہ عوامی بھلائی ، رسائی اور عالمی تعاون کو مصنوعی ذہانت کے ارتقاء کے مرکز میں رکھ کر ، ہندوستان گلوبل نارتھ کی تکنیکی طاقت کو گلوبل ساؤتھ کے پیمانے اور صلاحیت سے جوڑنا چاہتا ہے ، اس طرح دنیا بھر میں جامع اور مشترکہ ترقی کو آگے بڑھاتا ہے ۔
پچھلے سال پیرس میں اے آئی ایکشن سمٹ میں وزیر اعظم جناب نریندر مودی کے الفاظ کو یاد کرتے ہوئے نائب صدر نے کہاکہ‘‘کچھ لوگ مشینوں کے انسانوں کی ذہانت سے برتر ہونے کے بارے میں فکر مند ہیں ۔ لیکن ہمارے اجتماعی مستقبل اور مشترکہ تقدیر کی کلید ہم انسانوں کے علاوہ کسی کے پاس نہیں ہے ۔’’ انہوں نے اس بات پر زور دیا کہ مصنوعی ذہانت کو انسان پر مرکوز رہنا چاہیے اور ذمہ داری سے رہنمائی کرنی چاہیے ۔
نائب صدر نے انڈیا اے آئی امپیکٹ سمٹ کی شاندار کامیابی کے لیے نیک خواہشات کا اظہار کیا ۔
****
(ش ح ۔ ض ر ۔اش ق)
U. No. 2519
(ریلیز آئی ڈی: 2228663)
وزیٹر کاؤنٹر : 19