ਭਾਰਤੀ ਨੇਵੀ ਨੇ ਹਿੰਦ ਮਹਾਸਾਗਰ ਖੇਤਰ ਅਤੇ ਉਸ ਤੋਂ ਵੀ ਅੱਗੇ ਦੀ ਸਹਿਯੋਗਾਤਮਕ ਸਮੁੰਦਰੀ ਸੁਰੱਖਿਆ ਅਤੇ ਸਮਰੱਥਾ ਨਿਰਮਾਣ ਲਈ ਭਾਰਤ ਦੀ ਪ੍ਰਤੀਬੱਧਤਾ ਨੂੰ ਰੇਖਾਂਕਿਤ ਕਰਨ ਵਾਲੇ ਇੱਕ ਇਤਿਹਾਸਕ ਘਟਨਾਕ੍ਰਮ ਵਿੱਚ, ਸੰਯੁਕਤ ਸਮੁੰਦਰੀ ਬਲਾਂ (ਸੀਐੱਮਐੱਫ) ਦੇ ਅਧੀਨ ਇੱਕ ਪ੍ਰਮੁੱਖ ਬਹੁਰਾਸ਼ਟਰੀ ਟ੍ਰੇਨਿੰਗ ਕਾਰਜ ਬਲ, ਸੰਯੁਕਤ ਕਾਰਜ ਬਲ (ਸੀਟੀਐੱਫ) 154 ਦੀ ਕਮਾਨ ਸੰਭਾਲੀ ਹੈ।

ਕਮਾਨ ਪਰਿਵਰਤਨ ਸਮਾਰੋਹ 11 ਫਰਵਰੀ 2026 ਨੂੰ ਬਹਰੀਨ ਦੇ ਮਨਾਮਾ ਸਥਿਤ ਸੀਐੱਮਐੱਫ ਹੈੱਡਕੁਆਟਰ ਵਿੱਚ ਆਯੋਜਿਤ ਕੀਤਾ ਗਿਆ, ਜਿਸ ਦੀ ਪ੍ਰਧਾਨਗੀ ਸੀਐੱਮਐੱਫ/ਯੂਐੱਸ ਨੇਵਸੈਂਟ/ਯੂਐੱਸ ਫਿਫਥ ਫਲੀਟ ਦੇ ਕਮਾਂਡਰ ਵਾਈਸ ਐਡਮਿਰਲ ਕਰਟ ਏ ਰੇਨਸ਼ੌਅ ਨੇ ਕੀਤੀ। ਇਸ ਮੌਕੇ ‘ਤੇ, ਭਾਰਤੀ ਨੇਵੀ ਦੇ ਡਿਪਟੀ ਚੀਫ਼ ਔਫ ਦਾ ਨੇਵਲ ਸਟਾਫ (ਡੀਸੀਐੱਨਐੱਸ) ਵਾਈਸ ਐਡਮਿਰਲ ਤਰੁਣ ਸੋਬਤੀ ਅਤੇ ਹੋਰ ਮੈਂਬਰ ਦੇਸ਼ਾਂ ਦੇ ਸੀਨੀਅਰ ਮਿਲਟਰੀ ਲੀਡਰ ਮੌਜੂਦ ਸਨ। ਭਾਰਤੀ ਨੇਵੀ ਦੇ ਸ਼ੌਰਯ ਚੱਕਰ ਪ੍ਰਾਪਤ ਕਮੋਡੋਰ ਮਿਲਿੰਦ ਐੱਮ ਮੋਕਾਸ਼ੀ (Cmde Milind M Mokashi) ਨੇ ਇਤਾਲਵੀ ਨੇਵੀ ਦੇ ਆਉਟਗੋਇੰਗ ਕਮਾਂਡਰ ਤੋਂ ਸੀਟੀਐੱਫ 154 ਦੇ ਕਮਾਂਡਰ ਦਾ ਅਹੁਦਾ ਰਸਮੀ ਤੌਰ ‘ਤੇ ਸੰਭਾਲਿਆ।

ਸੀਟੀਐੱਫ 154 ਵਿਸ਼ੇਸ਼ ਤੌਰ ‘ਤੇ ਸੀਐੱਮਐੱਫ ਦੇ ਮੈਂਬਰ ਦੇਸ਼ਾਂ ਦੇ ਟ੍ਰੇਨਿੰਗ ਅਤੇ ਸਮਰੱਥਾ ਨਿਰਮਾਣ ‘ਤੇ ਕੇਂਦ੍ਰਿਤ ਹੈ। ਇਹ ਸੀਐੱਮਐੱਫ ਦੇ 47 ਦੇਸ਼ਾਂ ਦਰਮਿਆਨ ਭਾਰਤ ਦੀ ਪੇਸ਼ੇਵਰ ਮਾਹਿਰਾਂ, ਚਾਲਨ ਅਨੁਭਵ ਅਤੇ ਤਰਜ਼ੀਹੀ ਸੁਰੱਖਿਆ ਭਾਗੀਦਾਰ ਵਜੋਂ ਖੇਤਰ ਦੇ ਵਧਦੇ ਵਿਸ਼ਵਾਸ ਨੂੰ ਦਰਸਾਉਂਦਾ ਹੈ।

ਮਈ 2023 ਵਿੱਚ ਸਥਾਪਿਤ ਸੀਟੀਐੱਫ 154, ਮਿਡਲ ਈਸਟ ਅਤੇ ਵਿਆਪਕ ਖੇਤਰ ਵਿੱਚ ਬਹੁ-ਰਾਸ਼ਟਰੀ ਪ੍ਰੋਗਰਾਮਾਂ ਰਾਹੀਂ ਸਮੁੰਦਰੀ ਸੁਰੱਖਿਆ ਨੂੰ ਹੁਲਾਰਾ ਦੇਣ ਲਈ ਸਮਰਪਿਤ ਹੈ।

ਇਹ ਟ੍ਰੇਨਿੰਗ 5 ਮੁੱਖ ਥੰਮ੍ਹਾਂ ਸਮੁੰਦਰੀ ਖੇਤਰ ਜਾਗਰੂਕਤਾ (ਐੱਮਡੀਏ), ਸਮੁੰਦਰੀ ਕਾਨੂੰਨ, ਸਮੁੰਦਰੀ ਰੁਕਾਵਟ ਸੰਚਾਲਨ, ਸਮੁੰਦਰੀ ਬਚਾਅ ਅਤੇ ਸਹਾਇਤਾ ਅਤੇ ਲੀਡਰਸ਼ਿਪ ਵਿਕਾਸ ‘ਤੇ ਕੇਂਦ੍ਰਿਤ ਹੈ। ਇਹ ਟਾਸਕ ਫੋਰਸ ਨਿਯਮਿਤ ਤੌਰ 'ਤੇ ਸਮੁੰਦਰੀ ਸੁਰੱਖਿਆ ਵਧਾਉਣ ਦੀ ਟ੍ਰੇਨਿੰਗ (MSET) ਪ੍ਰੋਗਰਾਮ, ਕੰਪਾਸ ਰੋਜ਼ ਅਤੇ ਉੱਤਰੀ/ਦੱਖਣੀ ਤੀਬਰਤਾ ਵਰਗੇ ਅਭਿਆਸ ਆਯੋਜਿਤ ਕਰਦਾ ਹੈ, ਅਤੇ ਗੈਰ-ਕਾਨੂੰਨੀ ਤਸਕਰੀ, ਸਮੁੰਦਰੀ ਡਕੈਤੀ ਅਤੇ ਅਨਿਯਮਿਤ ਪ੍ਰਵਾਸ ਵਰਗੇ ਸਾਂਝੇ ਖਤਰਿਆਂ ਦੇ ਵਿਰੁੱਧ ਭਾਈਵਾਲ ਦੇਸ਼ਾਂ ਦੀਆਂ ਸੰਚਾਲਨ ਸਮਰੱਥਾਵਾਂ ਨੂੰ ਮਜ਼ਬੂਤ ​​ਕਰਨ ਲਈ ਕਨੈਕਟੀਵਿਟੀ ਪ੍ਰੋਗਰਾਮ ਚਲਾਉਂਦੀ ਹੈ।

ਸੀਟੀਐੱਫ 154, ਸੀਐੱਮਐੱਫ ਦੇ ਹੋਰ ਟਾਸਕ ਫੋਰਸ ਨਾਲ ਮਿਲ ਕੇ ਸੀਟੀਐੱਫ 150 (ਸਮੁੰਦਰੀ ਸੁਰੱਖਿਆ), ਸੀਟੀਐੱਫ 151 (ਸਮੁੰਦਰੀ ਡਕੈਤੀ ਵਿਰੋਧੀ ਅਭਿਆਨ), ਸੀਟੀਐੱਫ 152 (ਅਰਬ ਦੀ ਖਾੜੀ ਵਿੱਚ ਸਮੁੰਦਰੀ ਸੁਰੱਖਿਆ) ਅਤੇ ਸੀਟੀਐੱਫ 153 (ਲਾਲ ਸਾਗਰ ਵਿੱਚ ਸਮੁੰਦਰੀ ਸੁਰੱਖਿਆ) ਕਾਰਜਾਂ ਨੂੰ ਅੰਜਾਮ ਦਿੰਦਾ ਹੈ।

ਭਾਰਤੀ ਨੇਵੀ ਇੱਕ ਸਫਲ ਕਾਰਜਕਾਲ ਪ੍ਰਤੀ ਆਸ਼ਾਵਾਦੀ ਹੈ, ਜਿਸ ਵਿੱਚ ਉੱਚ ਪ੍ਰਭਾਵੀ ਟ੍ਰੇਨਿੰਗ ਪਹਿਲ ਪ੍ਰਦਾਨ ਕਰਨਾ ਅਤੇ ਸ਼ਾਂਤੀ, ਸਮ੍ਰਿੱਧੀ ਅਤੇ ਸੁਰੱਖਿਆ ਲਈ ਆਲਮੀ ਸਮੁੰਦਰੀ ਸਾਂਝੇਦਾਰੀ ਨੂੰ ਮਜ਼ਬੂਤ ਬਣਾਉਣਾ ਸ਼ਾਮਲ ਹੈ।

*************

ਵੀਐੱਮ/ਐੱਸਪੀਐੱਸ/ਏਕੇ