مرکزی وزیر برائے مواصلات اور شمال مشرقی خطے کی ترقی، جناب جیوترادتیہ سندھیا نے آج راجیہ سبھا میں ایک تحریری جواب میں پارلیمنٹ کو ڈیجیٹل انٹیلی جنس پلیٹ فارم(ڈی آئی پی) اورڈی آئی پی کی بدولت سائبر/ٹیلی کام دھوکہ دہی میں کمی کے بارے میں آگاہ کیا، جو موضوع’’سائبر/ٹیلی کام دھوکہ دہی میں کمی‘‘ سے متعلق ایک سوال پر دیا گیا۔ تفصیلات درج ذیل ہیں:

محکمہ ڈاک و ٹیلی کام (ڈی او ٹی ) نےڈی آئی پی تیار کیا ہے، جو ایک محفوظ آن لائن پلیٹ فارم ہے، جس کے ذریعے  متعلقہ فریقین کے ساتھ دو طرفہ معلومات کا تبادلہ ممکن ہے تاکہ ٹیلی کام وسائل کے غلط استعمال کو سائبر جرائم اور مالی دھوکہ دہی میں روکا جا سکے۔

ڈی آئی پی پر 1,200 سے زائد تنظیمیں شامل کی گئی ہیں، جن میں مرکزی سیکیورٹی ایجنسیاں، 36 ریاستوں اور مرکز کے زیر انتظام علاقوں کے پولیس محکمے، انڈین سائبر کرائم کوآرڈینیشن سینٹر (14 سی)، بینک، یونیفائیڈ پیمنٹس انٹرفیس (یو پی آئی )سروس فراہم کرنے والے، پیمنٹ سسٹم آپریٹرز، اور ٹیلی کام سروس پرووائیڈرز (ٹی ایس پی) شامل ہیں۔

ڈی آئی پی پر شامل متعلقہ فریقین  موبائل نمبر جو سائبر کرائم اور مالی فراڈ میں غلط استعمال کے مشتبہ ہیں، ڈی او ٹی کے ساتھ  اشتراک کر سکتے ہیں۔ متعلقہ فریقین کی جانب سے اشتراک کیے گئے ڈیٹا کا تجزیہ ڈی او ٹی کے ذریعے کیا جاتا ہے۔اہم  کامیا بیاں درج ذیل ہیں:

(i)  اے ایس ٹی آر:یہ ایک مصنوعی ذہانت اور بگ ڈیٹا اینالٹکس ٹول ہے جو مشتبہ موبائل کنکشن کی نشاندہی کرتا ہے۔ ایسے نمبرز  ڈی آئی پی  کے ذریعے ٹیلی کام سروس پرووائیڈرز (ٹی ایس پی) کے ساتھ شیئر کیے جاتے ہیں۔  دوبارہ تصدیق کے عمل میں ناکامی کے بعد 88 لاکھ سے زائد ایسے موبائل کنکشن منقطع کر دیے گئے ہیں۔

(ii) انٹرنیشنل انکمینگ سپوفڈ کالز پریونشن سسٹم (سی آئی اوآر): یہ ایک ایسا نظام ہے جو انٹرنیشنل کال کی پہچان کرتا ہے اور بلاک کرتا ہے جو بھارتی موبائل نمبر ظاہر کرتے ہیں اور جو بظاہر بھارت سے آرہی ہیں۔ 17 اکتوبر 2024 کو اس کے شروع ہونے کے بعد، سی آئی اور آر نے نمایاں  کامیابیاں حاصل کی ہیں ، 24 گھنٹوں میں 1.35 کروڑ کالز کو بلاک کیا اور بھارتی کالنگ لائن شناخت کے ساتھ جعلی فون کال میں تقریباً 99 فیصد کمی  ہوئی ۔ جو کال اب بھی انٹرنیشنل گیٹ ویز پر پہنچتی ہیں، وہاں بلاک کر دی جاتی ہیں۔

(iii) فنانشل فراڈ رسک انڈیکیٹر(ایف آر آئی): یہ ایک رسک پر مبنی میٹرک ہے جو مشتبہ موبائل نمبر کو مالی دھوکہ دہی کے متوسط، زیادہ، یا بہت زیادہ خطرے کے حساب سے درجہ بندی کرتا ہے۔ ایف آر آئی متعلقہ فریقین—خاص طور پر بینک، نان بینکنگ فنانشل کمپنیز (این بی ایف سی)، اور یو پی آئی سروس فراہم کنندگان—کو اس قابل بناتا ہے کہ وہ نفاذی اقدامات کو ترجیح دیں اور اضافی کسٹمر پروٹیکشن اقدامات کریں، جیسے کہ بہتر جانچ، ضروری ریئل ٹائم ردعمل کے پروٹوکولز (الرٹس، لین دین میں تاخیر، وارننگز، لین دین کی مستردگی وغیرہ)۔ مئی 2025 میں لانچ ہونے کے بعد، مالی اداروں نے رپورٹ کیا کہ ایف آر آئی کے ذریعے دی گئی الرٹس یا شہریوں کو نوٹیفیکیشن کی بنیاد پر 1,400 کروڑ روپے سے زائد کے ممکنہ دھوکہ دہی کو روکا گیا ہے۔

(iv) شہریوں کی جانب سے سنچار ساتھی پر شیئر کی گئی 7.93 لاکھ مشتبہ دھوکہ دہی سے متعلق کمیونیکیشن رپورٹس کی بنیاد پر 39.53 لاکھ موبائل کنکشن منقطع کیے گئے ہیں۔

ڈیٹا کے تجزیے کو  ڈی او ٹی شراکت داروں کے ساتھ ڈی آئی پی پر موبائل نمبر ری ووکیشن لسٹ کی شکل میں شیئر کرتا ہے، جو منقطع شدہ موبائل نمبر، ان کے منقطع ہونے کی وجوہات اور تاریخ کے ساتھ فراہم کی جاتی ہے، نیز  ایف آر آئی بھی شامل ہے۔ متعلقہ فریقین بدلے میں اقدامات کی رپورٹس اور وہ موبائل نمبر جو سائبر کرائم اور مالی دھوکہ دہی میں غلط استعمال ہو سکتے ہیں، شیئر کرتے ہیں۔

(STARRED-RS-141-120226)

****

 (ش ح ۔   ع و۔ش ب ن)

U. No. 2278

(ریلیز آئی ڈی: 2227154) وزیٹر کاؤنٹر : 7