تجارت و صنعت کے مرکزی وزیر  جناب پیوش گویل نے آج میڈٹیک اسٹارٹ اپس پر زور دیا کہ وہ صرف ملکی مارکیٹ تک محدود نہ رہیں، بلکہ بھارت کے بڑھتے ہوئے تجارتی معاہدوں سے فائدہ اٹھائیں جو تقریباً 70 فیصد عالمی جی ڈی پی کااحاطہ کرتے ہیں، اور کم خرچ اور اہم اختراعات کو نہ صرف بھارت بلکہ دنیا بھر میں فراہم کریں۔

نئی دہلی میں فائزر ان ڈوویشن اسٹارٹ اپ شوکیس پروگرام سے خطاب کرتے ہوئے، وزیر موصوف نے اس بات پر زور دیا کہ کم خرچ اور اعلی معیار کی  میڈیکل ٹیکنالوجی بھارت کے سب سے دور دراز علاقوں تک پہنچنے میں مدد دے سکتی ہے اور افریقہ، لاطینی امریکہ، وسطی ایشیا، جنوب مشرقی ایشیا اور ترقی یافتہ معیشتوں سمیت عالمی مارکیٹ تک رسائی کو ممکن بنا سکتی ہے۔

انہوں نے بتایا کہ پچھلے تین سالوں میں طے پانے والے نو آزاد تجارتی معاہدے 38 ایسے ممالک پر محیط ہیں جہاں فی کس آمدنی زیادہ ہے، اور زیادہ تر ترقی یافتہ مارکیٹیں اب بھارت کے ساتھ تجارتی تعلقات رکھتی ہیں۔ ان معاہدوں میں 27 ممالک پر مشتمل یورپی یونین (ای یو) بلاک، چار ممالک پر مشتمل ای ایف ٹی اے (ای ایف ٹی اے) بلاک، برطانیہ، آسٹریلیا اور نیوزی لینڈ، امریکہ شامل ہیں، جبکہ جاپان اور کوریا کے معاہدے پہلے ہی طے پا چکے ہیں، اور آسیان ممالک بھی شامل ہیں۔ انہوں نے کہا کہ بھارت کو اب عالمی جی ڈی پی کے 70 فیصد تک مارکیٹ تک رسائی حاصل ہے، زیادہ تر معاملات میں بھارتی مصنوعات پر صفر ڈیوٹی ہے۔

جناب گویل نے کہا کہ اسٹارٹ اپس کو صرف ملکی مارکیٹ تک محدود نہیں رہنا چاہیے اور انہیں عالمی میلوں اور نمائشوں میں حصہ لینا چاہیے۔ انہوں نے یقین دہانی کرائی کہ وزارت تجارتی وفود کی معاونت کرے گی اور بھارت کے 190 سے زائد ممالک میں موجود سفارتی مشنز موجدین کی مدد کے لیے دستیاب ہیں۔ انہوں نے ترقی یافتہ مارکیٹ تک رسائی کے لیے 100 سے زائد ممالک میں موجود عالمی کمپنیوں کے ساتھ تعاون کی بھی حوصلہ افزائی کی۔

وزیر نے اس بات پر زور دیا کہ کم خرچ اور اعلی پیمانے کی میڈٹیک مصنوعات لاگت  میں  کمی لا سکتی ہیں اور معاشی پیمانے کے ذریعے معیار کو بہتر بنا سکتی ہیں۔ پروگرام میں موجود اسٹارٹ اپس کا حوالہ دیتے ہوئے، انہوں نے بتایا کہ بہت سے اسٹارٹ اپس نےسی ڈی ایس سی  او کی منظوری حاصل کر لی ہے اور کچھ ا یف ڈی اے کی منظوری کے قریب ہیں، جو انہیں بین الاقوامی سطح پر توسیع کاموقع فراہم کرتا ہے۔

وزیرموصوف نے اس بات پر زور دیا کہ اختراعات کو بھارت کی روزمرہ ضروریات اور زمینی سطح کی اہم ترجیحات کو پورا کرنا چاہیے۔ انہوں نے کامیابی کی  داستان پیش کرنے کی اہمیت کو اجاگر کیا اور اسٹارٹ اپ انڈیا، پرائیویٹ سیکٹر اور میڈیا سے کہا کہ وہ ایسے کاروباری افراد کی جوابتدائی طورپرکامیاب نہ ہوں  ان کی  حوصلہ افزائی کریں۔

جناب گویل نے کہا کہ ناکامی بدنامی نہیں بلکہ کامیابی کی طرف ایک قدم ہے اور ابراہم لنکن کی مثال دی، جو تعلیم، کاروبار، قانون اور انتخابات میں بار بار ناکام ہونے کے باوجود امریکہ کے صدر بنے۔ انہوں نے نوجوان موجدین پر زور دیا کہ وہ ثابت قدم رہیں۔

جناب گویل نے آندھرا پردیش میڈٹیک زون(اے ایم ٹی زیڈ) کا حوالہ دیا جو وشاکھاپٹنم کے قریب ہے اور شمالی بھارت میں، ممکنہ طور پر راجستھان یا اتر پردیش میں، یا ا ین آئی سی ڈی سی کے صنعتی منصوبوں میں طبی آلات کے لیے مختص زمین اور اسٹارٹ اپس کے لیے مشترکہ ورکنگ اسپیس کے ساتھ، اسی طرح کی سہولت قائم کرنے میں دلچسپی ظاہر کی۔ انہوں نے قریبی اسکولوں میں ٹنکرنگ لیبز قائم کرنے کا بھی مشورہ دیا تاکہ ایک ہمہ جہتی ماحولیاتی نظام تیار ہو۔

وزیرموصوف نے بتایا کہ بھارت میں 2,00,000 سے زائد اسٹارٹ اپس رجسٹرڈ ہیں اور کئی غیر رجسٹرڈ ہیں اور بھارت کو ایک قابل اعتماد اور معتبر عالمی شراکت دار بنانے کے ہدف کو دوہرایا۔

انہوں نے اعلان کیا کہ تین مزید نیشنل انسٹی ٹیوٹ آف فارماسوٹیکل ایجوکیشن اینڈ ریسرچ (این آئی پی ای آر) قائم کیے جا رہے ہیں، جبکہ سات موجودہ این آئی پی ای آر کی اپ گریڈیشن بھی کی جائے گی۔ مشرقی بھارت میں نیا نیشنل انسٹی ٹیوٹ آف ڈیزائن (این آئی ڈی) قائم کیا جائے گا، جس کے لیے ریاستیں بہترسےبہتر تجویز پیش کرنے کےلئے مقابلہ کریں گی۔ انہوں نے تجویز دی کہ این آئی ڈی اسٹارٹ اپس ممکنہ طور پر پرو بونو پروگرامز کے ذریعے مصنوعات کے ڈیزائن، بصری اپیل اور مجموعی معیار بہتر بنانے میں مدد کر سکتا ہے۔

جناب گویل نے یہ بھی بتایا کہ اسٹارٹ اپس کو حقیقی اختراعات کی حمایت کے لیے آئی پی فیس پر 80 فیصد رعایت ملتی ہے، جبکہ غیر ضروری درخواستوں کو روکا جاتا ہے۔ انہوں نے یقین دلایا کہ وزارت کے دروازے 24x7 کھلے رہیں گے، جسے وقف اسٹارٹ اپ انڈیا ٹیم کی حمایت حاصل ہے۔

اپنے خطاب کے اختتام پر وزیر موصوف نے وزیراعظم جناب نریندر مودی کے یوم آزادی کے پیغام کا حوالہ دیا:

‘‘نوجوانوں، اپنے اختراعی خیالات آگے لائیں۔ میں آپ کے ساتھ کھڑا ہوں۔ میں اس سفر میں آپ کا شریک بننے کے لیے تیار ہوں۔’’

   ***

UR-2270

(ش ح۔ش ب ۔ ف ر )