প্রধানমন্ত্রীগী লোইশঙ
প্রধান মন্ত্রীনা ছত্তিসগরগী মীয়ামদা “বস্তর পান্দম” ফেস্তিবেলগী অখন্নবা থৌরম পাংথোকপগীদমক নুংঙাইবা ফোংদোকখ্রে
থাগৎখিবা:
10 FEB 2026 10:42AM by PIB Imphal
প্রধান মন্ত্রী, শ্রী নরেন্দ্র মোদীনা ফেব্রুৱারী ৭দগী ৯ ফাওবা ছত্তিসগরদা ‘বস্তর পান্দুম’ ফেস্তিবেলগী অখন্নবা থৌরম পাংথোকপগীদমক ছত্তিসগরগী মীয়ামদা নুংঙাইবা ফোংদোকখ্রে। কুমহৈ অসিগী মনুংদা, বস্তরগী ফজরবা কলচর, ত্রেদিসন অমসুং ত্রাইবেল হেরিতেজ অসি শিংথানিংঙাই ওইবা মওংদা উৎখি। শ্রী মোদীনা হায়খি মদুদি অসিগুম্বা থৌরমশিং অসিনা ঐখোয়গী কলচরেল হেরিতেজ অসি ঙাক-শেন্দুনা থম্বদা অমসুং লোকেল কম্ম্যুনিতীশিংবু শক্তি লৈহনবদা মরুওইবা থৌদাং অমা লৌরি।
“মমাংদা, বস্তারগী মিং হেক পনবা মতমদা, মাওইজম, হিংসা অমসুং চাউখৎ-থৌরাংগী লমদা শোত্থদুনা লৈহৌরবা মওং-মতৌশিং অমা ওইনা খল্লম্মি। অদুবু হৌজিক্তি ফিভম অসি মপুং ফানা হোংখ্রে। ঙসিদি বস্তর অসি চাউখৎপগীদমক্তা খক নত্তনা মফম অসিগী মীয়ামগী মশাদা থাজবা হেনগৎলকপগীদমক্তসু মমিং চৎলি। ঐহাক্কী অমত্তা ঙাইরবা অপাম্বদি লমদম অসিগী লাক্কদৌরিবা মতম অসি শান্তি, চাউখৎপা অমসুং কলচরেল প্রাইদকী স্পিরিৎতনা থল্লবা লমদম অমা ওহন্নিংঙি।”
Xতা থাগৎলকপা পোস্ত অমদা কেন্দ্রগী মন্ত্রী, শ্রী অমিত শাহনা ফোঙদোকখিবা ৱাফম অমগী পাউখুম পীরদুনা শ্রী মোদীনা হায়খি:
“ফেব্রুৱারী ৭দগী ৯ ফাওবদা ছত্তিসগরদা 'বস্তর পন্দুম'গী অখন্নবা থৌরম পাংথোকখি। থৌরম অসিগী মনুংদা বস্তরগী ফজরবা সংস্কৃতি, চৎনবী অমসুং ত্রাইবেল হেরিতেজ ফজরবা শক্তম কয়া উৎখি। মসিগী থৌরাং অসিগা মরী লৈনবা ইমুং-মনুং পুম্নমকপু ঐহাক্না হন্না-হন্না নুংঙাইবা ফোংদোকচরি। অসিগুম্বা থৌরমশিং অসিনা ঐখোয়গী কলচরেল হেরিতেজ অসি ঙাক-শেন্দুনা থম্বদা অমসুং মফম অদুগী মীয়ামদা শক্তি পীনবদা মরুওইবা থৌদাং লৌরি।
মমাংদা বস্তরগী মিং পন্নরকপা মতমদা মাওইজম, হিংসা অমসুং চাউখৎ-থৌরাংগী লমদা মবামদগী কা হেন্না শোত্থরবা লমদম অমগী মশক অমা উবা ফংখি। অদুবু হৌজিক্তি ফীভমদি মপুং ফানা হোংখ্রে। ঙসিদি বাস্তর অসি চাউখৎপগী খোঙথাংগা লোইননা মফম অসিদা লৈরিবা মীয়ামগী থাজবা হেনগৎলকপগীদমক খঙনরি। মফম অসিগী তুংদা লাক্কদৌরিবা মতমশিংদা শান্তি, চাউখৎপা অমসুং কলচরেল প্রাইদকী ৱাখল্লোনতনা থল্লবা লমদম অমা ওইরসনু।”
***
(রিলিজ আই.দি.: 2225720)
ভিজিতর কাউন্তর : 6
রিলিজ অসি মসিদা পাবীয়ু:
Bengali
,
Bengali-TR
,
Assamese
,
English
,
Urdu
,
Marathi
,
हिन्दी
,
Punjabi
,
Gujarati
,
Telugu
,
Telugu
,
Kannada
,
Malayalam