پریکشا پہ چرچا: طلبہ کو امتحانی چیلنجز سے گزارنے کیلئے ایک دل سے دل کی بات چیت

پریکشا پہ چرچا (پی پی سی)، جس کا آغاز 2018 میں وزیرِ اعظم نریندر مودی نے کیا، ایک ملک گیر اقدام ہے جس کا مقصد امتحانی دباؤ کو کم کرنا اور طلبہ میں ہمہ جہت تعلیم کو فروغ دینا ہے۔ یہ پروگرام محکمۂ اسکولی تعلیم و خواندگی، وزارتِ تعلیم کے زیرِ اہتمام منعقد کیا جاتا ہے۔

پی پی سی ایک منفرد پلیٹ فارم فراہم کرتا ہے جہاں وزیراعظم براہِ راست طلبہ، اساتذہ اور والدین سے گفتگو کرتے ہیں اور امتحانات کے بارے میں پُراعتماد اور مثبت طرزِ فکر اپنانے کی ترغیب دیتے ہیں۔ یہ پروگرام وقت کے ساتھ ایک عوامی تحریک کی شکل اختیار کر چکا ہے، جس کی 2025 کی کڑی میں 5 کروڑ سے زائد طلبہ، اساتذہ اور والدین نے شرکت کی، جو اس کی وسیع قومی رسائی کی عکاسی کرتی ہے۔

پی پی سی وقت کے بہتر انتظام، جذباتی بہبود، متوازن طرزِ زندگی اور تصوری تعلیم کو فروغ دیتا ہے، اور قومی تعلیمی پالیسی کے تحت حکومت کے طلبہ مرکز تعلیمی ویژن سے ہم آہنگ ہے۔

پریکشا پہ چرچا(پی پی سی - (20262026 کا 9واں ایڈیشن شمولیت کے دائرے کو مزید وسعت دیتے ہوئے ملک بھر کے طلبہ، والدین اور اساتذہ سے 4.5 کروڑ سے زائد رجسٹریشنز کے ساتھ ایک اہم سنگِ میل عبور کر چکا ہے۔ یہ امر امتحانات سے متعلق دباؤ کے ازالے اور طلبہ کی فلاح و بہبود کے فروغ میں اس پروگرام کی مسلسل اہمیت کو اجاگر کرتا ہے۔

پی پی سی 2026 کے انعقاد سے قبل12 جنوری 2026 (قومی یومِ نوجوانان) 23 جنوری 2026 (پراکرم دیوس)تک ملک گیر سطح پر طلبہ کی شمولیت پر مبنی سرگرمیوں کا اہتمام کیا گیا۔ ان سرگرمیوں کا آغاز سوَدیشی سنکلپ دوڑ سے ہوا، جس کا مقصد طلبہ میں خود انحصاری کے جذبے کو فروغ دینا تھا، جبکہ اختتام منتخب کیندریہ ودیالیوں میں منعقدہ کوئز اور تحریری مقابلوں پر ہوا، جس سے طلبہ کی شرکت اور شعور میں مزید اضافہ ہوا۔

یہ اقدام قومی تعلیمی پالیسی (NEP) 2020 کے بنیادی اصولوں کی عکاسی کرتا ہے، جو رٹّا سسٹم کے بجائے دباؤ سے پاک، تجرباتی اور تصوری تعلیم کو فروغ دیتی ہے۔ باہمی گفتگو کے ذریعے وزیرِ اعظم مؤثر وقت کے انتظام، ڈیجیٹل خلفشار پر قابو پانے، ذہنی یکسوئی برقرار رکھنے اور جذباتی مضبوطی پیدا کرنے جیسے اہم پہلوؤں پر روشنی ڈالتے ہیں، اور طلبہ، والدین اور اساتذہ کو عملی اور قابلِ فہم رہنمائی فراہم کرتے ہیں۔

پریکشا پہ چرچا(پی پی سی) کا آغاز 2018 میں تالکٹورا اسٹیڈیم، نئی دہلی میں ایک ٹاؤن ہال طرز کے ایونٹ کے طور پر ہوا، جہاں 2,500 سے زائد طلبہ نے براہِ راست شرکت کی، جبکہ اندازاً 8.5 کروڑ ناظرین نے اسے دوردرشن، ٹی وی اور ریڈیو کے ذریعے دیکھا/سنا۔ اس ابتدائی ایڈیشن کا زور ہمہ جہتی نشوونما اور جذباتی مضبوطی پر تھا، جس نے اس سالانہ روایت کی بنیاد رکھی۔

سن 2019 تک پروگرام میں توسیع ہوئی، یہ تقریب 90 منٹ سے زائد جاری رہی اور شرکاء کی دلچسپی بڑھانے کے لیے مزاح بھی شامل کیا گیا۔ 2020 میں پہلی بار آن لائن مقابلہ متعارف کروایا گیا، جس میں  ہندوستان  اور دنیا کے 25 ممالک سے 2.63 لاکھ اندراجات ہوئے، اور چیلنجز کو ترقی کے مواقع کے طور پر اجاگر کیا گیا۔

کووڈ- 19 وبا کے دوران پروگرام نے زبردست موافقت دکھائی۔ 2021 میں یہ مکمل طور پر آن لائن منتقل ہو گیا، جس نے غیر یقینی حالات میں لچک اور استقامت کو اجاگر کیا۔ 2022 میں دوبارہ براہِ راست تقریب کے طور پر تالکٹورا اسٹیڈیم میں منعقد ہوا، جسے تقریباً 9.69 لاکھ طلبہ، 47,200 ملازمین اور 1.86 لاکھ والدین نے ٹی وی اور یوٹیوب پر دیکھا۔

سن 2023 کے ایڈیشن میں جو 27 جنوری کو ہوا، تقریباً 7.18 لاکھ طلبہ، 42,337 ملازمین اور 88,544 والدین نے براہِ راست شرکت کی، جس سے اس پروگرام کے دباؤ سے نمٹنے میں اہم کردار کو مزید تقویت ملی۔

سن  2024 تک پی پی سی نے ٹاؤن ہال طرز میں بھارت منڈپم میں منتقلی کی، جہاں تقریباً 3,000 شرکاء شامل تھے، جن میں پہلی بار ایکلویہ  ماڈل رہائشی اسکولز(ای ایم آر ایس) کے 100 طلبہ بھی شامل تھے۔ اس کے ساتھ‘ مائے گورنمنٹ’ پورٹل پر 2.26 کروڑ رجسٹریشنز بھی ریکارڈ ہوئیں۔

سن2025 کے ایڈیشن نے ایک نیا سنگِ میل قائم کیا، جس میں 5 کروڑ سے زائد شرکاء شامل ہوئے اور 3.53 کروڑ رجسٹریشنز کے ساتھ گنیز ورلڈ ریکارڈ حاصل کیا گیا۔ اس ایڈیشن میں سات قسطیں پیش کی گئیں، جن میں مشہور شخصیات اور تمام ریاستوں و مرکز کے زیر انتظام علاقوں کے 36 طلبہ نے شرکت کی۔

اب اپنے 9ویں ایڈیشن(2026میں)  پی پی سینے 4.5 کروڑ سے زائد رجسٹریشنز عبور کر لی ہیں، جبکہ بعض رپورٹس کے مطابق 6.76 کروڑ سے زائد افراد نے اس میں حصہ لیا۔

یہ زبردست ترقی، ہزاروں سے کروڑوں تک، پی پی سی کے‘جن آندولن’ یعنی عوامی تحریک میں تبدیل ہونے کو ظاہر کرتی ہے، جو وزیرِ اعظم مودی کے وژن کے تحت معاشرے کو متحد کر کے نوجوان صلاحیتوں کو پروان چڑھانے کی سمت میں آگے بڑھ رہی ہے۔

پریکشا پہ چرچا (پی پی سی) نے مستقل طور پر اپنی شروعات امتحانات پر مکالمے سے آگے بڑھاتے ہوئے ایک ایسا پلیٹ فارم بن گیا ہے جو تعلیم کو زندگی کی مہارتوں، سماجی شعور اور شخصیت کی نشوونما سے جوڑتا ہے۔ اس کے بڑھتے ہوئے موضوعات طلبہ کی ہمہ جہت ترقی کی عکاسی کرتے ہیں اور نوجوان سیکھنے والوں کو ذمہ دار، متوازن اور مستقبل کے لیے تیار نقطہ پیش کرتے ہیں۔

ماحولیاتی شعور کا فروغ پی پی سی نے ماحولیاتی ذمہ داری کو بڑھاوا دینا شروع کیا ہے اور طلبہ کو سیکھنے کو پائیداری اور طرزِ زندگی کے انتخاب سے جوڑنے کی ترغیب دی جاتی ہے۔ مثال کے طور پر،‘‘ایک  پیڑ ماں کے نام’’ مہم، جسے نشستوں کے دوران اجاگر کیا گیا، طلبہ کو اپنی ماؤں کے اعزاز میں درخت لگانے کی حوصلہ افزائی کرتی ہے، جس سے فطرت کے ساتھ جذباتی تعلق پیدا ہوتا اور تحفظ کے جذبے کو فروغ ملتا ہے۔ یہ اقدام حکومت کے مشن لائف(لائف اسٹائل فار انوائرمنٹ) کے ویژن کے ساتھ ہم آہنگ ہے، جو طلبہ میں پائیدار عادات اور قدرتی وسائل کے ذمہ دارانہ استعمال کو فروغ دیتا ہے۔

ہمہ جہت فلاح و بہبود کو فروغ دینا، پی پی سی مسلسل جسمانی اور ذہنی فلاح و بہبود کی اہمیت پر زور دیتا ہے، جسے تعلیمی تیاری کے ساتھ جوڑا جاتا ہے۔ طلبہ کو صحت مند غذائی عادات، متوازن طرزِ زندگی اور ذہنی یکسوئی اپنانے کی ترغیب دی جاتی ہے تاکہ وہ دباؤ کو مؤثر انداز میں سنبھال سکیں۔ سانس کی مشقیں، ذہنی توجہ کے طریقے اور ‘ مائنڈ فل ایٹنگ’ جیسی تکنیکیں طلبہ کی توجہ، اضطراب میں کمی اور مجموعی صحت کو بہتر بنانے میں مدد کرتی ہیں اور اس طرح تعلیمی کامیابی، جسمانی فٹنس اور جذباتی استحکام کے درمیان تعلق مضبوط ہوتا ہے۔

ٹیکنالوجی کے ذمہ دارانہ استعمال کی ترغیب، پی پی سی ڈجیٹل پلیٹ فارمز کے بڑھتے اثرات کو پہچانتا ہے اور زیادہ اسکرین ٹائم اور ڈجیٹل خلفشار کے چیلنجز سے نمٹنے کی رہنمائی کرتا ہے۔ طلبہ کو ڈجیٹل ڈیٹاکس یا ڈجیٹل فاسٹنگ کرنے کی ترغیب دی جاتی ہے تاکہ توجہ میں اضافہ، بین الفردی رابطے کی مضبوطی اور خاندانی تعلقات بہتر ہوں۔ یہ اقدام ٹیکنالوجی کو ایک تعلیمی اور تعمیری وسیلہ کے طور پر استعمال کرنے کی حوصلہ افزائی کرتا ہے۔

قومی تعلیمی پالیسی- 2020 کے ساتھ ہم آہنگی,این ای پی2020  پی پی سی کے ویژن کی مضبوط تکمیل کرتا ہے، جو خوشگوار، شمولیت پر مبنی اور تجرباتی تعلیم کو فروغ دیتا ہے۔ پروگرام سمگر شِکشا اور پی ایم –ایس ایچ آر آئی-شری اسکولز جیسے قومی تعلیمی اقدامات کی حمایت کرتا ہے، جو ملک بھر میں تعلیم کے معیار اور رسائی کو بہتر بنانے کے لیے کام کر رہے ہیں۔ پی پی سی تصوری فہم، تخلیقی صلاحیت اور مساوی مواقع کی حوصلہ افزائی کرتا ہے، اور اس طرح این ای پی کے طلبہ مرکز اور مساوی تعلیم کے اصولوں کی عکاسی کرتا ہے۔

شمولیت اور علاقائی نمائندگی کو فروغ دینا،پی پی سی طلبہ کو مختلف سماجی و اقتصادی پس منظر، خطے اور اسکول سسٹمز سے شامل کر کے تعلیم کی تنوع کو اجاگر کرتا ہے۔ 2026 کے ایڈیشن میں پین-انڈیا فارمیٹ اپنایا گیا، جس میں دیوموگرا، کوئمبٹور، رائے پور، گوہاٹی اور دہلی کے 7 لوک کلیان مارگ میں نشستیں منعقد ہوئیں، جس سے طلبہ اپنے علاقائی تعلیمی چیلنجز شیئر کر سکے۔ اس ایڈیشن میں 4.5 کروڑ سے زائد رجسٹریشنز ریکارڈ ہوئیں، جبکہ کل شرکت 6.76 کروڑ سے تجاوز کر گئی، جس سے پی پی سی کی ملک گیر اعتماد اور اہمیت کی عکاسی ہوتی ہے۔

حقیقی زندگی کے مثالوں کے ذریعے تعلیم کو قابل ہم بنانا،پی پی سی کھیل، روزمرہ زندگی اور متاثر کن کہانیوں سے قابلِ فہم مثالیں استعمال کرتا ہے تاکہ پیچیدہ تصورات کو آسان بنایا جا سکے۔ جیسے کرکٹر کی طرح توجہ برقرار رکھنا یا دیویانگ طلبہ میں تعاون کی کہانیاں صبر، ٹیم ورک اور صحت مند مقابلے کی اہمیت کو اجاگر کرتی ہیں۔ یہ مثالیں طلبہ کو چیلنجز کو رکاوٹ نہیں بلکہ ترقی کے مواقع کے طور پر دیکھنے کی ترغیب دیتی ہیں۔

قیادت اور ذاتی ترقی کی پرورش و پرداخت،تعلیمی رہنمائی کے علاوہ، پی پی سی قیادت اور کردار سازی پر زور دیتا ہے۔ یہ اقدام طلبہ میں خود نظم، اعتماد قائم کرنا اور قدرتی صلاحیت کی نشوونما کو فروغ دیتا ہے۔ طلبہ کو مثال قائم کرنے اور ساتھیوں کی مدد کرنے کی ترغیب دیکر پی پی سی ذمہ دار اور پر اعتماد افراد کی پرورش کرتا ہے جو معاشرے میں مثبت کردار ادا کرنے کے لیے تیار ہوں۔

ان وسیع جہتوں کے ذریعے، پریکشا پہ چرچا ایک ایسا حرکی پلیٹ فارم بن چکا ہے جو نہ صرف امتحانی تیاری بلکہ زندگی کی مہارت، سماجی ذمہ داری اور ذاتی نشوونما کے پہلوؤں کو بھی اجاگر کرتا ہے، اور اس طرح متوازن اور مستقبل کے لیے تیار طلبہ کی پرورش کرتا ہے۔

نفسیاتی و سماجی بھلائی پی پی سی :نے طلبہ کی ذہنی بھلائی کو مضبوط کیا ہے اور حکومت کی مانو درپن پہل کے ساتھ تعاون کیا ہے، جو وزارت تعلیم کے تحت ایک قومی نفسیاتی مدد اور ذہنی صحت ہیلپ لائن ہے۔ امتحانی اضطراب اور تعلیمی دباؤ پر کھلے مکالمے کی حوصلہ افزائی کر کے، پی پی سی نے مدد طلب کرنے کے گرد کے داغ کو کم کیا اور طلبہ کو توقعات سے متعلق دباؤ پر آزادانہ گفتگو کرنے کا اختیار دیا۔

وقت کا انتظام اور چھوٹے منصوبےپی پی سی:   کے تعاملات نے عملی وقت کے انتظام کی تکنیکوں کو فروغ دیا۔ وزیر اعظم کی جانب سے “ماؤں کو وقت کے انتظام کے رول ماڈل کے طور پر” پیش کرنے کا حوالہ طلبہ کو منظم مطالعے کی منصوبہ بندی اختیار کرنے، مشکل مضامین کو ترجیح دینے اور آخری لمحے کے امتحانی دباؤ کو کم کرنے کی ترغیب دیتا ہے۔

‘ایگزام واریئر’ فلسفہ: کتاب Exam Warriors سے متاثر ہو کر، پی پی سی ایک مثبت سیکھنے کے ذہنی رویے کو فروغ دیتا ہے جو اعتماد، نظم و ضبط اور لچک پر مبنی ہے۔ “Be a Warrior, Not a Worrier” جیسے مہماتی موضوعات نے امتحانات کو خوش دلی اور خود اعتمادی کے ساتھ دیکھنے کا پیغام مضبوط کیا اور حکومت کے ڈیجیٹل پلیٹ فارمز پر وسیع شمولیت حاصل کی۔

پریکشا پہ چرچا اب صرف امتحان سے پہلے کی روایت نہیں رہا؛ یہ ایک تحریک ہے جو ہر بچے کی منفرد شخصیت کا جشن مناتی ہے۔ وزیر اعظم کے دفتر اور کلاس روم کے درمیان پل بنا کر، اس نے نوجوانوں میں وابستگی اور اعتماد کا احساس پیدا کیا ہے۔ جیسے جیسے بھارت ترقی یافتہ بھارت 2047 کی طرف بڑھ رہا ہے،  پی پی سی یہ یقینی بناتا ہے کہ ملک کا مستقبل، یعنی طلبہ، مضبوط، بغیر دباؤ کے اور دنیا کا سامنا کرنے کے لیے تیار ہوں۔

حوالہ جات

پریس انفارمیشن بیورو

•  https://www.pib.gov.in/PressReleasePage.aspx?PRID=2214547&reg=3&lang=2

• http://pib.gov.in/PressReleasePage.aspx?PRID=2212177

• https://www.pib.gov.in/PressReleaseIframePage.aspx?PRID=2101104&reg=3&lang=2

• https://www.pib.gov.in/PressReleseDetailm.aspx?PRID=2101327&reg=3&lang=2

• https://www.pib.gov.in/PressReleasePage.aspx?PRID=1887647&reg=3&lang=2

ڈی ڈی نیوز

• https://ddnews.gov.in/en/pm-modis-pariksha-pe-charcha-sets-guinness-world-record-with-3-53-crore-registrations/

• https://ddnews.gov.in/pariksha-pe-charcha-prime-minister-modi-seen-in-a-new-avatar-with-children-in-delhis-beautiful-nursery/

• https://ddnews.gov.in/en/pariksha-pe-charcha-2026-goes-pan-india-engages-over-6-76-crore-participants/

پی ایم انڈیا(آفیشیل پی ایم او ویب سائٹ)

• https://www.pmindia.gov.in/en/news_updates/pm-calls-upon-everyone-to-watch-the-special-pariksha-pe-charcha-episode-with-exam-warriors-in-devmogra-coimbatore-raipur-guwahati-and-at-7-lkm-in-delhi/

• https://www.pmindia.gov.in/en/news_updates/pm-interacts-with-students-during-pariksha-pe-charcha-2025/

• https://www.pmindia.gov.in/en/news_updates/pms-address-during-the-interaction-with-students-teachers-and-parents-at-pariksha-pe-charcha-2024/

• https://www.pmindia.gov.in/en/news_updates/pms-address-during-the-interaction-with-students-teachers-and-parents-at-pariksha-pe-charcha-2023/

انڈیا مشنز

• https://cgichicago.gov.in/section/news/9th-edition-of-pariksha-pe-charcha-ppc-2026/

وزارت تعلیم

• https://manodarpan.education.gov.in/

Click here to see pdf

************

ش ح- ظ الف-ش ب ن

Ur. No. 1927