ಬೆಲೆಗಳ ನಿರಂತರ ಮೇಲ್ವಿಚಾರಣೆಯ ಭಾಗವಾಗಿ ಮತ್ತು ಮುಂಬರುವ ಹಬ್ಬದ ಋತುವಿಗೆ ಮುಂಚಿತವಾಗಿ ಗೋಧಿಯ ಸಾಕಷ್ಟು ಲಭ್ಯತೆಯನ್ನು ಖಚಿತಪಡಿಸಿಕೊಳ್ಳುವ ಭಾಗವಾಗಿ, ಕೇಂದ್ರ ಸರ್ಕಾರವು 2025ರ ಮೇ 27ರ ಗೋಧಿ ದಾಸ್ತಾನು ಮಿತಿ ಆದೇಶವನ್ನು ಹಿಂತೆಗೆದುಕೊಳ್ಳಲು ನಿರ್ಧರಿಸಿದೆ. ಪರವಾನಗಿ ಅವಶ್ಯಕತೆಗಳು, ದಾಸ್ತಾನು ಮಿತಿಗಳು ಮತ್ತು ನಿರ್ದಿಷ್ಟ ಆಹಾರ ಪದಾರ್ಥಗಳ ಮೇಲಿನ ಚಲನೆಯ ನಿರ್ಬಂಧಗಳು (ತಿದ್ದುಪಡಿ) ಆದೇಶ, 2025 ಅನ್ನು 2025 ಮೇ 27ರಂದು ಹೊರಡಿಸಲಾಗಿದೆ ಮತ್ತು ಇದು ಎಲ್ಲಾ ರಾಜ್ಯಗಳು ಮತ್ತು ಕೇಂದ್ರಾಡಳಿತ ಪ್ರದೇಶಗಳಿಗೆ ಅನ್ವಯಿಸುತ್ತದೆ.

ಆದಾಗ್ಯೂ, ಎಲ್ಲಾ ಗೋಧಿ ದಾಸ್ತಾನು ಘಟಕಗಳು ಪ್ರತಿ ಶುಕ್ರವಾರ ಆಹಾರ ದಾಸ್ತಾನು ಪೋರ್ಟಲ್ ನಲ್ಲಿ (https://foodstock.dfpd.gov.in) ದಾಸ್ತಾನು ಸ್ಥಾನವನ್ನು ಘೋಷಿಸಬೇಕಾಗುತ್ತದೆ.

2025-26ನೇ ಸಾಲಿನ ಡಿ ಎಫ್ ಪಿ ಡಿ ಪೋರ್ಟಲ್ ನಲ್ಲಿ ಖಾಸಗಿ ಘಟಕಗಳು ಗೋಧಿ ದಾಸ್ತಾನು ಘೋಷಣೆಯ ಪ್ರಕಾರ, ಕಳೆದ ವರ್ಷದ ಇದೇ ಅವಧಿಗೆ ಹೋಲಿಸಿದರೆ ಖಾಸಗಿ ಸಂಸ್ಥೆಗಳೊಂದಿಗೆ ಗೋಧಿ ದಾಸ್ತಾನು ಲಭ್ಯತೆಯು ಗಮನಾರ್ಹವಾಗಿ ಹೆಚ್ಚಾಗಿದೆ. ವರದಿಯಾದ ಒಟ್ಟು ದಾಸ್ತಾನು ಸುಮಾರು 81 ಲಕ್ಷ ಮೆಟ್ರಿಕ್ ಟನ್ ಆಗಿದ್ದು, ಇದು ವರ್ಷದಿಂದ ವರ್ಷಕ್ಕೆ ಸುಮಾರು 30 ಲಕ್ಷ ಮೆಟ್ರಿಕ್ ಟನ್ ಹೆಚ್ಚಾಗಿದೆ, ಇದು ದೇಶದಲ್ಲಿ ಆರಾಮದಾಯಕ ಪೂರೈಕೆ ಸ್ಥಿತಿಯನ್ನು ಸೂಚಿಸುತ್ತದೆ.

ಗ್ರಾಹಕ ವ್ಯವಹಾರಗಳ ಇಲಾಖೆಯ ಬೆಲೆ ದತ್ತಾಂಶವು ಗೋಧಿ ಬೆಲೆಗಳಲ್ಲಿ, ವಿಶೇಷವಾಗಿ ಸಗಟು ವಿಭಾಗದಲ್ಲಿ ಕುಸಿಯುತ್ತಿರುವ ಪ್ರವೃತ್ತಿಯನ್ನು ಪ್ರತಿಬಿಂಬಿಸುತ್ತದೆ. ಸಗಟು ಬೆಲೆ ಕಳೆದ ವರ್ಷ ಪ್ರತಿ ಕ್ವಿಂಟಲ್ಗೆ 2970.10 ರೂ.ಗಳಿಂದ ಪ್ರಸ್ತುತ ಪ್ರತಿ ಕ್ವಿಂಟಾಲ್ ಗೆ ಸುಮಾರು 2852.30 ರೂ.ಗೆ ಇಳಿದಿದೆ, ಇದು ದೇಶೀಯ ಮಾರುಕಟ್ಟೆಗಳಲ್ಲಿ ಬೇಡಿಕೆ ಮತ್ತು ಹೆಚ್ಚುವರಿ ಪೂರೈಕೆ ಪರಿಸ್ಥಿತಿಗಳನ್ನು ಸೂಚಿಸುತ್ತದೆ.

ಗೋಧಿ ಎಕರೆ ಕಳೆದ ವರ್ಷ 328.04 ಲಕ್ಷ ಹೆಕ್ಟೇರ್ ಗೆ ಹೋಲಿಸಿದರೆ ಸುಮಾರು 334.17 ಲಕ್ಷ ಹೆಕ್ಟೇರ್ ಗೆಏರಿದೆ, ಇದು ಸಾಮಾನ್ಯ ನಿರೀಕ್ಷಿತ ಹಿಂಗಾರು ಪ್ರದೇಶವನ್ನು ಮೀರಿದೆ. ಇದು ಖಚಿತವಾದ ಕನಿಷ್ಠ ಬೆಂಬಲ ಬೆಲೆ ಮತ್ತು ಖರೀದಿ ನಿರೀಕ್ಷೆಗಳಿಂದಾಗಿ ಗೋಧಿ ಕೃಷಿಗೆ ರೈತರ ಆದ್ಯತೆಯನ್ನು ಪ್ರತಿಬಿಂಬಿಸುತ್ತದೆ ಮತ್ತು ಮತ್ತೊಂದು ದೃಢವಾದ ಸುಗ್ಗಿಯ ಸಾಧ್ಯತೆಯನ್ನು ಸೂಚಿಸುತ್ತದೆ. ಪಿಡಿಎಸ್, ಇತರ ಕಲ್ಯಾಣ ಯೋಜನೆಗಳು ಮತ್ತು ಸಂಭವನೀಯ ಮಾರುಕಟ್ಟೆ ಮಧ್ಯಸ್ಥಿಕೆಗಳ ಅಗತ್ಯತೆಗಳನ್ನು ಪೂರೈಸಲು ಸಾಕಷ್ಟು ಗೋಧಿ ಲಭ್ಯವಿದೆ. ಆಹಾರ ಮತ್ತು ಸಾರ್ವಜನಿಕ ವಿತರಣಾ ಇಲಾಖೆಯು ದೇಶದಲ್ಲಿ ಸುಲಭ ಲಭ್ಯತೆಯನ್ನು ಖಚಿತಪಡಿಸಿಕೊಳ್ಳಲು ಗೋಧಿಯ ಬೆಲೆಗಳು ಮತ್ತು ದಾಸ್ತಾನು ಸ್ಥಾನದ ಮೇಲೆ ನಿಕಟ ನಿಗಾ ಇರಿಸುತ್ತಿದೆ.

*****