આગામી હોળીના તહેવાર દરમિયાન મુસાફરો માટે આરામદાયક અને અવરોધ રહિત મુસાફરી સુનિશ્ચિત કરવા માટે, ભારતીય રેલવેએ તેના નેટવર્ક પર 1,410 થી વધુ હોળી સ્પેશિયલ ટ્રેનો ચલાવવાનું આયોજન કર્યું છે. આ સંખ્યા વધીને 1500 સુધી પહોંચશે. આ વિશેષ સેવાઓનો હેતુ તહેવારોના સમયગાળા દરમિયાન મુસાફરોની માંગમાં થતા વધારાને પહોંચી વળવા અને મુખ્ય ગંતવ્ય સ્થાનો વચ્ચે સીધું જોડાણ સુનિશ્ચિત કરવાનો છે. આ સ્પેશિયલ ટ્રેનો માર્ચ મહિનામાં ચલાવવાનું નક્કી કરવામાં આવ્યું છે. હોળી 2025 માટે, કુલ 1,144 વિશેષ ટ્રેન ટ્રિપ્સ ચલાવવામાં આવી હતી.

ઝોન-વાર જોઈએ તો, સેન્ટ્રલ રેલવે (CR) 209 હોળી સ્પેશિયલ ટ્રેનો ચલાવશે, જ્યારે વેસ્ટર્ન રેલવે (WR) એ પશ્ચિમના રૂટ પર ભારે પેસેન્જર ટ્રાફિકને પહોંચી વળવા માટે 231 ટ્રેનોનું આયોજન કર્યું છે. ઈસ્ટ સેન્ટ્રલ રેલવે (ECR) સૌથી વધુ 285 સ્પેશિયલ ટ્રેનો ચલાવશે, ત્યારબાદ સાઉથ સેન્ટ્રલ રેલવે (SCR) 160 સેવાઓ સાથે બીજા ક્રમે છે. નોર્ધન રેલવે (NR) 108 હોળી સ્પેશિયલ ટ્રેનો ચલાવશે, જ્યારે નોર્થ વેસ્ટર્ન રેલવે (NWR) એ 71 ટ્રેનોનું આયોજન કર્યું છે.

કનેક્ટિવિટીને વધુ મજબૂત બનાવતા, નોર્થ સેન્ટ્રલ રેલવે (NCR) 66 સ્પેશિયલ ટ્રેનો ચલાવશે, અને નોર્થ ઇસ્ટર્ન રેલવે (NER) તથા ઈસ્ટ કોસ્ટ રેલવે (ECOR) બંને 62-62 ટ્રેનો ચલાવશે. સાઉથ વેસ્ટર્ન રેલવે (SWR) 47 ટ્રેનો ચલાવશે, જ્યારે વેસ્ટ સેન્ટ્રલ રેલવે (WCR) એ 43 સેવાઓનું આયોજન કર્યું છે. સધર્ન રેલવે (SR) 39 હોળી સ્પેશિયલ ટ્રેનો ચલાવશે અને સાઉથ ઇસ્ટ સેન્ટ્રલ રેલવે (SECR) 15 સેવાઓ ચલાવશે. વધુમાં, કોંકણ રેલવે (KR) 9 સ્પેશિયલ ટ્રેનો ચલાવશે, અને નોર્થઇસ્ટ ફ્રન્ટિયર રેલવે (NFR) પ્રાદેશિક માંગને પહોંચી વળવા માટે 2 ટ્રેનો ચલાવશે.

ભારતીય રેલવે મોટા તહેવારો દરમિયાન મુસાફરોની સુવિધા, સલામતી અને કાર્યક્ષમ કામગીરી સુનિશ્ચિત કરવા માટે પ્રતિબદ્ધ છે.

SM/IJ/GP/JD