ડિજિટલ સુરક્ષા અને ડેટા સુરક્ષાને મજબૂત કરવા માટે, NHAI દ્વારા પ્રમોટ કરાયેલ કંપની ઇન્ડિયન હાઈવે મેનેજમેન્ટ કંપની લિમિટેડ (IHMCL) એ ગાંધીનગર, ગુજરાતમાં મુખ્ય મથક ધરાવતી ભારત સરકારની રાષ્ટ્રીય મહત્વની સંસ્થા, નેશનલ ફોરેન્સિક સાયન્સ યુનિવર્સિટી (NFSU) સાથે સંશોધન, તાલીમ અને કન્સલ્ટન્સી, ખાસ કરીને સાયબર ફોરેન્સિક્સ, ડિજિટલ પુરાવાની અખંડિતતા અને નેશનલ હાઈવે મેનેજમેન્ટને લગતી અદ્યતન તકનીકી એપ્લિકેશન્સના ક્ષેત્રોમાં સહયોગ વધારવા માટે સમજૂતી પત્ર (MoU) પર હસ્તાક્ષર કર્યા છે. NHAI ના ચેરમેન શ્રી સંતોષ કુમાર યાદવ; IHMCL ના ચેરમેન અને મેનેજિંગ ડિરેક્ટર શ્રી વિશાલ ચૌહાણ અને NHAI, IHMCL અને NFSU ના અન્ય વરિષ્ઠ અધિકારીઓની હાજરીમાં IHMCL ના ચીફ ઓપરેટિંગ ઓફિસર શ્રી એ. આર. ચિત્રાંશી અને NFSU ગાંધીનગરના કેમ્પસ ડાયરેક્ટર ડૉ. એસ. ઓ. જુનારે દ્વારા MoU પર હસ્તાક્ષર કરવામાં આવ્યા હતા.

MoU નો ઉદ્દેશ્ય જ્ઞાન સર્જન, ટેકનોલોજીકલ સ્થિતિસ્થાપકતા અને સંસ્થાકીય ક્ષમતા નિર્માણને વધારવા માટે બે સરકારી સંસ્થાઓ વચ્ચે પરસ્પર ફાયદાકારક શૈક્ષણિક અને સંશોધન-લક્ષી સહકારની સુવિધા આપવાનો છે. આ સહયોગ જટિલ નેશનલ હાઈવે ઓપરેશન અને ડિજિટલ પ્લેટફોર્મમાં સાયબર સિક્યોરિટી ફ્રેમવર્ક અને ફોરેન્સિક વિશ્વસનીયતાને મજબૂત કરવામાં યોગદાન આપશે.

MoU હેઠળ, NFSU CCTV, મલ્ટીમીડિયા વિશ્લેષણ, ઓડિયો-વીડિયો વિશ્લેષણ અને ડિજિટલ તેમજ સાયબર ફોરેન્સિક્સ લેબોરેટરીઓ સહિતની અત્યાધુનિક તકનીકોથી સજ્જ પ્રયોગશાળાઓના વિકાસ માટે IHMCL ને તકનીકી માર્ગદર્શન અને સહયોગ પૂરો પાડશે.

વધારામાં, યુનિવર્સિટી સાયબર અને ડિજિટલ ફોરેન્સિક્સ, મલ્ટીમીડિયા વિશ્લેષણ અને સંબંધિત ક્ષેત્રોમાં વિશેષ તાલીમ કાર્યક્રમો પ્રદાન કરીને સાયબર સ્થિતિસ્થાપકતા અને પુરાવાની અખંડિતતાને મજબૂત કરવામાં IHMCL ને ટેકો આપશે.

MoU મલ્ટી-લેન ફ્રી ફ્લો (MLFF), એડવાન્સ્ડ ટ્રાફિક મેનેજમેન્ટ સિસ્ટમ્સ (ATMS), ઓટોમેટિક નંબર પ્લેટ રેકગ્નિશન (ANPR), ટ્રાફિક મેનેજમેન્ટ સિસ્ટમ્સ (TMS) અને વેઈ-ઈન-મોશન (WIM) જેવા ક્ષેત્રોમાં સહયોગ વધારવા પર ધ્યાન કેન્દ્રિત કરશે. ઓળખાયેલ ક્ષેત્રોમાં સુરક્ષિત કેમેરા-આધારિત ઇમેજિંગ સિસ્ટમ્સ, એન્ક્રિપ્ટેડ ડેટા સ્ટોરેજ અને પુનઃપ્રાપ્તિ, જટિલ એપ્લિકેશનોની સાયબર સિક્યોરિટી સમીક્ષાઓ, પુરાવાની અખંડિતતા અને ફોરેન્સિક વિશ્વસનીયતા, ઇમેજિંગ સચોટતામાં વૈજ્ઞાનિક સુધારો અને સિક્યોરિટી ઓપરેશન્સ સેન્ટર (SOC) સેવાઓ અને ફોરેન્સિક માન્યતા પ્રયોગશાળાઓની સ્થાપનાનો પણ સમાવેશ થાય છે.

સાથે જ, બંને સંસ્થાઓ પરસ્પર સંમત ક્ષેત્રોમાં સંયુક્ત સંશોધન, વિકાસ અને કન્સલ્ટન્સી પ્રોજેક્ટ્સ હાથ ધરશે. અમલીકરણ પર દેખરેખ રાખવા અને સમયાંતરે પ્રગતિની સમીક્ષા કરવા માટે દરેક સંસ્થા દ્વારા એક સંયોજક (coordinator) ની નિમણૂક કરવામાં આવશે. આ MoU ત્રણ વર્ષના સમયગાળા માટે માન્ય રહેશે.

આ MoU સુરક્ષિત અને મજબૂત ડિજિટલ ઇકોસિસ્ટમ્સને આગળ વધારવા પર NHAI ના ધ્યેયને પ્રતિબિંબિત કરે છે જે દેશભરમાં ઝડપથી વિસ્તરી રહેલા નેશનલ હાઈવે ઈન્ફ્રાસ્ટ્રક્ચરને મજબૂત બનાવશે.

SM/NP/GP/JD