કેન્દ્રીય ગૃહ મંત્રી અને સહકારિતા મંત્રી શ્રી અમિત શાહે, દરેક ભારતીય વતી, પ્રધાનમંત્રી શ્રી નરેન્દ્ર મોદીજી અને નાણા મંત્રી શ્રીમતી નિર્મલા સીતારમણજીને 2047 સુધીમાં વિકસિત ભારતના નિર્માણના વિઝનને પ્રતિબિંબિત કરતા અને આગામી 25 વર્ષનો રોડમેપ રજૂ કરતા બજેટ માટે હાર્દિક અભિનંદન પાઠવ્યા છે.

X પરની પોસ્ટ્સની શ્રેણીમાં, કેન્દ્રીય ગૃહ મંત્રી શ્રી અમિત શાહે કહ્યું, "મેન્યુફેક્ચરિંગથી લઈને ઈન્ફ્રાસ્ટ્રક્ચર સુધી, આરોગ્યથી લઈને પ્રવાસન સુધી, ગ્રામીણ વિસ્તારોથી લઈને AI સુધી, રમતગમતથી લઈને તીર્થસ્થાનો સુધી, વિકસિત ભારત બજેટ એવું છે જે દરેક ગામ, દરેક શહેર અને દરેક નગરમાં યુવાનો, મહિલાઓ અને ખેડૂતોના સપનાઓને સશક્ત અને સાકાર કરે છે. દરેક ભારતીય વતી, PM શ્રી નરેન્દ્ર મોદીજી અને નાણા મંત્રી શ્રીમતી નિર્મલા સીતારમણજીને આ બજેટ માટે હાર્દિક અભિનંદન, જે 2047 સુધીમાં વિકસિત ભારતના નિર્માણને પ્રતિબિંબિત કરે છે અને આગામી 25 વર્ષનો રોડમેપ રજૂ કરે છે."

શ્રી અમિત શાહે કહ્યું, "હું પ્રધાનમંત્રી મોદીજીને વિકસિત ભારત બજેટ દ્વારા સ્થાપિત કરવામાં આવેલા નોંધપાત્ર સીમાચિહ્ન બદલ અભિનંદન આપું છું, જે નાણાકીય સમજદારી સાથે વૃદ્ધિ અને વિકાસને આગળ વધારવાની મોદી સરકારની પ્રતિબદ્ધતાની પુષ્ટિ કરે છે. આ બજેટ રાજકોષીય ખાધને 4.5% થી નીચે રાખવાના લક્ષ્યને પૂર્ણ કરે છે."

કેન્દ્રીય ગૃહ મંત્રીએ કહ્યું, "બજેટ 2026-27 દ્વારા, પ્રધાનમંત્રી મોદીજીએ સાબિત કર્યું છે કે આત્મનિર્ભર અને વિકસિત ભારત એ માત્ર સૂત્ર નથી, પરંતુ અમારી સરકારનો દ્રઢ સંકલ્પ છે. આ બજેટ માત્ર દરેક ક્ષેત્ર, દરેક વર્ગ અને દરેક નાગરિકને સશક્ત બનાવવા માટેની સ્પષ્ટ બ્લૂપ્રિન્ટ પૂરી પાડતું નથી, પરંતુ તેમને દરેક ડગલે પ્રોત્સાહિત કરવા અને ટેકો આપવા માટે વ્યવહારુ, ઓન-ધ-ગ્રાઉન્ડ વિઝન પણ પ્રદાન કરે છે. વિકસિત ભારત બજેટ એવા ભારતનું નિર્માણ કરવાનું વિઝન છે જે દરેક ક્ષેત્રમાં વિશ્વનું નેતૃત્વ કરે.”

શ્રી અમિત શાહે કહ્યું, "વિકસિત ભારત બજેટ ભારતને એક એવા રાષ્ટ્ર તરીકે મૂર્ત સ્વરૂપ આપે છે જે તેની પોતાની શક્તિઓ પર અટલ વિશ્વાસ સાથે ઉભરતા આર્થિક પાવર સેન્ટર તરીકે તેની નવી ઓળખ બનાવી રહ્યું છે. કોવિડ પછી, પ્રધાનમંત્રી નરેન્દ્ર મોદીજીની દૂરંદેશી આર્થિક નીતિઓએ ભારતીય અર્થતંત્રને વેગ આપ્યો છે. વિકસિત ભારત બજેટ પરંપરાગતથી લઈને નવા જમાનાના ક્ષેત્રોની વિશાળ શ્રેણી માટે વિશ્વના સૌથી આકર્ષક રોકાણ સ્થળ તરીકે વૈશ્વિક મંચ પર ભારતની સ્થિતિને મજબૂત કરવા માટે વેગ આપે છે."

કેન્દ્રીય ગૃહ મંત્રી અને સહકારિતા મંત્રીએ કહ્યું, "વિકસિત ભારત બજેટ મૂડી ખર્ચ (capital expenditure) માટે ₹12.2 લાખ કરોડની ફાળવણી કરીને મોટા શહેરોની બહાર વિકાસ પહોંચાડવાના મોદીજીના ફ્યુચર રેડી ભારતના વિઝનને વેગ આપે છે. નવા રેલ કોરિડોર, રાષ્ટ્રીય જળમાર્ગો અને સુધારેલી કનેક્ટિવિટી દ્વારા ટીયર 2 અને ટીયર 3 શહેરો સુધી પહોંચવાનું લક્ષ્ય રોજગારીની વૃદ્ધિને પ્રોત્સાહન આપશે અને ભારતની આકાંક્ષાઓને નવી ઊંચાઈઓ પર લઈ જશે."

શ્રી અમિત શાહે કહ્યું, “વિકસિત ભારત બજેટ ભારતમાં કનેક્ટિવિટીને અભૂતપૂર્વ વેગ આપશે. આજે જાહેર કરવામાં આવેલા સાત હાઈ-સ્પીડ રેલ કોરિડોરનો હેતુ ઈન્ટર-સિટી કનેક્ટિવિટીને સુપરચાર્જ કરવાનો અને આપણા દેશના મુખ્ય આર્થિક અને વસ્તી કેન્દ્રો વચ્ચે મુસાફરીના સમયમાં ઘટાડો કરવાનો છે.”

કેન્દ્રીય ગૃહ મંત્રીએ કહ્યું, “એક ઐતિહાસિક નિર્ણયમાં, વિકસિત ભારત બજેટે મહાત્મા ગાંધીના ગ્રામ સ્વરાજના સ્વપ્નને સાકાર કરવા માટે “મહાત્મા ગાંધી ગ્રામ સ્વરાજ યોજના” શરૂ કરી છે. આનાથી ગ્રામીણ અર્થતંત્ર મજબૂત થશે અને વણકરો, ખેડૂતો અને હેન્ડલૂમ ઉદ્યોગને નવો ટેકો મળશે. દરિયાકાંઠાના વિસ્તારોમાં નાળિયેર પ્રોત્સાહન યોજના (Coconut Promotion Scheme), જેનાથી 3 કરોડ ખેડૂતોને ફાયદો થશે; કાજુ અને કોકોના ઉત્પાદન અને નિકાસને વધારવાનો આગ્રહ અને ચંદનના સંરક્ષણનો નિર્ણય એ બધું જ દર્શાવે છે કે મોદીજી ખેડૂતોની સમૃદ્ધિ અને ખેતીને નફાકારક સાહસ બનાવવા માટે સંપૂર્ણ પ્રતિબદ્ધ છે.’”

શ્રી અમિત શાહે કહ્યું, “MSMEs ને ભારતની વૃદ્ધિની વાર્તાના ચેમ્પિયન બનાવવા માટે વિકસિત ભારત બજેટ ₹10,000 કરોડના ગ્રોથ ફંડ સાથે  ત્રિપાંખીય માળખા દ્વારા અર્થતંત્રને પાયાના સ્તરેથી ગતિશીલ બનાવવાના મોદીજીના વિઝનને સાકાર કરે છે. આ જોગવાઈ ટીયર 2 અને ટીયર 3 શહેરોમાં MSMEs ને માળખાગત વ્યવસાયિક સહયોગ (handholding) દ્વારા તેમના લક્ષ્યો સુધી પહોંચવા માટે પ્રેરિત કરશે.”

કેન્દ્રીય ગૃહ મંત્રી અને સહકારિતા મંત્રીએ કહ્યું, “વિકસિત ભારત બજેટમાં પશુપાલન દ્વારા ખેડૂતોની આવક વધારવાનો દૂરંદેશી નિર્ણય લેવામાં આવ્યો છે. પશુચિકિત્સકોની સંખ્યામાં વધારો કરીને અને પશુચિકિત્સા કેન્દ્રો અને તાલીમ કેન્દ્રોનો વિસ્તાર કરીને પશુપાલન આધારિત અર્થતંત્રને મજબૂત બનાવવામાં આવશે. ડેરી અને મરઘા પાલન ક્ષેત્ર માટે ક્રેડિટ-લિંક્ડ સબસિડી પૂરી પાડવા, 500 તળાવોના વિકાસ દ્વારા મત્સ્ય પાલનને પ્રોત્સાહન આપવા અને વૈશ્વિક બજારો સુધી પહોંચ પૂરી પાડવા જેવા નિર્ણયો ખેડૂતોની આવક વધારવાના મોદી સરકારના સંકલ્પમાં મુખ્ય સીમાચિહ્નરૂપ સાબિત થશે”.

શ્રી અમિત શાહે કહ્યું, “વિકસિત ભારત બજેટમાં ધોળાવીરા સહિત 15 પુરાતત્વીય સ્થળોને સાંસ્કૃતિક સ્થળો તરીકે વિકસાવવાનો મોદી સરકારનો નિર્ણય વૈશ્વિક મંચ પર ભારતની પ્રાચીન સંસ્કૃતિને પ્રસ્થાપિત કરશે. પાંચ પૂર્વોત્તર રાજ્યોમાં બૌદ્ધ સર્કિટનું નિર્માણ, હિમાચલ પ્રદેશ, ઉત્તરાખંડ, જમ્મુ અને કાશ્મીર અને અરાકુ ઘાટીમાં પર્વતીય માર્ગો (mountain trails) નો વિકાસ અને ઓડિશા, કર્ણાટક અને કેરળમાં ટર્ટલ ટ્રેલ્સ (કાચબાના માર્ગો) આ પ્રદેશોમાં વિકાસને નવો વેગ આપશે અને ઇકો-ટૂરિઝમને પ્રોત્સાહન આપશે. વધુમાં, નેશનલ ઇન્સ્ટિટ્યૂટ ઓફ હોસ્પિટાલિટીની સ્થાપના યુવાનોને કૌશલ્ય અને રોજગારીની તકો પૂરી પાડશે અને પ્રવાસન ક્ષેત્રને વધુ મજબૂત બનાવશે.”

કેન્દ્રીય ગૃહ મંત્રીએ કહ્યું, “વિકસિત ભારત બજેટ શિક્ષણથી લઈને સ્વ-રોજગાર સુધીના મોદીજીના વિઝનનું શક્તિશાળી પ્રતિબિંબ છે. મુખ્ય ઔદ્યોગિક અને લોજિસ્ટિક્સ કોરિડોરની આસપાસ પાંચ યુનિવર્સિટી ટાઉનશિપનો વિકાસ શિક્ષણ-ઉદ્યોગના એકીકરણને પ્રોત્સાહન આપશે. તે જ સમયે, ચાર ટેલિસ્કોપ ઈન્ફ્રાસ્ટ્રક્ચર સુવિધાઓનું નિર્માણ અને અપગ્રેડેશન સંશોધનને નવો વેગ આપશે. નેશનલ ઇન્સ્ટિટ્યૂટ ઓફ ડિઝાઇન, 15,000 માધ્યમિક શાળાઓ અને 500 કોલેજોમાં AVGC લેબની સ્થાપના અને “એજ્યુકેશન ટુ એમ્પ્લોયમેન્ટ એન્ડ એન્ટરપ્રાઈઝ” પર ઉચ્ચ-સ્તરીય સમિતિની રચના નવી પેઢીને કૌશલ્ય-સજ્જ બનાવવા અને દરેક ક્ષેત્રમાં નેતૃત્વ કરતું ભારત બનાવવાનો સંકલ્પ પ્રતિબિંબિત કરે છે.”

શ્રી અમિત શાહે કહ્યું કે વિકસિત ભારત બજેટ આપણા યુવાનોની શક્તિનો ઉપયોગ કરીને દેશને સમૃદ્ધિના નવા યુગમાં લઈ જઈ રહ્યું છે. આ માટે 15,000 શાળાઓમાં કન્ટેન્ટ ક્રિએશન તાલીમ શરૂ કરવામાં આવી છે અને સસ્તું રમતગમત સાધનો પૂરા પાડવા માટે વિશેષ પહેલ શરૂ કરવામાં આવી છે. તેમણે કહ્યું કે સેમિકન્ડક્ટર, IT, ટેક્સટાઇલ, હોસ્પિટાલિટી, ટૂરિઝમ અને કોર્પોરેટ કમ્પ્લાયન્સ જેવા ક્ષેત્રોમાં યુવા કારકિર્દી શરૂ કરીને બજેટ તેમની પ્રગતિના વાહનને વેગ આપી રહ્યું છે.

કેન્દ્રીય ગૃહ અને સહકારિતા મંત્રીએ કહ્યું, “વિકસિત ભારત બજેટ નવા કનેક્ટિવિટી કોરિડોર ખોલીને કનેક્ટિવિટીને આગલા સ્તર પર લઈ જઈ રહ્યું છે. તેમણે કહ્યું કે 20 નવા રાષ્ટ્રીય જળમાર્ગો અને પૂર્વમાં દાનકુનીને પશ્ચિમમાં સુરત સાથે જોડતો ફ્રેઈટ કોરિડોર વેપાર અને વાણિજ્ય માટે સમૃદ્ધિના નવા માર્ગો ખોલશે.”

શ્રી અમિત શાહે કહ્યું, “વિકસિત ભારત બજેટ પ્રધાનમંત્રી મોદીના સ્વસ્થ ભારતના વિઝનને સાકાર કરવા તરફનું એક મોટું પગલું છે. તેમણે કહ્યું કે ₹10,000 કરોડની બાયોફાર્મા શક્તિ યોજના, 1,000 ટ્રાયલ સાઇટ્સ, કેન્સરની 17 દવાઓ પર કસ્ટમ ડ્યુટી મુક્તિ, દિવ્યાંગો માટે સહાયક સાધનો, માનસિક સ્વાસ્થ્ય માટે NIMHANS-2 પહેલ અને પાંચ મેડિકલ ટૂરિઝમ સેન્ટરો આરોગ્ય સંભાળને વધુ સુલભ બનાવશે.”

કેન્દ્રીય ગૃહ મંત્રીએ કહ્યું, “મોદી સરકાર મહિલાઓને શિક્ષિત કરવા, સમૃદ્ધ બનાવવા અને સશક્ત બનાવવા માટે સતત કામ કરી રહી છે. વિકસિત ભારત બજેટમાં દરેક જિલ્લામાં ગર્લ્સ હોસ્ટેલ ખોલવાની યોજના આપણી બહેનોને શિક્ષણ માટે વધુ સારી અને સુરક્ષિત પહોંચ પૂરી પાડશે. મહિલાઓને “લખપતિ દીદી” બનાવ્યા પછી, મોદી સરકાર હવે મહિલાઓ માટે SHE માર્ટ્સ ખોલવા તરફ આગળ વધી રહી છે. આ રિટેલ આઉટલેટ્સ મહિલાઓને એન્ટરપ્રાઇઝ માલિકો બનાવવા માટે મજબૂત પાયો બનાવશે. વધુમાં, She-Mark બેજ લોન્ચ થવાથી મહિલાઓ માટે ધિરાણ મેળવવાની સરળતા સુનિશ્ચિત થશે.”

https://x.com/AmitShah/status/2017861778190045639?s=20

https://x.com/AmitShah/status/2017874844088734173?s=20

https://x.com/AmitShah/status/2017861597423931763?s=20

https://x.com/AmitShah/status/2017863920829218912?s=20

https://x.com/AmitShah/status/2017886913601179857?s=20

https://x.com/AmitShah/status/2017874314536882624?s=20

https://x.com/AmitShah/status/2017872888305775031?s=20

https://x.com/AmitShah/status/2017887494210011164?s=20

https://x.com/AmitShah/status/2017872605345411100?s=20

https://x.com/AmitShah/status/2017887957982822791?s=20

https://x.com/AmitShah/status/2017897730908291400?s=20

SM/IJ/GP/JD