خواتین و اطفال کی ترقی کی مملکتی وزیر محترمہ ساوتری ٹھاکر اقوامِ متحدہ کے ہیڈکوارٹر میں منعقد ہونے والے اقوامِ متحدہ کے کمیشن برائے سماجی ترقی (سی ایس او سی ڈی) کے 64ویں اجلاس میں بھارتی وفد کی قیادت کے لیے نیویارک کا دورہ کریں گی۔

کمیشن برائے سماجی ترقی، جو اقوامِ متحدہ کی اقتصادی و سماجی کونسل (ای سی او ایس او سی) کا ایک فعّال کمیشن ہے، سماجی ترقی سے متعلق امور پر بین الاقوامی تعاون کے فروغ پر توجہ مرکوز کرتا ہے، جن میں سماجی شمولیت، مساوات اور فلاحی پالیسیوں کا فروغ شامل ہے۔ اس کمیشن کا سالانہ اجلاس رکن ممالک کو ایک عالمی پلیٹ فارم فراہم کرتا ہے، جہاں وہ پیش رفت کا جائزہ لیتے ہیں، تجربات کا تبادلہ کرتے ہیں اور بہترین عملی طریقوں کو باہم شیئر کرتے ہیں۔

64ویں اجلاس میں بھارت کی شرکت سماجی ترقی کے شعبے میں کثیرجہتی کوششوں کے ساتھ اس کی مسلسل وابستگی اور عالمی سماجی پالیسی ترجیحات پر تعمیری مکالمے کے لیے اس کے عزم کی عکاس ہے۔ یہ دورہ سماجی ترقی سے متعلق امور پر اقوامِ متحدہ کی ایجنسیوں اور دیگر رکن ممالک کے نمائندوں کے ساتھ تبادلۂ خیال کے مواقع بھی فراہم کرے گا۔

******

ش ح۔ ش ا ر۔ ول

Uno-1341