প্রধানমন্ত্রীগী লোইশঙ
প্রধানমন্ত্রীনা ইকোনোমীক সর্ভে অসি ভারতকী রিফোর্ম এক্সপ্রেসকী অপুনবা শক্তম অমা ওইনা ফোংদোক্লি, মসিনা শিংননিংঙাই ওইরবা মালেমগী অকোয়বগী ফীভমদা লেপ্পা লৈতবা খুমাং চাউশিনবা অদু উৎলি
থাগৎখিবা:
29 JAN 2026 7:43PM by PIB Imphal
প্রধানমন্ত্রী, শ্রী নরেন্দ্র মোদীনা হায়খি মদুদি ঙসি তেবল তৌরিবা ইকোনোমীক সর্ভে অসিনা ভারতকী রিফোর্ম এক্সপ্রেসকী অপুনবা শক্তম অমা পিরি, মসিনা শিংননিংঙাই ওইরবা মালেমগী অকোয়বগী ফীভমদা লেপ্পা লৈতবা খুমাং চাউশিনবাঅদু উৎলি। শ্রী মোদীনা নোৎ তৌখি মদুদি ইকোনোমীক সর্ভে অসিনা অচেৎপা মেক্রো-ইকোনোমীক ফন্দামেন্তেলশিং, সস্তেনেবল গ্রোথ মোমেন্তম অমসুং নেসন-বিল্দিংদা ইনোবেসন, ওন্তর্প্রিন্যোর্শিপ অমসুং ইনফ্রাস্ত্রকচরগী থৌদাং পাকথোক-চাওথোক্লক্লিবা অসি ফোংদোক্লি। শ্রী মোদীনা হায়খি, "সর্ভে অসিনা ইনক্লুসিব দিবেলপমেন্তকী মরুওইবা অদু ফোংদোক্লি, মসিদা লৌমীশিং, এম.এস.এম.ই.শিং, নহাশিংগী থবক পীবা অমসুং খুন্নাইগী য়াইফনবা মীৎয়েং চংলি। মসিনা মেন্যুফেকচরিং মপাঙ্গল কনখৎহন্নবা, পোত্থোক পুথোকপা হেনগৎহন্নবা অমসুং বিকসিৎ ভারত অমা ওইবগী মায়কৈদা ঐখোয়গী খোংচৎ অসি খোংজেল য়াংশিনবগী রোদমেপসু ফোংদোক্লি।"
কেন্দ্র মন্ত্রী শ্রীমতি তা নির্মলা সিতারমনগী পোস্ত অমগী পাওখুম পিরদুনা X তা শ্রী মোদীনা হায়খি :
"ঙসি তেবলদা পুথোকখিবা ইকোনোমীক সর্ভে অসিনা ভারতকী রিফোর্ম এক্সপ্রেসকী অপুনবা শক্তম অমা পীরি, মসিনা শিংননিংঙাই ওইরবা মালেমগী অকোয়বগী ফীভমদা লেপ্পা লৈতবা খুমাং চাউশিনবাঅদু উৎলি।"
মসিনা অচেৎপা মেক্রো-ইকোনোমীক ফন্দামেন্তেলশিং, সস্তেনেবল গ্রোথ মোমেন্তম অমসুং নেসন-বিল্দিংদা ইনোবেসন, ওন্তর্প্রিন্যুর্শিপ অমসুং ইনফ্রাস্ত্রকচরগী থৌদাং পাকথোক-চাওথোক্লক্লিবা অদু ফোংদোক্লি। সর্ভে অসিনা ইনক্লুসিব দিবেলপমেন্তকী মরুওইবা অদু ফোংদোক্লি, মসিদা লৌমীশিং, এম.এস.এম.ই.শিং, নহাশিংগী থবক পীবা অমসুং খুন্নাইগী য়াইফনবা মীৎয়েং চংলি। মসিনা মেন্যুফেকচরিং মপাঙ্গল কনখৎহন্নবা, প্রদক্তিবিতি হেঙ্গৎহন্নবা অমসুং বিকসিত ভারত অমা ওইনবগী মায়কৈদা ঐখোয়গী খোংচৎ খোংজেল য়াংশিনবগী রোদমেপসু ফোংদোক্লি।
পিরিবা ৱাখললোনশিং অসিনা ইনফোর্ম তৌরবা পোলিসি শেম্বদা লমজিংগনি অমসুং ভারতকী শেন্মিৎলোনগী তুংগী থাজবা হেনগৎহনগনি।”
***
(রিলিজ আই.দি.: 2220665)
ভিজিতর কাউন্তর : 8
রিলিজ অসি মসিদা পাবীয়ু:
English
,
Urdu
,
Marathi
,
हिन्दी
,
Assamese
,
Bengali
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam