نیشنل بایو ڈائیورسٹی اتھارٹی (این بی اے) حیاتیاتی وسائل کے پائیدار استعمال اور ان کے استعمال سے حاصل ہونے والے فوائد کے منصفانہ اور مساوی اشتراک کے لیے ہندوستان کے عزائم کو آگے بڑھا رہی ہے۔  ایکسس اینڈ بینیفٹ شیئرنگ (اے بی ایس) فریم ورک کے تحت اپنے مینڈیٹ کو آگے بڑھانے میں این بی اے نے مہاراشٹر اسٹیٹ بایو ڈائیورسٹی بورڈ کے ذریعے برہن ممبئی میونسپل کارپوریشن (بی ایم سی)، مہاراشٹر کی بایو ڈائیورسٹی مینجمنٹ کمیٹی (بی ایم سی) کو 17 لاکھ روپے تقسیم کیے ہیں۔

یہ رقم بیسیلس جینس سے تعلق رکھنے والے مٹی کے مائیکرو حیاتیات کے کامیاب تجارتی استعمال سے ہوتی ہے۔ ان مائیکرو آرگنزموں کو ویلیو ایڈیڈ پروبایوٹک مصنوعات کی نشوونما کے لیے استعمال کیا گیا ہے جو حیاتیاتی تنوع کے تحفظ اور جدید بایو ٹیکنالوجی کے درمیان ایک موثر تعلق کی عکاسی کرتے ہیں۔ فائدہ کے اشتراک کا انتظام اس بات کو یقینی بناتا ہے کہ حیاتیاتی وسائل سے حاصل ہونے والے تجارتی فوائد کا ایک حصہ مقامی کمیونٹیز کو واپس منتقل کیا جائے، اس طرح کمیونٹی کی سطح کے ترقیاتی اقدامات میں مدد ملے گی۔

این بی اے نے بایو ٹیکنالوجی کے شعبے میں بڑھتے ہوئے رجحان کو نوٹ کیا ہے، جس میں مائیکرو آرگنزم صنعتی اختراع کے لیے ایک اہم بنیاد کے طور پر ابھر رہے ہیں۔ بایو ٹیکنالوجی کے شعبے نے صحت کی دیکھ بھال، زراعت، اور صنعتی ایپلی کیشنز جیسے شعبوں میں مائیکروبیل وسائل کے اہم کردار کو اجاگر کرتے ہوئے، جمع شدہ اے بی ایس فنڈ میں تقریباً 10 کروڑ روپے کا تعاون کیا ہے۔

آندھرا پردیش کے بعد اے بی ایس  کی ایک ریلیز میں مہاراشٹر دوسری بڑی مستفید ریاست بنی ہوئی ہے ۔ ریاست کو اے بی ایس کی تقسیم کا اس میں ریڈ سینڈرز کی لکڑی تک  ایکسس سے جاری ہونے والی فائدے کی تقسیم کی رقم کو چھوڑ کر سب سے زیادہ حصہ ملا ہے ۔ موجودہ ریلیز کے ساتھ مہاراشٹر کو دی گئی کل اے بی ایس سپورٹ تقریباً 8 کروڑ روپے تک پہنچ گئی ہے، جس سے ریاست بھر میں 200 سے زیادہ بایو ڈائیورسٹی مینجمنٹ کمیٹیوں اور سات اداروں کو فائدہ پہنچ رہا ہے۔

قومی سطح پر مجموعی اے بی ایس کی تقسیم نے 144.37 کروڑ روپے (تقریباً 16 ملین امریکی ڈالرز) کا ایک اہم سنگ میل عبور کر لیا ہے۔ یہ کامیابی حیاتیاتی تنوع ایکٹ - 2002 کے مؤثر نفاذ کی عکاسی کرتی ہے اور کنمنگ-مونٹریال گلوبل بایو ڈائیورسٹی فریم ورک کے تحت ہندوستان کے وعدوں کو ، خاص طور پر 13 اور 19 کے اہداف آگے بڑھاتی ہے۔ یہ  نتائج ہندوستان کے قومی حیاتیاتی تنوع کے اہداف 13 اور 19 کے ساتھ بھی مطابقت رکھتے ہیں، جو وسائل کے قابل استعمال اور قابل قدر استعمال پر زور دیتے ہیں۔ مقامی کمیونٹیز، بایو ڈائیورسٹی مینجمنٹ کمیٹیوں کو بااختیار بنانا اور ذریعہ معاش کی حفاظت کو بڑھانا شامل ہے۔

 اے بی ایس  فریم ورک پائیدار ترقی کے اہداف میں مزید تعاون کرتا ہے۔ اجتماعی طور پر یہ نتائج حیاتیاتی تنوع کے کنونشن اور اس کے نگویا پروٹوکول کے عالمی نفاذ میں ہندوستان کی قیادت کو تقویت دیتے ہیں، جبکہ حیاتیاتی تنوع کے تحفظ اور جامع ترقی کے لیے ایک مربوط نقطہ نظر کو فروغ دیتے ہیں۔

*****

ش ح – ظ  ا-  ت ع

UR No. 1224