کرائیکل / امرتسر / دہلی / روڑکی، 25 جنوری 2026:پدوچیری کے کرائیکل میں سنڈیز آن سائیکل کے 58ویں ایڈیشن کا آغازمعزز نوجوانوں کے امور اور کھیلوں کے مرکزی وزیر ڈاکٹر منسکھ مانڈویہ نے کیا۔ اس موقع پر انہوں نے پہلی بار ووٹ دینے والے نوجوانوں سے ملاقات کی، انہیں تہنیت پیش کی اور ان کے ساتھ سائیکل چلا کر فِٹ انڈیا سنڈیز آن سائیکل کے 58ویں ایڈیشن کا جشن منایا، جو قومی یومِ رائے دہندگان کے نام معنون تھا۔

تقریب سے خطاب کرتے ہوئے ڈاکٹر مانڈویہ نے کہا:“ہمارے معزز وزیرِ اعظم نے پہلی بار ووٹ دینے والے شہریوں کو منانے اور انہیں ایک مضبوط بھارت کی تعمیر کے لیے اپنا ووٹ ڈالنے کی ترغیب دینے کی پُرزور اپیل کی ہے۔ آج میں نے 100 سے زائد پہلی بار ووٹ دینے والے نوجوانوں سے بات چیت کی اور وِکسِت بھارت میں اپنا کردار ادا کرنے کے حوالے سے ان کی دلچسپی دیکھ کر بے حد متاثر ہوا۔ دنیا کی سب سے کم عمر جمہوریت ہونے کے ناطے یہ نہایت ضروری ہے کہ ہم نوجوانوں کی توانائی کو بروئے کار لائیں تاکہ بھارت کو ایک عالمی سپر پاور بنایا جا سکے۔”

On the occasion of National Voters’ Day, joined young first-time voters in celebrating the spirit of democracy through Sundays On Cycle in Karaikal, Puducherry.

राष्ट्रीय मतदाता दिवस के उपलक्ष्य में पुडुचेरी के कराईकल ज़िले में Sundays On Cycle के माध्यम से First Time Voters को… pic.twitter.com/GKr8oVa30x

— Dr Mansukh Mandaviya (@mansukhmandviya) January 25, 2026

فِٹ انڈیا سنڈیز آن سائیکل کا 58واں ایڈیشن بے مثال قومی سطح پر منعقد ہوا، جس سے یہ واضح ہوا کہ یہ مہم اب بھارت کی عوام کی قیادت میں چلنے والی سب سے بڑی فِٹنس تحریکوں میں سے ایک بن چکی ہے۔ یومِ جمہوریہ 2026 کی شام، سنڈیز آن سائیکل کے بڑے پروگرام ملک کے جنوبی ساحل پدوچیری سے لے کر تاریخی تعلیمی ادارے آئی آئی ٹی روڑکی تک، اور تاریخی اٹاری بارڈر سے لے کر قومی دارالحکومت نئی دہلی تک منعقد ہوئے۔

ڈاکٹر مانڈویہ، جنہوں نے دسمبر 2024 میں فِٹ انڈیا سنڈیز آن سائیکل پروگرام کا آغاز کیا تھا، نے مائی بھارت سے اپیل کی کہ وہ ووٹنگ اور جمہوری شرکت کی اہمیت کے بارے میں آگاہی پیدا کرنے میں قائدانہ کردار ادا کرے۔ صرف ایک سال کے عرصے میں اس مہم نے دو لاکھ سے زائد مقامات پر 25 لاکھ سے زیادہ شہریوں کو یکجا کیا ہے۔ طلباء اور نوجوان پیشہ ور افراد سے لے کر بزرگ شہریوں، کھلاڑیوں اور وردی پوش خدمات سے وابستہ اہلکاروں تک، یہ اقدام عمر، پیشے اور جغرافیے کی حدود سے بالاتر ہو کر فِٹنس کو روزمرہ زندگی کا حصہ بنانے میں مسلسل کامیاب رہا ہے۔

اس سال قومی یومِ رائے دہندگان کی تقریبات کے ساتھ #مائی بھارت مائی ووٹ مہم کے تحت وِکسِت بھارت کے نوجوان ووٹروں کا بھی جشن منایا گیا۔ فِٹ انڈیا سنڈیز آن سائیکل نے فِٹنس، نوجوانوں کی شرکت اور جمہوری اقدار کو یکجا کرنے کے لیے ایک ملک گیر پلیٹ فارم فراہم کیا۔

58ویں ایڈیشن کا ایک نہایت پُرجوش اور متاثر کن باب امرتسر کے اٹاری بارڈر پر رقم ہوا، جہاں یومِ جمہوریہ اور قومی یومِ رائے دہندگان کی شام سنڈیز آن سائیکل کو مرکزی مسلح پولیس فورسز اور نوجوان ووٹروں کے ساتھ منایا گیا۔ اٹاری–واگہہ کی تاریخی اور علامتی تقریب گاہ کے پس منظر میں اس صبح ایک نایاب منظر دیکھنے کو ملا، جب جوانوں، پہلی بار ووٹ دینے والے نوجوانوں، کھلاڑیوں، معروف شخصیات اور عام شہریوں نے مشترکہ فخر کے احساس کے ساتھ ایک ساتھ سائیکل چلائی۔یومِ جمہوریہ کی شام اور قومی یومِ رائے دہندگان کے موقع پر اس منظر کی علامتی حیثیت بالکل واضح تھی: فِٹنس، آزادی اور شہری ذمہ داری کا ایک منفرد اور بامعنی امتزاج۔

مرکزی وزیرِ مملکت برائے امورِ نوجوانان و کھیل، محترمہ رکْشا این۔ کھڈسے نے صبح کے ان بامعنی لمحات کی قیادت کی جو اس تقریب کی شناخت بن گئے۔ انہوں نے آئی جی بارڈر سکیورٹی فورس (بی ایس ایف) ہیڈکوارٹر جالندھر کو تہنیت پیش کی اور #مائی بھارت مائی ووٹ مہم کے تحت پہلی بار ووٹ دینے والے نوجوانوں کی حوصلہ افزائی و اعزاز کیا، جس کے بعد ایک پُروقار ووٹروں کا حلف دلایا گیا۔ ملک کی سرحد پر نوجوان ووٹروں کا جشن منانا جمہوریت اور فِٹنس—دونوں—کا ایک طاقتور پیغام تھا۔

Pedaling for health, riding for democracy!

An unforgettable Sunday at the Wagah Border as we celebrated #NationalVotersDay with a high-energy #SundaysOnCycle rally.

We aren't just moving toward fitness; we’re moving toward a stronger nation by celebrating our right to vote! pic.twitter.com/IkHSqNFuDR

— Raksha Khadse (@khadseraksha) January 25, 2026

اولمپین اور دو مرتبہ کی عالمی باکسنگ چیمپئن نکہت زرین، سابق بھارتی فاسٹ بولر سدھارتھ کول کے ساتھ اداکار وویک دہیا، راگنی دویدی اور گلوکارہ آشیتا دت بھی ان تقریبات میں شریک ہوئیں۔ انہوں نے شرکاء سے ملاقات کی اور عوام کی قیادت میں چلنے والی اس تحریک کو اپنی موجودگی سے مزید تقویت بخشی۔

فِٹ انڈیا کے انفلوئنسرز نے بھی اس موقع کی رونق بڑھائی۔ ان کی موجودگی نے اس تصور کو مضبوط کیا کہ فِٹنس پیشے اور شہرت کی قید سے آزاد ہے اور سب کو ایک ہی سطح پر متحد کرتی ہے۔

جب صبح 8:45 بجے سائیکل ریلی کو باضابطہ طور پر روانہ کیا گیا تو اٹاری بارڈر سے 800 سائیکل سواروں نے سفر کا آغاز کیا، جنہیں تماشائیوں اور دیگر شرکاء کی بھرپور حوصلہ افزائی حاصل تھی۔ اس کے ساتھ ساتھ مقام پر دیگر سرگرمیاں بھی جاری رہیں—یوگا کارنرز نے سکون اور توازن کو فروغ دیا، رسّی کودنے کے زون نوجوانوں کی توانائی سے گونجتے رہے، جبکہ انٹرایکٹو کھیلوں کے حصے اور ثقافتی پروگراموں نے میلے جیسا ماحول قائم رکھا۔ فضا جوش سے بھرپور ہونے کے ساتھ ساتھ گہرے جذبات سے بھی لبریز تھی، جہاں وردی پر فخر، ووٹ کے احترام اور اجتماعی شرکت کی خوشی نمایاں تھی۔

یہ تحریک تعلیمی حلقوں تک بھی پہنچی، جہاں آئی آئی ٹی روڑکی نے پہلی بار اپنے کیمپس میں 58ویں ایڈیشن کی میزبانی کی۔ طلبہ، اساتذہ اور انتظامیہ نے سائیکل ریلی اور فِٹنس سرگرمیوں میں حصہ لیا، جس سے ظاہر ہوا کہ سنڈیز آن سائیکل نوجوانوں اور تعلیمی اداروں میں بھرپور پذیرائی حاصل کر چکی ہے۔

روڑکی ایڈیشن نے اس اقدام کے بڑھتے ہوئے دائرۂ اثر کو اجاگر کیا—عوامی سڑکوں اور تاریخی مقامات سے لے کر ممتاز تعلیمی کیمپسز تک—اور نوجوان شہریوں کو ماحول دوست طرزِ زندگی اپنانے اور کاربن فٹ پرنٹ سے باخبر رہنے کی ترغیب دی۔ اس موقع پر خطاب کرتے ہوئے پروفیسر کمل کشور پنت، ڈائریکٹر آئی آئی ٹی روڑکی نے کہا:“نوجوان ذہنوں کو مضبوط بنانے کے لیے تعلیم میں فِٹنس کو شامل کرنا نہایت ضروری ہے۔”

نئی دہلی میں فِٹ انڈیا سنڈیز آن سائیکل کا انعقاد وسنت کنج میں آر ڈبلیو اے کے رہائشیوں کے ساتھ کیا گیا، جن میں بڑی تعداد پہلی بار ووٹ دینے والوں کی تھی۔ اس تقریب میں قومی خواتین کبڈی کھلاڑی ریتو شیورن نے شرکت کی اور کہا:“سائیکلنگ ایک ایسی ورزش ہے جو خاص طور پر خواتین آسانی سے کر سکتی ہیں، جنہیں اکثر خاندان کی جانب سے کھیل یا دیگر فِٹنس سرگرمیوں کی حوصلہ افزائی نہیں ملتی۔ روزانہ صرف 15 منٹ سائیکل چلانا صحت مند اور چاق و چوبند رہنے کے لیے کافی ہے۔”

باقاعدہ آؤٹ ڈور فِٹنس سرگرمیوں کی ضرورت پر زور دیتے ہوئے قومی کبڈی کھلاڑی روہت کمار نے کہا:“میری خواہش ہے کہ ایسے پروگرام ہر ہفتے منعقد ہوں تاکہ بھارت فِٹ اور صحت مند رہے۔”

فِٹ انڈیا سنڈیز آن سائیکل کا 58واں ایڈیشن آئی آئی ٹی روڑکی میں بھی منعقد ہوا، جہاں طلبہ اور اساتذہ کی بڑی تعداد نے سائیکلنگ میں حصہ لیا۔ پہلی بار ووٹ دینے والے نوجوانوں نے بھی قومی یومِ رائے دہندگان کی مناسبت سے اپنا عہد کیا۔ اس موقع پر پروفیسر کمل کشور پنت نے کہا:“تعلیم کے منصوبے میں جسمانی اور ذہنی فِٹنس سرگرمیوں کو شامل کرنا مضبوط افراد کی تشکیل کے لیے نہایت اہم ہے، جو قوم کی تعمیر میں اپنا کردار ادا کر سکیں۔”انہوں نے یہ تجویز بھی پیش کی کہ تمام شہری رضاکارانہ طور پر ایک ’کار فری ڈے‘ منائیں۔

ملک بھر سے فِٹ انڈیا ایمبیسیڈرز نے بھی اپنی فعال شرکت کے ذریعے تقریبات منائیں اور عوام سے سنڈیز آن سائیکل میں حصہ لینے اور قومی یومِ رائے دہندگان منانے کی اپیل کی۔ بیک وقت مختلف مقامات پر منعقد ہونے والے اس پروگرام نے ایک بار پھر وزراء، کھلاڑیوں اور شہریوں کو ایک مشترکہ پلیٹ فارم پر اکٹھا کیا تاکہ صحت اور ماحولیاتی شعور کی ثقافت کو فروغ دیا جا سکے۔

29 اگست 2019 کو فِٹ انڈیا موومنٹ کے آغاز سے ہی اس کا وژن فِٹنس کو روزمرہ زندگی کا لازمی حصہ بنانا اور جسمانی طور پر زیادہ متحرک معاشرے کی جانب طویل المدتی طرزِعمل میں تبدیلی لانا رہا ہے۔ سنڈیز آن سائیکل اس وژن کا سب سے نمایاں اور مؤثر مظہر بن کر ابھرا ہے، جو قومی سطح کے دو اہم چیلنجز—#FightObesity موٹاپا اور #PollutionKaSolution—آلودگی سے نمٹنے کے لیے لوگوں کو ساکن طرزِ زندگی کے بجائے سائیکلنگ اور جسمانی حرکت اختیار کرنے کی ترغیب دیتا ہے۔

***********

 

ش ح ۔   م  د ۔  م  ص

(U :   1066  )

(रिलीज़ आईडी: 2218558) आगंतुक पटल : 4